ປກສ ຢຸດເຊົາການອອກປື້ມສຳມະໂນຄົວເກົ່າ ແລະ ຫັນມານຳໃຊ້ໜັງສືຢັ້ງຢືນຂໍ້ມູນສຳມະໂນຄົວແທນ

07/08/2026 06:12

Email Print 1590

ຂປລ ຫ້ອງວ່າການກະຊວງ ປ້ອງກັນຄວາມສະຫງົບ ແຈ້ງມາຍັງ ຫ້ອງການບັນດາກະຊວງ, ອົງການ ທຽບເທົ່າ, ສະພາແຫ່ງຊາດ, ອົງ ການປົກຄອງທ້ອງຖິ່ນ, ຜູ້ປະກອບ ການ, ທະຫານ, ຕຳຫລວດ ແລະ ປະຊາຊົນບັນດາເຜົ່າໃນຂອບເຂດ ທົ່ວປະເທດກ່ຽວກັບໄດ້ຢຸດເຊົາ ການອອກປຶ້ມສຳມະໂນຄົວໃຫ້ພົນ ລະເມືອງລາວແບບເກົ່າຫັນມາຈົດ ທະບຽນສໍາມະໂນຄົວແບບເອເລັກ ໂຕຣນິກແບບທັນສະໄໝ ແລະ ຫັນ ມານຳໃຊ້ໜັງສືຢັ້ງຢືນຂໍ້ມູນສໍາ ມະໂນຄົວ (ແບບຟອມ ສຄ07)

ຕາມລະບຽບຫລັກການຂອງກະ ຊວງປ້ອງກັນຄວາມສະຫງົບແທນ ປື້ມສໍາມະໂນຄົວແບບເກົ່າ. ສໍາລັບບຸກຄົນ ແລະ ຄອບຄົວ ທີ່ມີປຶ້ມສໍາມະໂນຄົວອອກໃຫ້ໃນ ໄລຍະຜ່ານມາ ກໍຍັງສາມາດນຳໃຊ້ ໄດ້ຈົນກວ່າຈະມີແຈ້ງການລົບລ້າງ, ສ່ວນບຸກຄົນ ແລະ ຄອບຄົວທີ່ມີຂໍ້ ມູນສໍາມະໂນຄົວຢູ່ໃນລະບົບເອເລັກ ໂຕຣນິກແລ້ວແມ່ນໃຫ້ນຳໃຊ້ໜັງສື ຢັ້ງຢືນຂໍ້ມູນສຳມະໂນຄົວແທນປຶ້ມ ສຳມະໂນຄົວແບບເກົ່າ; ສຳລັບ ພົນລະເມືອງຜູ້ທີ່ມີບັດປະຈໍາຕົວດີ ຈິຕອນແລ້ວສາມາດນໍາໃຊ້ບັດປະ ຈໍາຕົວດີຈິຕອນເປັນການຢັ້ງຢືນຕົວຕົນຂອງພົນລະເມືອງ ເພື່ອປະກອບ ທຸລະກຳຕ່າງໆໄດ້ເຊັ່ນດຽວກັນ; ພາກສ່ວນທີ່ສາມາດອອກໜັງສື ຢັ້ງຢືນຂໍ້ມູນສຳມະໂນຄົວ (ແບບ ຟອມ ສຄ07) ມີ 3 ພາກສ່ວນຄື: ກົມ ຄຸ້ມຄອງສຳມະໂນຄົວ ແລະ ກໍ່ສ້າງ ຮາກຖານ; ກອງບັນຊາການ ປກສ ນະຄອນຫລວງວຽງຈັນ, ປກສ ແຂວງ; ບັນດາກອງບັນຊາການ ປກສ ເມືອງ-ປກສ ນະຄອນ ໃນ ຂອບເຂດທົ່ວປະເທດ. ບັນດາກະຊວງ, ອົງການທຽບ ເທົ່າ, ອົງການປົກຄອງທ້ອງຖິ່ນທຸກ ຂັ້ນ ແລະ ທຸກພາກສ່ວນທີ່ກ່ຽວຂ້ອງ ຈົ່ງຮັບຮູ້, ອໍານວຍຄວາມສະດວກ ໃນການປະກອບເອກະສານເຮັດ ທຸລະກຳຕ່າງໆ.

