ຂປລ
ອົງການ ບັນດາປະເທດ ສົ່ງອອກນ້ຳມັນ (OPEC) ສືບຕໍ່ຫລຸດຜ່ອນ ການຄາດຄະເນ ການເຕີບໂຕ ຄວາມຕ້ອງການ ນ້ຳມັນໂລກປີ 2026 ລົງ ເຫລືອພຽງ 580.000 ຖັງ/ວັນ.
ຂປລ.ວິທະຍຸ ກະຈ່າຍສຽງຫວຽດນາມ, ວັນທີ 12 ສິງຫາ, ອົງການ ບັນດາປະເທດ ສົ່ງອອກນ້ຳມັນ (OPEC) ສືບຕໍ່ຫລຸດຜ່ອນ ການຄາດຄະເນ ການເຕີບໂຕ ຄວາມຕ້ອງການນ້ຳມັນໂລກປີ 2026 ລົງ ເຫລືອພຽງ 580.000 ຖັງ/ວັນ. ນີ້ແມ່ນເທື່ອທີ 4 ຢ່າງລຽນຕິດ ທີ່ອົງການນີ້ ດັດປັບແງ່ຫວັງ ຄວາມຕ້ອງການນ້ຳມັນໃນປີນີ້. ໃນເດືອນ ກໍລະກົດ, ອົງການນີ້ໄດ້ຄາດຄະເນວ່າ ຄວາມຕ້ອງການນ້ຳມັນທົ່ວໂລກ ຈະເພີ່ມຂຶ້ນ 800.000 ຖັງ/ວັນ ໃນປີ 2026. ຕາມບົດລາຍງານຕະຫຼາດນ້ຳມັນປະຈຳເດືອນເຊິ່ງ OPEC ຫາກໍ່ປະກາດ, ລະດັບຄາດຄະເນໃໝ່ຕ່ຳກວ່າ ບັນດາການຄາດຄະເນ ກ່ອນນີ້ ສະແດງໃຫ້ເຫັນວ່າ ແງ່ຫວັງການບໍລິໂພກນ້ຳມັນທົ່ວໂລກ ສືບຕໍ່ຫລຸດລົງ ໃນສະພາບການຜັນແປ ດ້ານເສດຖະກິດ ແລະ ພູມສາດການເມືອງໂລກ. ເຖິງຢ່າງໃດກໍ່ຕາມ, OPEC ຍັງຕີລາຄາວ່າ ຜົນກະທົບ ຂອງການປະທະກັນ ລະຫວ່າງ ອີຣານ ກັບ ສ.ອາເມລິກາ ແລະ ອິດສະຣາແອັນ ທີ່ມີຕໍ່ຄວາມຕ້ອງການນ້ຳມັນ ແມ່ນຕ່ຳກວ່າ ເມື່ອທຽບໃສ່ການຄາດຄະເນຂອງອົງການອື່ນຈຳນວນໜຶ່ງ./.
(ບັນນາທິການຂ່າວ: ຕ່າງປະເທດ) ຮຽບຮຽງ ຂ່າວໂດຍ: ສະໄຫວ ລາດປາກດີ
KPL
