ຂປລ
ທ່ານ ຫລິນຈ້ຽນ ໂຄສົກກະຊວງ ການຕ່າງປະເທດຈີນ ກ່າວວ່າ: ໃນຖານະເປັນປະເທດ ເຈົ້າພາບຈັດກອງປະຊຸມ ຜູ້ນຳການຮ່ວມມື ດ້ານເສດຖະກິດ ປາຊີ-ປາຊີຟິກ ຫລື APEC ປີ 2026, ໃນໝົດປີນີ້, ສປ ຈີນ ຈະຈັດກອງປະຊຸມ ລະດັບລັດຖະມົນຕີວິຊາການ ຫລື ກິດຈະກຳລະດັບສູງ 10 ກວ່າຄັ້ງ.
ຂປລ.ວິທະຍຸ ໂທລະພາບ ສູນກາງຈີນ, ກອງປະຊຸມ ຖະແຫລງຂ່າວ ໄດ້ຈັດຂຶ້ນໃນວັນທີ 15 ກໍລະກົດນີ້, ທ່ານ ຫລິນຈ້ຽນ ໂຄສົກກະຊວງ ການຕ່າງປະເທດຈີນ ກ່າວວ່າ: ໃນຖານະເປັນປະເທດ ເຈົ້າພາບຈັດກອງປະຊຸມ ຜູ້ນຳການຮ່ວມມື ດ້ານເສດຖະກິດ ປາຊີ-ປາຊີຟິກ ຫລື APEC ປີ 2026, ໃນໝົດປີນີ້, ສປ ຈີນ ຈະຈັດກອງປະຊຸມ ລະດັບລັດຖະມົນຕີວິຊາການ ຫລື ກິດຈະກຳລະດັບສູງ 10 ກວ່າຄັ້ງ. ໃນນັ້ນ, ສັບປະດາ ດີຈີຕອນ APEC ຈະຈັດຂຶ້ນຢູ່ນະຄອນເສິງຕູແຂວງເສສວນ ທີ່ເປັນນະຄອນ ແຫ່ງການປະດິດສ້າງໃໝ່ ທາງພາກຕາເວັນຕົກຂອງ ສປ ຈີນ. ນີ້ແມ່ນໜຶ່ງໃນກິດຈະກຳສຳຄັນທີ່ສຸດ ແລະ ມີເນື້ອໃນ ອຸດົມສົມບູນທີ່ສຸດ ໃນບັນດາ ກອງປະຊຸມ ລັດຖະມົນຕີ ວິຊາການຂອງ APEC.ທ່ານ ຫລີນ ຈ້ຽນ ກ່າວຕື່ມວ່າ: “ປີ ຈີນ” ຂອງ APEC ໄດ້ຜ່ານໄປເຄິ່ງໜຶ່ງແລ້ວ, ການຮ່ວມມື ໃນຂົງເຂດຕ່າງໆ ໄດ້ດຳເນີນໄປ ຢ່າງໜັກແໜ້ນ. ສປ ຈີນ ຈະສືບຕໍ່ເປັນເຈົ້າພາບທີ່ດີ, ພະຍາຍາມຮ່ວມກັບ ຝ່າຍຕ່າງໆ ເພື່ອຊຸກຍູ້ ໝາກຜົນແຫ່ງ ການຮ່ວມມື ໃນຂົງເຂດຕ່າງໆ ແລະ ກົນໄກຕ່າງໆ, ເຕົ້າໂຮມຄວາມຮັບຮູ້ ທີ່ເປັນເອກະພາບກັນ ໃຫ້ເຖິງລະດັບສູງສຸດ ເພື່ອສ້າງພື້ນຖານ ທີ່ດີໃຫ້ແກ່ ກອງປະຊຸມຜູ້ນຳ APEC ທີ່ຈະຈັດຂຶ້ນ ໃນເດືອນພະຈິກປີນີ້ ແລະ ປະກອບສ່ວນໃຫຍ່ ຫລວງກວ່າເກົ່າ ເຂົ້າໃນການພັດທະນາ ແລະ ຄວາມຈະເລີນຮຸ່ງເຮືອງ ຂອງພາກພື້ນ ອາຊີ-ປາຊີຟິກ./.
(ບັນນາທິການຂ່າວ: ຕ່າງປະເທດ) ຮຽບຮຽງ ຂ່າວໂດຍ: ສະໄຫວ ລາດປາກດີ
KPL