KPL

ວັດທະນະທຳ-ສັງຄົມ
ລະດົມຄຳເຫັນສ້າງຄວາມເປັນເອກະພາບການນຳໃຊ້ບາງມາດຕາຂອງປະມວນກົດໝາຍອາຍາ
9/21/2026 9:46:10 AM
ວັນທີ 18 ກັນຍາ 2026 ຜ່ານມາ, ອົງການໄອຍະການປະຊາຊົນສູງສຸດ ຈັດກອງປະຊຸມລະດົມຄຳເຫັນທາງດ້ານນິຕິສາດ ກ່ຽວກັບຄວາມໝາຍ ແລະ ການນຳໃຊ້ບາງບົດບັນຍັດຂອງປະມວນກົດໝາຍອາຍາ ໂດຍສຸມໃສ່ຄຳວ່າ “ຜົວ ຫຼື ເມຍ” ຕາມມາດຕາ 247 ແລະ “ງັດແງະ” ຕາມມາດຕາ 231 ວັກ 2 ຊຶ່ງໃນພາກປະຕິບັດຕົວຈິງ ຍັງມີການເຂົ້າໃຈ ແລະ ນຳໃຊ້ບໍ່ທັນເປັນເອກະພາບກັນ ໂດຍການເປັນປະທານຂອງ ທ່ານ ຄຳເພັດ ສົມວໍລະຈິດ ຮອງຫົວໜ້າອົງການໄອຍະການປະຊາຊົນສູງສຸດ, ພ້ອມດ້ວຍ ທ່ານສາດສະດາຈານກົດໝາຍອາວຸໂສ, ຜູ້ແທນຈາກອົງການໄອຍະການປະຊາຊົນ, ສານປະຊາຊົນ, ອົງການສືບສວນ-ສອບສວນ ເຂົ້າຮ່ວມແບບເຊິ່ງໜ້າ ແລະ ຜ່ານລະບົບທາງໄກ.
ວັດທະນະທຳ-ສັງຄົມ
ກອງປະຊຸມທົບທວນ ສົນທິສັນຍາວ່າດ້ວຍການເກືອດຫ້າມລະເບີດລູກຫວ່ານ ຮອບວຽນທີ 3 ປິດລົງດ້ວຍຜົນສຳເລັດ
9/21/2026 9:41:12 AM
ກອງປະຊຸມທົບທວນສົນທິສັນຍາ ວ່າດ້ວຍການເກືອດຫ້າມລະເບີດລູກຫວ່ານ ຮອບວຽນທີ 3 (3RC-CCM) ພາຍໃຕ້ຫົວຂໍ້ “ຊຸກຍູ້ຄວາມຄືບໜ້າໃນການຈັດຕັ້ງປະຕິບັດສົນທິສັນຍາ ເພື່ອສ້າງໃຫ້ໂລກນີ້ປາສະຈາກໄພຂົ່ມຂູ່ຈາກລະເບີດລູກຫວ່ານ” ທີ່ ສປປ ລາວ ໄດ້ຮັບກຽດເປັນເຈົ້າພາບ ໃນລະຫວ່າງວັນທີ 14-18 ກັນຍາ 2026 ຢູ່ນະຄອນຫຼວງວຽງຈັນ ປິດລົງດ້ວຍຜົນສຳເລັດ ໂດຍມີຄະນະຜູ້ແທນ ຈາກ 91 ປະເທດ, ໃນນັ້ນ 74 ປະເທດພາຄີ ແລະ 17 ປະເທດສັງເກດການ ແລະ ອົງການຈັດຕັ້ງສາກົນຕ່າງໆ ທັງໝົດ 27 ອົງການ ເຂົ້າຮ່ວມ.
