ຮອງນາຍົກລັດຖະມົນຕີ ຕ້ອນຮົບທູອິດສະຣາແອນ ເຂົ້າຢ້ຽມອຳລາ

01/08/2026 10:00
Email Print 72
ຂປລ ໃນວັນທີ 28 ກໍລະກົດ 2026 ທີ່ກະຊວງການຕ່າງປະເທດ, ທ່ານ ທອງສະຫວັນ ພົມວິຫານ ຮອງນາຍົກລັດຖະມົນຕີ, ລັດຖະມົນຕີ ກະຊວງການຕ່າງປະເທດ ແຫ່ງ ສປປ ລາວ ໄດ້ຕ້ອນຮັບການເຂົ້າ ຢ້ຽມອໍາລາຂອງທ່ານ ຢາຣອນ ມາເຢີ ເອກອັກຄະລັດຖະທູດວິສາ ມັນຜູ້ມີອໍານາດເຕັມ ແຫ່ງ ລັດອິດ ສະຣາແອນ ປະຈໍາ ສປປ ລາວ ໃນໂອກາດສໍາເລັດການປະຕິບັດໜ້າທີ່ ການທູດຢູ່ ສປປ ລາວ.

ໃນໂອກາດນີ້, ທ່ານ ທອງສະຫວັນ ພົມວິຫານ ໄດ້ສະແດງຄວາມຊົມ ເຊີຍ ແລະ ຕີລາຄາສູງຕໍ່ຜົນສໍາ ເລັດການປະຕິບັດໜ້າທີ່ການທູດ ຢູ່ ສປປ ລາວ ໃນຕະຫລອດໄລຍະ ເວລາເກືອບ 4 ປີ ທີ່ຜ່ານມາ ທ່ານ ເອກອັກຄະລັດຖະທູດໄດ້ປະຕິບັດ ໜ້າທີ່ການທູດຢ່າງຫ້າວຫັນ ໂດຍ ໄດ້ປະກອບສ່ວນອັນສໍາຄັນເຂົ້າ ໃນການເສີມຂະຫຍາຍມິດຕະພາບ ແລະ ການຮ່ວມມືທີ່ດີລະຫວ່າງ ສປປ ລາວ ແລະ ລັດອິດສະຣາແອນ ໃນໄລຍະຜ່ານມາ, ໃຫ້ຂະຫຍາຍ ຕົວໂດຍສະເພາະການຊຸກຍູ້ສົ່ງເສີມ ການຮ່ວມມືທາງດ້ານການເມືອງ, ເສດຖະກິດ, ການພັດທະນາຊັບພະ ຍາກອນມະນຸດ ແລະ ອື່ນໆ ລວມ ທັງການຊຸກຍູ້ການໄປມາຫາສູ່ລະ ຫວ່າງສອງປະເທດໃຫ້ຂະຫຍາຍ ຕົວ. ພ້ອມກັນນີ້, ທ່ານຮອງນາຍົກ ລັດຖະມົນຕີ ກໍຍັງໄດ້ສະແດງຄວາມ ຂອບໃຈຢ່າງຈິງໃຈຕໍ່ລັດຖະບານ ແຫ່ງ ລັດອິດສະຣາແອນ ທີ່ໄດ້ໃຫ້ ການຊ່ວຍເຫລືອໃນການພັດທະນາ ຊັບພະຍາກອນມະນຸດຜ່ານຝຶກອົບ ຮົມໄລຍະສັ້ນໃຫ້ແກ່ນັກສຶກສາໃນ ຂະແໜງກະສິກຳ. ນອກຈາກນີ້, ຍັງໄດ້ເຊື້ອເຊີນບັນດານັກລົງທຶນ ຈາກລັດອິດສະຣາແອນ ເຂົ້າມາສຶກ ສາ ແລະ ຊອກຫາໂອກາດລົງທຶນ ໃນຂະແໜງການອື່ນໆທີ່ມີທ່າແຮງ ຂອງ ສປປ ລາວ ເຊັ່ນ: ອຸດສາຫະ ກໍາປຸງແຕ່ງກະສິກໍາ, ກະສິກໍາ, ນະ ວັດຕະກໍາ ແລະ ເຕັກໂນໂລຊີທີ່ທັນ ສະໄໝ, ພະລັງງານສະອາດ, ການ ທ່ອງທ່ຽວທໍາມະຊາດ ແລະ ອື່ນໆ. ໃນໂອກາດດຽວກັນ, ທ່ານ ຢາຣອນ ມາເຢີ ກໍໄດ້ສະແດງຄວາມ ຂອບໃຈຢ່າງຈິງໃຈມາຍັງລັດຖະ ບານ ແລະ ປະຊາຊົນລາວ ໂດຍສະ ເພາະກະຊວງການຕ່າງປະເທດ ແຫ່ງ ສປປ ລາວ ທີ່ໄດ້ໃຫ້ການ ສະໜັບສະໜູນ, ຊ່ວຍເຫລືອ ແລະ ອໍານວຍຄວາມສະດວກໃນດ້ານ ຕ່າງໆໃຫ້ແກ່ການເຄື່ອນໄຫວໜ້າທີ່ ການທູດຂອງຕົນຢູ່ ສປປ ລາວ ຈົນປະສົບຜົນສໍາເລັດຢ່າງຈົບງາມ ພ້ອມທັງສະແດງຄວາມໝາຍໝັ້ນ ທີ່ຈະສືບຕໍ່ປະກອບສ່ວນໃນການ ຊຸກຍູ້ສົ່ງເສີມສາຍພົວພັນມິດຕະ ພາບ ແລະ ການຮ່ວມມືທີ່ດີລະ ຫວ່າງ ສປປ ລາວ ແລະ ລັດອິດສະ ຣາແອນ ໃຫ້ນັບມື້ນັບຈະເລີນງອກ ງາມຍິ່ງໆຂຶ້ນໃນຕໍ່ໜ້າ.

KPL

ຂ່າວອື່ນໆ

ads
ads

Top