ຂປລ
ກຸ່ມບໍລິສັດ ອຸດສາຫະກຳ-ໂທລະຄົມ ມະນາຄົມ ກອງທັບ ວຽດເທລ (Viettel )ຫາກໍ່ກາຍເປັນ ຄູ່ຮ່ວມມືທຳອິດ ໃນທົ່ວໂລກ ເຊັນໂຄງການ ເຂົ້ານຳໃຊ້ແຟຣດຟອມ 6G ກັບ Qualcomm Technologies (ກຸ່ມບໍລິສັດ ເຕັກໂນໂລຢີນາໆຊາດຂອງ ສ.ອາເມລິກາ) ເຊິ່ງເປີດໂອກາດ ເຂົ້າຮ່ວມຄົ້ນຄ້ວາ ແລະ ພັດທະນາເຕັກໂນໂລຢີ ເຄືອຂ່າຍໂທລະສັບມືຖືລຸ້ນໃໝ່ ນັບແຕ່ຫົວທີ.
ຂປລ.ວິທະຍຸ ກະຈາຍສຽງ ຫວຽດນາມ, ກຸ່ມບໍລິສັດ ອຸດສາຫະກຳ-ໂທລະຄົມ ມະນາຄົມ ກອງທັບ ວຽດເທລ (Viettel )ຫາກໍ່ກາຍເປັນ ຄູ່ຮ່ວມມືທຳອິດ ໃນທົ່ວໂລກ ເຊັນໂຄງການ ເຂົ້ານຳໃຊ້ແຟຣດຟອມ 6G ກັບ Qualcomm Technologies (ກຸ່ມບໍລິສັດ ເຕັກໂນໂລຢີນາໆຊາດຂອງ ສ.ອາເມລິກາ) ເຊິ່ງເປີດໂອກາດ ເຂົ້າຮ່ວມຄົ້ນຄ້ວາ ແລະ ພັດທະນາເຕັກໂນໂລຢີ ເຄືອຂ່າຍໂທລະສັບມືຖືລຸ້ນໃໝ່ ນັບແຕ່ຫົວທີ. ສອງຝ່າຍ ໄດ້ມຸ່ງໄປເຖິງການປະຕິບັດການຄຶນໂທລະສັບ 6G ກ່ອນເຮັດທຸລະກຳ ທຳອິດ ໃນຕົ້ນປີ 2029 ບົນລະບົບ ແລະ ວັດຖຸອຸປະກອນໂດຍ Viettel ຄົ້ນ ຄ້ວາ, ພັດທະນາ ແລະ ຜະລິດ. ຕາມຂໍ້ຕົກລົງຮ່ວມມືແລ້ວ, Viettel ຈະປະສານສົມທົບກັບ Qualcomm ຄົ້ນຄ້ວາ, ອອກແບບ, ພັດທະນາ ແລະ ພັດທະນາບັນດາປ້ອມຮັບ - ແຈກຢາຍຄື້ນ 6G. Viettel ຮັບປະກັນບັນດາຂັ້ນຕອນ ຄົ້ນຄ້ວາ, ອອກແບບ, ສະສົມ, ຜະລິດ, ທົດລອງ ແລະ ຕີລາຄາຄຸນນະພາບຜະລິດຕະພັນ, ໃນຂະນະທີ່ Qualcomm ສະໜອງ ພຼາດຟອມເຕັກໂນໂລຢີ chipset. ສອງຝ່າຍກໍ່ຈະປະສານສົມທົບກັນຕີລາຄາ ຄວາມສາມາດປັບຕົວ ໃຫ້ເຂົ້າກັນ ລະຫວ່າງ ພື້ນຖານ ແພຣດຟອມ 6G ຂອງ Qualcomm ກັບວັດຖຸ ອຸປະກອນໂດຍ Viettel ພັດທະນາ, ພ້ອມກັບ ປະສິດທິຜົນຂອງການເຄື່ອນໄຫວໃນເງື່ອນໄຂຂຸດຄົ້ນຕົວຈິງ./.
(ບັນນາທິການຂ່າວ: ຕ່າງປະເທດ) ຮຽບຮຽງ ຂ່າວໂດຍ: ສະໄຫວ ລາດປາກດີ
KPL
