ຂປລ
ນັກການທູດ ຂອງອາຊຽນ ເປີດ ເຜີຍໃຫ້ຮູ້ວ່າ: ອາຊຽນ ຈະຈັດກອງປະຊຸມ ລັດຖະມົນຕີ ຕ່າງປະເທດ ຢ່າງບໍ່ເປັນທາງການ ຢູ່ປະເທດໄທ ໃນວັນທີ 12 ກໍລະກົດນີ້, ປັດຈຸບັນ, ກຳລັງປະສານງານ ເພື່ອເຊີນລັດຖະມົນຕີກະຊວງການຕ່າງປະເທດມຽນມາ ໄປເຂົ້າຮ່ວມກອງປະຊຸມດັ່ງກ່າວ.
ຂປລ ວິທະຍຸ ໂທລະພາບສູນກາງຈີນ, ສື່ມວນຊົນ ຕ່າງປະເທດ ລາຍງານວ່າ: ນັກການທູດ ຂອງອາຊຽນ ເປີດ ເຜີຍໃຫ້ຮູ້ວ່າ: ອາຊຽນ ຈະຈັດກອງປະຊຸມ ລັດຖະມົນຕີ ຕ່າງປະເທດ ຢ່າງບໍ່ເປັນທາງການ ຢູ່ປະເທດໄທ ໃນວັນທີ 12 ກໍລະກົດນີ້, ປັດຈຸບັນ, ກຳລັງປະສານງານ ເພື່ອເຊີນລັດຖະມົນຕີກະຊວງການຕ່າງປະເທດມຽນມາ ໄປເຂົ້າຮ່ວມກອງປະຊຸມດັ່ງກ່າວ. ນັບແຕ່ ຝ່າຍທະຫານ ມຽນມາ ປະກາດ ສະຖານະການ ສຸກເສີນ ແຕ່ປີ 2021 ເປັນຕົ້ນມາ, ອາຊຽນບໍ່ໄດ້ເຊີນຜູ້ນຳ ແລະ ລັດຖະມົນຕີ ມຽນມາ ເຂົ້າຮ່ວມກອງປະຊຸມ ສຳຄັນຕ່າງໆ, ການເຊື້ອເຊີນເທື່ອນີ້ ແມ່ນເປັນການປ່ຽນແປງ ທາງນະໂຍບາຍທີ່ສຳຄັນ.ຕາມຂ່າວແຈ້ງວ່າ, ຄາດວ່າ, ກອງປະຊຸມລັດຖະມົນຕີ ຕ່າງປະເທດ ຢ່າງບໍ່ເປັນທາງການ ຍັງຈະປຶກສາຫາລືວ່າ ຈະເຊື້ອເຊີນຜູ້ນຳ ມຽນມາ ເຂົ້າຮ່ວມ ກອງປະຊຸມ ສຸດຍອດອາຊຽນ ທີ່ຈະຈັດຂຶ້ນໃນລະດູ ໃບໄມ້ຫລົ່ນປີນີ້ ຫລືບໍ່. ແຕ່ວ່າ, ຍ້ອນລັດຖະບານ ມຽນມາ ບໍ່ປະຕິບັດຕາມ “ຄວາມເຫັນ ທີ່ເປັນເອກະພາບກັນ 5 ຂໍ້” ຂອງອາຊຽນ ກ່ຽວກັບ ມຽນມາ ເຊັ່ນ: ການຍຸດຕິການໃຊ້ຄວາມຮຸນແຮງ ແລະ ອື່ນໆ, ສະນັ້ນ, ການເຊື້ອເຊີນ ມຽນມາເຂົ້າຮ່ວມ ກອງປະຊຸມລັດຖະມົນຕີ ຕ່າງປະເທດ ອາດເຮັດໃຫ້ສະມາຊິກ ອາຊຽນ ຈຳນວນໜຶ່ງຄັດຄ້ານ./.
(ບັນນາທິການຂ່າວ: ຕ່າງປະເທດ) ຮຽບຮຽງ ຂ່າວໂດຍ: ສະໄຫວ ລາດປາກດີ
KPL
