ຂປລ
ກອງປະຊຸມ ເວທີສົນທະນາ ເຈົ້າຄອງນະຄອນໂລກ 2026 ໄດ້ຈັດຂຶ້ນຢູ່ກິ່ງ ແຂວງປົກຄອງຕົນເອງເຜົ່າລື້ ສິບສອງ ພັ່ນນາ ແຂວງຢຸນນານຂອງ ສປ ຈີນ. ເວທີສົນທະນາຄັ້ງນີ້ ຈັດຂຶ້ນພາຍໃຕ້ຫົວຂໍ້ “ປ່າຝົນ ແລະ ບ້ານເມືອງ: ການຢູ່ ຮ່ວມກັນ, ສ້າງສາຮ່ວມກັນ ແລະ ຊົມໃຊ້ຮ່ວມກັນ”
ຂປລ.ວິທະຍຸ ໂທລະພາບ ສູນກາງຈີນ, ລະຫວ່າງ ວັນທີ 14-16 ກໍລະກົດນີ້, ກອງປະຊຸມ ເວທີສົນທະນາ ເຈົ້າຄອງນະຄອນໂລກ 2026 ໄດ້ຈັດຂຶ້ນຢູ່ກິ່ງ ແຂວງປົກຄອງຕົນເອງເຜົ່າລື້ ສິບສອງພັ່ນນາ ແຂວງຢຸນນານຂອງ ສປ ຈີນ. ເວທີສົນທະນາຄັ້ງນີ້ ຈັດຂຶ້ນພາຍໃຕ້ຫົວຂໍ້ “ປ່າຝົນ ແລະ ບ້ານເມືອງ: ການຢູ່ຮ່ວມກັນ, ສ້າງສາຮ່ວມກັນ ແລະ ຊົມໃຊ້ຮ່ວມກັນ”, ຄວບຄູ່ກັບການຈັດກິດຈະກໍາຕ່າງໆ ເປັນ ຕົ້ນແມ່ນເວທີສົນທະນາຫລັກ ແລະ ການຢ້ຽມຢາມ ທັດສະນະສຶກສາ ເພື່ອແລກປ່ຽນ ແລະ ຖອດຖອນບົດຮຽນ ເຊິ່ງກັນ ແລະ ກັນ ປິ່ນອ້ອມຫົວຂໍ້ຕ່າງໆ ເຊັ່ນ: ການສ້າງຊົນນະບົດ ໃຫ້ຈະເລີນ ຮຸ່ງເຮືອງ, ການພັດທະນາ ອຸດສາຫະກໍາ ທີ່ມີເອກະລັກ, ການອະນຸລັກ ຮັກສາສິ່ງແວດລ້ອມ ແລະ ອື່ນໆ ລວມເຖິງ ການສ້າງເວທີການແລກປ່ຽນ ລະຫວ່າງ ນະຄອນ ແລະ ເວທີການເຜີຍແຜ່ ຂໍ້ມູນຂ່າວ ສານສາກົນ. ເວທີສົນທະນາດັ່ງກ່າວ ຊີ້ນໍາໂດຍ ຫ້ອງການຖະແຫລງຂ່າວ ລັດຖະບານຈີນ, ຈັດໂດຍຫ້ອງການຖະແຫລງຂ່າວ ອົງການປົກຄອງແຂວງຢຸນນານ ແລະ ອົງການປົກຄອງກິ່ງ ແຂວງສິບສອງພັ່ນນາ./.
(ບັນນາທິການຂ່າວ: ຕ່າງປະເທດ) ຮຽບຮຽງ ຂ່າວໂດຍ: ສະໄຫວ ລາດປາກດີ
KPL