ວັດທະນະທຳ-ສັງຄົມ
ກຳລັງ ປກຊ-ປກສ ເຂັ້ມງວດວຽກປ້ອງກັນຮັບໃຊ້ກອງປະຊຸມ 3RC-CCM
9/21/2026 9:34:31 AM
ເພື່ອປະກອບສ່ວນເຮັດໃຫ້ການດຳເນີນກອງປະຊຸມທົບທວນສົນທິສັນຍາ ວ່າດ້ວຍການເກືອດຫ້າມລະເບີດລູກຫວ່ານ ຮອບວຽນທີ 3 (3RC-CCM) ທີ່ ສປປ ລາວ ໄດ້ຮັບກຽດເປັນເຈົ້າພາບ
ວັດທະນະທຳ-ສັງຄົມ
ຫາລືສ້າງແຜນຄຸ້ມຄອງສັງຄົມ ແລະ ສິ່ງແວດລ້ອມ ສະບັບທີ 5
9/21/2026 9:15:18 AM
ກົມປ່າໄມ້, ກະຊວງກະສິກຳ ແລະ ສິ່ງແວດລ້ອມ ຈັດກອງປະຊຸມປຶກສາຫາລື ກ່ຽວກັບການສ້າງແຜນຄຸ້ມຄອງສັງຄົມ ແລະ ສິ່ງແວດລ້ອມ ສະບັບທີ 5 ສຳລັບອຸທິຍານແຫ່ງຊາດ ນາກາຍ-ນ້ຳເທີນ ຂັ້ນສູນກາງ ໃນວັນທີ 15 ກັນຍາ 2026 ໂດຍການເປັນປະທານຂອງ ທ່ານ ຄຳເຝືອ ສິຣິວົງ ຮອງຫົວໜ້າກົມປ່າໄມ້ ກະຊວງກະສິກຳ ແລະ ສິ່ງແວດລ້ອມ, ພ້ອມດ້ວຍພາກສ່ວນກ່ຽວຂ້ອງ ເຂົ້າຮ່ວມ.
ວັດທະນະທຳ-ສັງຄົມ
ລາວ-ຫວຽດນາມ ຮ່ວມມືຍົກລະດັບຄວາມຮູ້ດ້ານວິຊາສະເພາະ ໃຫ້ເຈົ້າໜ້າທີ່ພາສີ
9/17/2026 12:52:23 PM
ກົມພາສີ ກະຊວງການເງິນ ສປປ ລາວ ແລະ ກົມພາສີ ກະຊວງການເງິນ ສສ ຫວຽດນາມ ຈັດຝຶກອົບຮົມໃນຫົວຂໍ້ “ການກຳນົດມູນຄ່າແຈ້ງພາສີ, ການຈັດລະຫັດສິນຄ້າ ແລະ ການກຳນົດແຫຼ່ງກຳເນີດສິນຄ້າ” ໃນວັນທີ 15 ກັນຍາ 2026 ໂດຍການເປັນປະທານຂອງ ທ່ານ ພຸດທະນິກອນ ເຄນນະວົງ ຮອງຫົວໜ້າກົມພາສີ ກະຊວງການເງິນ ສປປ ລາວ, ມີວິທະຍາກອນຈາກກົມພາສີ ຫວຽດນາມ ນຳໂດຍ ທ່ານ ນາງ ໄມ ທິ ເວີນ ແອງ ຮອງຫົວໜ້າພະແນກຄຸ້ມຄອງພາສີ ແລະ ອາກອນ, ມີສຳມະນາກອນຈາກກົມພາສີ ແລະ ພາສີປະຈຳແຂວງ, ບັນດາດ່ານ ໃນຂອບເຂດທົ່ວປະເທດ ເຂົ້າຮ່ວມ.