ຂປລ
ສປ ຈີນ ແລະ ກຳປູເຈຍ ໄດ້ເຊັນ “ບົດບັນທຶກຄວາມເຂົ້າໃຈ ກ່ຽວກັບການເພີ່ມທະວີ ການຮ່ວມມື ແລະ ເຂົ້າໃຈເຊິ່ງກັນ ແລະ ກັນ ພາຍໃຕ້ມາດຕະການ ການຄ້າປະເທດທີ 3”. ສອງຝ່າຍຈະສືບຕໍ່ ຮັກສາການສົນທະນາ ຢ່າງເປີດກວ້າງ ແລະ ມີລັກສະນະສ້າງສັນກ່ຽວກັບ ບັນຫາທີ່ກ່ຽວຂ້ອງກັບມາດຕະການ ການຄ້າປະເທດທີ 3.
ຂປລ.ວິທະຍຸ ໂທລະພາບສູນກາງຈີນ, ເມື່ອໍ່ດົນມານີ້, ສປ ຈີນ ແລະ ກຳປູເຈຍ ໄດ້ເຊັນ “ບົດບັນທຶກຄວາມເຂົ້າໃຈ ກ່ຽວກັບການເພີ່ມທະວີ ການຮ່ວມມື ແລະ ເຂົ້າໃຈເຊິ່ງກັນ ແລະ ກັນ ພາຍໃຕ້ມາດຕະການ ການຄ້າປະເທດທີ 3”. ສອງຝ່າຍຈະສືບຕໍ່ ຮັກສາການສົນທະນາ ຢ່າງເປີດກວ້າງ ແລະ ມີລັກສະນະສ້າງສັນກ່ຽວກັບ ບັນຫາທີ່ກ່ຽວຂ້ອງກັບມາດຕະການ ການຄ້າປະເທດທີ 3. ການລົງນາມ ໃນບົດບັນທຶກ ຄວາມເຂົ້າໃຈສະບັບນີ້ ໄດ້ສະແດງໃຫ້ເຫັນເຖິງມິດຕະພາບ ອັນຍາວນານ, ສາຍພົວພັນຄູ່ຮ່ວມມື ຍຸດທະສາດຮອບດ້ານ ແລະ ການພົວພັນທີ່ເລິກ ເຊິ່ງທາງດ້ານການເມືອງ, ເສດຖະກິດ ແລະ ວັດທະນະທຳລະຫວ່າງ ສປ ຈີນ ແລະ ກຳປູເຈຍ. ສິ່ງນີ້ຈະຊ່ວຍເພີ່ມທະວີ ການຮ່ວມມື ແລະ ຄວາມເຂົ້າໃຈເຊິ່ງກັນ ແລະ ກັນ ລະຫວ່າງ ສອງຝ່າຍຕື່ມອີກ ເຊິ່ງມີຄວາມໝາຍສຳຄັນ ຕໍ່ການສ້າງຄູ່ຮ່ວມຊາຕາກຳຈີນ-ກຳປູເຈຍ ໃນທຸກສະພາບການຍຸກໃໝ່ບົນພື້ນຖານທີ່ສອງຝ່າຍ ເຄົາລົບອະທິປະໄຕ, ໄວ້ເນື້ອເຊື່ອໃຈກັນ ແລະ ຮ່ວມມືກັນ ແບບຕ່າງຝ່າຍ ຕ່າງມີຜົນປະໂຫຍດ./.
(ບັນນາທິການຂ່າວ: ຕ່າງປະເທດ) ຮຽບຮຽງ ຂ່າວໂດຍ: ສະໄຫວ ລາດປາກດີ
KPL
