ຂປລ
ສະພາແຫ່ງຊາດ ແລະ ສະພາສູງຝຣັ່ງ ໄດ້ຜ່ານຮັບຮອງຮ່າງກົດໝາຍ ກ່ຽວກັບ ການຫ້າມເດັກນ້ອຍ ທີ່ມີອາຍຸຕ່ຳກວ່າ 15 ປີໃຊ້ ສື່ສັງຄົມ ອອນລາຍ ຢ່າງເປັນທາງການ. ຮ່າງກົດໝາຍສະບັບນີ້ ຖືວ່າ ເປັນໜຶ່ງໃນມາດຕະການ ປະຕິຮູບທີ່ສຳຄັນ ໃນການດຳລົງຕຳແໜ່ງ ປະທານາທິບໍດີຝຣັ່ງ ສະໄໝປັດຈຸບັນ ຂອງທ່ານ ແອມມານູເອວ ມາຄຣົງ.
ຂປລ ວິທະຍຸ ໂທລະພາບ ສູນກາງຈີນ,ວັນທີ 21 ກໍລະກົດນີ້, ສະພາແຫ່ງຊາດ ແລະ ສະພາສູງຝຣັ່ງ ໄດ້ຜ່ານຮັບຮອງຮ່າງກົດໝາຍ ກ່ຽວກັບ ການຫ້າມເດັກນ້ອຍ ທີ່ມີອາຍຸຕ່ຳກວ່າ 15 ປີໃຊ້ ສື່ສັງຄົມ ອອນລາຍ ຢ່າງເປັນທາງການ. ຮ່າງກົດໝາຍສະບັບນີ້ ຖືວ່າ ເປັນໜຶ່ງໃນມາດຕະການ ປະຕິຮູບທີ່ສຳຄັນ ໃນການດຳລົງຕຳແໜ່ງ ປະທານາທິບໍດີຝຣັ່ງ ສະໄໝປັດຈຸບັນ ຂອງທ່ານ ແອມມານູເອວ ມາຄຣົງ. ອີງຕາມຮ່າງກົດໝາຍດັ່ງກ່າວ, ມາດຕະການ ຫ້າມໃຊ້ສື່ສັງຄົມອອນລາຍຈະໄດ້ຮັບການປະຕິບັດ ໂດຍແບ່ງອອກເປັນ ສອງໄລຍະຄື: ນັບແຕ່ວັນທີ 1 ກັນຍາ 2026 ເປັນຕົ້ນໄປ, ເດັກນ້ອຍທີ່ມີອາຍຸຕ່ຳກວ່າ 15 ປີ ຈະຖືກຫ້າມບໍ່ໃຫ້ລົງທະບຽນບັນຊີ ສື່ສັງຄົມອອນລາຍໃໝ່; ເລີ່ມແຕ່ ເດືອນມັງກອນປີ2027 ເປັນຕົ້ນໄປ, ບັນຊີສື່ສັງຄົມອອນລາຍ ທີ່ມີຢູ່ໃນປັດຈຸບັນຂອງເດັກນ້ອຍ ທີ່ມີອາຍຸຕ່ຳກວ່າ 15 ປີ ຈະຖືກໂຈະຊົ່ວຄາວ ຫລືຖືກປິດ./.
(ບັນນາທິການຂ່າວ: ຕ່າງປະເທດ) ຮຽບຮຽງ ຂ່າວໂດຍ: ສະໄຫວ ລາດປາກດີ
KPL
