ຂປລ
ກະຊວງຕຳຫລວດ ຈັດພິທີເລີ່ມລົງສືກໍ່ສ້າງ ສຳນັກງານ ສູນປ້ອງກັນ, ຕ້ານອາດຊະຍາກຳ ອິນເຕີເນັດ ພາກພື້ນ ອາຊີ-ປາຊີຟິກ. ນີ້ແມ່ນເຫດການ ມີຄວາມໝາຍສຳຄັນພິເສດ, ສ້າງບາດກ້າວແທ້ຈິງ ໃນການຜັນຂະຫຍາຍ ສົນທິສັນຍາຂອງ ສປຊ ກ່ຽວກັບການຕ້ານອາດຊະຍາກຳອິນເຕີເນັດ
ຂປລ.ວິທະຍຸກະຈາຍສຽງ ຫວຽດນາມ, ວັນທີ 10 ກໍລະກົດ, ຢູ່ເຂດອຸດສາຫະກຳເຕັກໂນໂລຢີສູງ ຮວ່າລາກ, ຮ່າໂນ້ຍ, ກະຊວງຕຳຫລວດ ຈັດພິທີເລີ່ມລົງສືກໍ່ສ້າງ ສຳນັກງານ ສູນປ້ອງກັນ, ຕ້ານອາດຊະຍາກຳ ອິນເຕີເນັດ ພາກພື້ນ ອາຊີ-ປາຊີຟິກ. ນີ້ແມ່ນເຫດການ ມີຄວາມໝາຍສຳຄັນພິເສດ, ສ້າງບາດກ້າວແທ້ຈິງ ໃນການຜັນຂະຫຍາຍ ສົນທິສັນຍາຂອງ ສປຊ ກ່ຽວກັບການຕ້ານອາດຊະຍາກຳອິນເຕີເນັດ, ພ້ອມທັງ ຢັ້ງຢືນຄວາມຕັດສິນໃຈຂອງ ສສ ຫວຽດນາມ ໃນການເພີ່ມທະວີການຮ່ວມມືສາກົນ, ຮ່ວມແຮງຮ່ວມໃຈ ສ້າງລະບົບອິນເຕີເນັດປອດໄພ, ມີຄວາມໝັ້ນຄົງ, ໄວ້ເນື້ອເຊື່ອໃຈ ແລະ ພັດທະນາແບບຍືນຍົງ.
ໃນພິທີ, ທ່ານ ນາງ ເດລຟີນ ຊານຊ໌(Delphine Schantz) ຜູ້ຕາງໜ້າ ອົງການຕ້ານອາດຊະຍາກຳ ອິນເຕີເນັດ ສປຊ (UNODC)ຊີ້ໃຫ້ເຫັນວ່າ: ເຫດການໄດ້ສ້າງຂີດໝາຍ ສຳຄັນ ບໍ່ພຽງແຕ່ສຳລັບ ສສ ຫວຽດນາມ ເທົ່ານັ້ນຫາກຍັງສຳລັບທົ່ວພາກພື້ນ ອີກດ້ວຍ. ການສ້າງສູນປ້ອງກັນ, ຕ້ານອາດຊະຍາກຳ ອິນເຕີເນັດ ພາກພື້ນ ອາຊີ-ປາຊີຟິກ ສ່ອງແສງຄຳໝັ້ນສັນຍາຢ່າງແຮງຂອງ ສສ ຫວຽດນາມ ໃນການປ້ອງການ, ຕ້ານອາດຊະຍາກຳ, ເພີ່ມທະວີ ຄວາມສາມາດຮັບມື ແລະ ປະກອບສ່ວນ ເຂົ້າໃນ ຄວາມໝັ້ນຄົງ ພາກພື້ນ./.
(ບັນນາທິການຂ່າວ: ຕ່າງປະເທດ) ຮຽບຮຽງ ຂ່າວໂດຍ: ສະໄຫວ ລາດປາກດີ
KPL
