ຂປລ
ວຽງງານກູ້ໄພ ແລະ ຍົກຍ້າຍຜູ້ໂດຍສານ ຈາກເຮືອໂດຍສານ ອິນໂດເນເຊຍ ທີ່ເກີດໄຟໄໝ້ ຢູ່ເຂດທະເລໃກ້ກັບ ເກາະບາຫລີ ເຊິ່ງເປັນສະຖານທີ່ ທ່ອງທ່ຽວ ທີ່ມີຊື່ສຽງ ໄດ້ສິ້ນສຸດລົງແລ້ວ. ປັດຈຸບັນ ຢືນຢັນໄດ້ວ່າມີພົນລະເມືອງອິນໂດເນເຊຍ ເສຍຊີວິດ 1 ຄົນ ແລະ 211 ຄົນ ໄດ້ຮັບການຊ່ວຍເຫລືອແລ້ວ.
ຂປລ.ວິທະຍຸ-ໂທລະພາບສູນກາງຈີນ, ວັນທີ 13 ສິງຫານີ້, ພາກສ່ວນກູ້ໄພທ້ອງຖິ່ນ ອິນໂດເນເຊຍ ໄດ້ອອກຖະແຫລງການວ່າ: ວຽງງານກູ້ໄພ ແລະ ຍົກຍ້າຍຜູ້ໂດຍສານ ຈາກເຮືອໂດຍສານ ອິນໂດເນເຊຍ ທີ່ເກີດໄຟໄໝ້ ຢູ່ເຂດທະເລໃກ້ກັບ ເກາະບາຫລີ ເຊິ່ງເປັນສະຖານທີ່ ທ່ອງທ່ຽວ ທີ່ມີຊື່ສຽງ ໄດ້ສິ້ນສຸດລົງແລ້ວ. ປັດຈຸບັນ ຢືນຢັນໄດ້ວ່າມີພົນລະເມືອງອິນໂດເນເຊຍ ເສຍຊີວິດ 1 ຄົນ ແລະ 211 ຄົນ ໄດ້ຮັບການຊ່ວຍເຫລືອແລ້ວ. ບັນທຶກການລົງທະບຽນຂຶ້ນເຮືອ ສະແດງໃຫ້ເຫັນວ່າ: ເຮືອໂດຍສານລໍານີ້ ບັນຈຸຜູ້ໂດຍສານ 114 ຄົນ ແລະ ລູກເຮືອ 17 ຄົນ, ແຕ່ຍ້ອນຂັ້ນຕອນ ການລົງທະບຽນ ມີຄວາມຜິດພາດ ຈຶ່ງເຮັດໃຫ້ຈຳນວນຜູ້ໂດຍສານຕົວຈິງເກີນ ຈຳນວນການລົງທະບຽນ./.
(ບັນນາທິການຂ່າວ: ຕ່າງປະເທດ) ຮຽບຮຽງ ຂ່າວໂດຍ: ສະໄຫວ ລາດປາກດີ
KPL
