ຂປລ
ສປ ຈີນ ໄດ້ເພີ່ມຄວາມແຮງ ໃນການສ້າງໂຄງການຜະລິດໄຟຟ້າ ດ້ວຍພະລັງງານນິວເຄລຍ, ກຳລັງຕິດຕັ້ງເຄື່ອງຈັກຜະລິດໄຟຟ້າ ດ້ວຍພະລັງງານນິວເຄລຍຂອງ ສປ ຈີນ ເປັນອັນດັບ 1 ຂອງໂລກ.
ຂປລ.ວິທະຍຸ-ໂທລະພາບ ສູນກາງຈີນ, ສປ ຈີນ ໄດ້ເພີ່ມຄວາມແຮງ ໃນການສ້າງໂຄງການຜະລິດໄຟຟ້າ ດ້ວຍພະລັງງານນິວເຄລຍ, ກຳລັງຕິດຕັ້ງເຄື່ອງຈັກຜະລິດໄຟຟ້າ ດ້ວຍພະລັງງານນິວເຄລຍຂອງ ສປ ຈີນ ເປັນອັນດັບ 1 ຂອງໂລກ. ປັດຈຸບັນ, ເຄື່ອງຈັກຜະລິດໄຟຟ້າ ດ້ວຍພະລັງງານນິວເຄລຍ ທີ່ພວມກໍ່ສ້າງຢູ່ຂອງ ສປ ຈີນ ມີເຖິງ 57 ໜ່ວຍ, ຂະໜາດການກໍ່ສ້າງ ໄດ້ກວມເອົາຫລາຍກວ່າເຄິ່ງໜຶ່ງຂອງໂລກ. ກຳລັງຕິດຕັ້ງເຄື່ອງຈັກ ຜະລິດໄຟຟ້າ ດ້ວຍພະລັງງານນິເຄລຍຂອງ ສປ ຈີນ ທີ່ກຳລັງຜະລິດໄຟຟ້າ ແລະ ກຳລັງກໍ່ສ້າງຢູ່ໄດ້ບັນລຸເຖິງ 135 ລ້ານກິໂລວັດ, ເປັນອັນດັບ 1 ຂອງໂລກ.ໃນໄລຍະການຈັດຕັ້ງ ປະຕິບັດ ແຜນພັດທະນາ ເສດຖະກິດ-ສັງຄົມ ແຫ່ງຊາດ 5 ປີຄັ້ງທີ 15 ຂອງ ສປ ຈີນ, ສປ ຈີນ ໄດ້ສືບຕໍ່ຮັກສາ ຫລັກການ “ການພັດທະນາຢ່າງຕັ້ງໜ້າ, ປອດໄພ ແລະ ເປັນລະບຽບຮຽບຮ້ອຍ” ໃນການຜະລິດໄຟຟ້າດ້ວຍພະລັງງານນິວເຄລຍ, ຊຸກຍູ້ການກໍ່ສ້າງເຂດຜະລິດໄຟຟ້າ ດ້ວຍພະລັງງານນິວເຄລຍ ແຄມທະເລ ພາກຕາເວັນອອກຢ່າງໜັກແໜ້ນ, ຊຸກຍູ້ການນຳໃຊ້ພະລັງງານນິວເຄລຍ ຢ່າງຮອບດ້ານ ຕາມສະພາບຕົວຈິງ ຂອງທ້ອງຖິ່ນ ແລະ ເພີ່ມອັດຕາສ່ວນ ຂອງໄຟຟ້ານິວເຄລຍ ໃນການນຳໃຊ້ ພະລັງງານໄຟຟ້າ ໃຫ້ສູງຂຶ້ນຢ່າງໜັກແໜ້ນ./.
(ບັນນາທິການຂ່າວ: ຕ່າງປະເທດ) ຮຽບຮຽງ ຂ່າວໂດຍ: ສະໄຫວ ລາດປາກດີ
KPL
