ຂປລ
ເຮືອບິນ C919 ເຊິ່ງເປັນ ເຮືອບິນໂດຍສານ ຂະໜາດໃຫຍ່ ທີ່ຜະລິດໂດຍ ສປ ຈີນ ໄດ້ເດີນທາງອອກຈາກ ສະໜາມບິນສາກົນ ນະຄອນຫລວງປັກກິ່ງ ແລະ ລົງຈອດຢູ່ສະໜາມບິນອູລານບາຕໍໃໝ່ ປະເທດມົງໂກລີ ສຳເລັດຜົນ.
ຂປລ.ວິທະຍຸ-ໂທລະພາບ ສູນກາງຈີນ, ວັນທີ 12 ສິງຫານີ້, ເຮືອບິນ C919 ເຊິ່ງເປັນ ເຮືອບິນໂດຍສານ ຂະໜາດໃຫຍ່ ທີ່ຜະລິດໂດຍ ສປ ຈີນ ໄດ້ເດີນທາງອອກຈາກ ສະໜາມບິນສາກົນ ນະຄອນຫລວງປັກກິ່ງ ແລະ ລົງຈອດຢູ່ສະໜາມບິນອູລານບາຕໍໃໝ່ ປະເທດມົງໂກລີ ສຳເລັດຜົນ. ນີ້ແມ່ນການເປີດເສັ້ນທາງການບິນສາກົນ ສາຍທຳອິດ ຫລັງຈາກ ເຮືອບິນ C919 ເລີ່ມດຳເນີນທຸລະກິດ ເຊິ່ງສະແດງໃຫ້ເຫັນວ່າ: ເຮືອບິນ C919 ໄດ້ຜ່ານການກວດສອບ ມາດຕະຖານໃນການດຳເນີນທຸລະກິດ ການບິນພົນລະເຮືອນສາກົນ ສອງຝ່າຍ ຢ່າງສະດວກ ແລະ ໄດ້ຮັບການຮັບຮອງ ໃຫ້ບໍລິການຜູ້ໂດຍສານ ເສັ້ນທາງການບິນສາກົນ ຢ່າງເປັນປົກກະຕິ ເຊິ່ງເປັນຂີດໝາຍສະແດງ ໃຫ້ເຫັນວ່າ: ການພັດທະນາ ສູ່ລະດັບສາກົນຂອງເຮືອບິນໂດຍສານຂະໜາດໃຫຍ່ ທີ່ຜະລິດໂດຍ ສປ ຈີນ ໄດ້ເຂົ້າສູ່ຂັ້ນຕອນ ການພັດທະນາໃໝ່./.
(ບັນນາທິການຂ່າວ: ຕ່າງປະເທດ) ຮຽບຮຽງ ຂ່າວໂດຍ: ສະໄຫວ ລາດປາກດີ
KPL
