ຂປລ
ກະຊວງສຶກສາທິການ ແລະ ກິລາ ແຫ່ງ ສປປ ລາວ ລົງ ນາມເຊັນສັນຍາການຮ່ວມມືກັບ ສະຖາບັນຄົ້ນຄວ້າວິທະຍາສາດ ການສຶກສາ ແລະ ກໍ່ສ້າງ ນະຄອນ ໂຮ່ຈີ່ມິງ ສສ ຫວຽດນາມ ໃນການ ຈັດຕັ້ງປະຕິບັດໂຄງການເພດສຶກ ສາ ແລະ ທັກສະການປ້ອງກັນ ການລ່ວງລະເມີດທາງເພດສຳລັບ ເດັກອາຍຸ 3-5 ປີ “ERA Kids” ໄລຍະຍາວໃນວັນທີ 28 ກໍລະກົດ 2026 ຢູ່ກະຊວງ ສສກ
ໂດຍການ
ຮ່ວມລົງນາມລະຫວ່າງທ່ານ ນາງ
ຈອມແພງ ວົງສາ ຫົວໜ້າກົມການ
ສຶກສາກ່ອນໄວຮຽນ ກະຊວງສຶກ
ສາທິການ ແລະ ກິລາ ແລະ ທ່ານ
ນາງ ເຈີ່ນ ທິ ເກວ້ ຈີ່ (Tran Thi
Que Chi) ຮອງຫົວໜ້າສະຖາບັນ
ຄົ້ນຄວ້າວິທະຍາສາດການສຶກສາ
ແລະ ກໍ່ສ້າງ ນະຄອນໂຮ່ຈີ່ມິງ ສສ
ຫວຽດນາມ, ມີທ່ານ ຫລ້າວັນ
ວົງຄຳສານ ຫົວໜ້າຫ້ອງການກະ
ຊວງສຶກສາທິການ ແລະ ກິລາ ແລະ
ທ່ານ ພອນສີ ບຸນມີໄຊ ກົງສູນໃຫຍ່
ແຫ່ງ ສປປ ລາວ ປະຈຳ ນະຄອນ
ໂຮ່ຈີ່ມິງ ແລະ ພາກສ່ວນກ່ຽວຂ້ອງ
ສອງຝ່າຍເຂົ້າຮ່ວມເປັນສັກຂີພິ
ຍານ ຊຶ່ງໂຄງການດັ່ງກ່າວມີໄລຍະ
ການຈັດຕັ້ງປະຕິບັດ 5 ປີ 9 ເດືອນ
(2026-2031).
ທ່ານ ຫລ້າວັນ ວົງຄຳສານ ໄດ້
ກ່າວວ່າ: ຫລັກສູດ ERA Kids
ສຳລັບເດັກອາຍຸ 3-5 ປີ ຖືເປັນ
ຫລັກສູດທີ່ທັນສະໄໝ ແລະ ມີເນື້ອ
ໃນອັນໃໝ່ ທີ່ຈະນຳມາເຊື່ອມສານ
ເຂົ້າໃນການຮຽນ-ການສອນຊັ້ນ
ອະນຸບານສຶກສາໃນຂອບເຂດທົ່ວ
ປະເທດ. ສິ່ງນີ້ຮຽກຮ້ອງໃຫ້ທຸກ
ພາກສ່ວນກ່ຽວຂ້ອງທັງສູນກາງ
ແລະ ທ້ອງຖິ່ນ ຕະຫລອດຮອດຄູ
ສອນ ແລະ ຜູ້ດູແລເດັກ ຕ້ອງໄດ້
ພ້ອມກັນທົບທວນ, ແປ ແລະ ຮຽບ
ຮຽງເນື້ອໃນໃຫ້ສອດຄ່ອງກັບ
ຫລັກສູດແຫ່ງຊາດ ເພື່ອເສີມສ້າງ
ທັກສະຊີວິດປະຈຳວັນ ແລະ ປົກ
ປ້ອງເດັກນ້ອຍລາວໃນຍຸກດີຈິຕອນ.
ໃນໂອກາດນີ້, ຄະນະນຳທັງ
2 ຝ່າຍໄດ້ສະແດງຄວາມເຊື່ອໝັ້ນ
ຢ່າງໜັກແໜ້ນໃນການຮ່ວມມືຄັ້ງນີ້
ຈະເປັນການປະກອບສ່ວນສຳຄັນ
ເຂົ້າໃນການຍົກສູງຄຸນນະພາບ
ການສຶກສາກ່ອນໄວຮຽນ, ເປັນ
ບາດກ້າວບຸກທະລຸໃນການພັດທະ
ນາຊັບພະຍາກອນມະນຸດຂັ້ນພື້ນ
ຖານ, ທັງເປັນການເພີ່ມພູນຄູນ
ສ້າງສາຍພົວພັນມິດຕະພາບອັນ
ຍິ່ງໃຫຍ່, ຄວາມສາມັກຄີພິເສດ,
ການຮ່ວມມືຮອບດ້ານ ແລະ ຫຸ້ນ
ສ່ວນຍຸດທະສາດ ລະຫວ່າງສອງ
ພັກ, ສອງລັດ ແລະ ປະຊາຊົນສອງ
ຊາດ ລາວ-ຫວຽດນາມ ໃຫ້ໝັ້ນຄົງ
ຂະໜົງແກນຕະຫລອດໄປ.
ຂ່າວ-ຂ່າວ: ສົງການ ພັນແພງດີ
KPL
