ຂປລ
ສປ ຈີນ ໄດ້ລົງເລິກຂະຫຍາຍ ການພັດທະນາ “ປັນຍາປະດິດ+”, ເຊິ່ງເຮັດໃຫ້ອັດຕາການນຳໃຊ້ເຕັກໂນໂລຊີ ປັນຍາປະດິດ ຂອງວິສາຫະກິດ ອຸດສາຫະກຳ ການຜະລິດຂະໜາດໃຫຍ່ ທີ່ມີລາຍຮັບຈາກການດຳເນີນທຸລະກິດຕົ້ນຕໍ ຫລາຍ ກວ່າ 20 ລ້ານຢວນຕໍ່ປີ ໄດ້ບັນລຸກວ່າ 30%, ແບບຈຳລອງປັນຍາປະດິດ ແບບເປີດກວ້າງຂະໜາດໃຫຍ່ຂອງ ສປ ຈີນ ບັນລຸຍອດດາວໂຫລດທົ່ວໂລກ ຫລາຍກວ່າ 10 ຕື້ເທື່ອ.
ຂປລ ວິທະຍຸ ໂທລະພາບ ສູນກາງຈີນ, ໃນວັນທີ 20 ກໍລະກົດນີ້, ຫ້ອງການຖະແຫລງຂ່າວ ລັດຖະບານຈີນ ໄດ້ຈັດກອງປະຊຸມຖະແຫລງຂ່າວ. ໂດຍ ທ່ານ ຫວາງ ເວີ້ຍໝິງ ຫົວໜ້າວິສະວະກອນ ກະຊວງ ອຸດສາຫະກຳ ແລະ ເຕັກໂນໂລຊີຂໍ້ມູນຂ່າວສານຈີນ ໃຫ້ຮູ້ວ່າ: ສປ ຈີນ ໄດ້ລົງເລິກຂະຫຍາຍ ການພັດທະນາ “ປັນຍາປະດິດ+”, ເຊິ່ງເຮັດໃຫ້ອັດຕາການນຳໃຊ້ເຕັກໂນໂລຊີ ປັນຍາປະດິດ ຂອງວິສາຫະກິດ ອຸດສາຫະກຳ ການຜະລິດຂະໜາດໃຫຍ່ ທີ່ມີລາຍຮັບຈາກການດຳເນີນທຸລະກິດຕົ້ນຕໍ ຫລາຍກວ່າ 20 ລ້ານຢວນຕໍ່ປີ ໄດ້ບັນລຸກວ່າ 30%, ແບບຈຳລອງປັນຍາປະດິດ ແບບເປີດກວ້າງຂະໜາດໃຫຍ່ຂອງ ສປ ຈີນ ບັນລຸຍອດດາວໂຫລດທົ່ວໂລກ ຫລາຍກວ່າ 10 ຕື້ເທື່ອ.ພ້ອມກັນນັ້ນ, ໂຄງປະກອບອຸດສາຫະກຳ ຍັງໄດ້ຮັບ ການປັບປຸງດີຂຶ້ນ ຢ່າງຕໍ່ເນື່ອງ. ສປ ຈີນ ໄດ້ກຳນົດມາດຕະຖານແຫ່ງຊາດແບບບັງຄັບໃຊ້ໃໝ່ ຈຳນວນ 114 ຂໍ້ ແລະ ມາດຕະຖານ ຂະແໜງອຸດສາຫະກຳໃໝ່ ຈຳນວນ 1.403 ຂໍ້. ການລົງທຶນໃນຂົງເຂດ ທີ່ພັດທະນາໃໝ່ເຊັ່ນ: ການຜະລິດ ຄອມພິວເຕີ ອຸປະກອນເຮັດວຽກ ຢູ່ຫ້ອງການ, ການຜະລິດເຮືອບິນ ຍານອາວະກາດ ແລະ ອຸປະກອນ ທີ່ກ່ຽວຂ້ອງອື່ນໆ ໄດ້ເພີ່ມຂຶ້ນ ຫລາຍກວ່າ 10%.ໃນ 5 ເດືອນຕົ້ນປີນີ້, ຈັງຫວະການເຕີບໂຕ ດ້ານກຳໄລ ຂອງວິສາຫະກິດຂະໜາດກາງ ແລະ ນ້ອຍທີ່ມີວິຊາການສະເພາະ, ມີຄວາມລະອຽດ, ເປັນເອກະລັກພິເສດ ນະວັດຕະກຳໃໝ່ອ່ຽມ ແລະ ວິສາຫະກິດເຕັກໂນໂລຊີ ທັນສະໄໝ ໃນຂະແໜງ ອຸດສາຫະກຳຂະໜາດໃຫຍ່ ເມື່ອທຽບໃສ່ໄລຍະດຽວກັນ ຂອງປີກາຍ ຫລາຍກວ່າ 20%./.
(ບັນນາທິການຂ່າວ: ຕ່າງປະເທດ) ຮຽບຮຽງ ຂ່າວໂດຍ: ສະໄຫວ ລາດປາກດີ
KPL
