ຂປລ
ທ່ານ ອີງ ດິໂພລາ ອະທິບໍດີ ກົມຊັບພະຍາກອນ ແຮ່ທາດ ກະຊວງບໍ່ແຮ່ ແລະ ພະລັງງານ ຂອງ ກຳປູເຈຍ ກ່າວໃນງານຖະແຫລງຂ່າວ ວ່າ: ນັບຕັ້ງແຕ່ ເລີ່ມການ ສະກັດ (ຂຸດຄົ້ນ) ຄຳ ໃນໄລຍະ 5 ປີຜ່ານມາ
ຂປລ. ສຳນັກຂ່າວ ອິນໂຟເຄວສ, ເມື່ອບໍ່ດົນມານີ້, ທ່ານ ອີງ ດິໂພລາ ອະທິບໍດີ ກົມຊັບພະຍາກອນ ແຮ່ທາດ ກະຊວງບໍ່ແຮ່ ແລະ ພະລັງງານ ຂອງ ກຳປູເຈຍ ກ່າວໃນງານ ຖະແຫລງຂ່າວ ວ່າ: ນັບຕັ້ງແຕ່ ເລີ່ມການ ສະກັດ (ຂຸດຄົ້ນ) ຄຳ ໃນໄລຍະ 5 ປີຜ່ານມາ (ເດືອນມິຖຸນາ 2021 ເປັນຕົ້ນມາ) ກຳປູເຈຍ ສາມາດ ຜະລິດ ຄຳແທ່ງ ເຄິ່ງບໍລິສຸດ ໄດ້ປະມານ 20 ໂຕນ.
ເຈົ້າໜ້າທີ່ ກະຊວງບໍ່ແຮ່ ແລະ ພະລັງງານ ຂອງ ກຳປູເຈຍ ເປີດເຜີຍ ຕື່ມວ່າ: ປັດຈຸບັນ ມີ 7 ບໍລິສັດ ທີ່ໄດ້ຮັບໃບອະນຸຍາດ ໃຫ້ດຳເນີນ ການສະກັດ ແລະ ປ່ຽນຮູບຄຳ ຢູ່ແຂວງມົນ ດົນຄີຣີ, ກະແຈະ, ພະວິຫານ ແລະ ກຳປົງທົມ.
ນອກຈາກນັ້ນ, ທ່ານ ທອງ ເມັງດາວິດ ຮອງຜູ້ອຳນວຍການ ສູນການສຶກສາ ຈີນ-ອາຊຽນ ແຫ່ງມະຫາວິທະຍາໄລ ເຕັກໂນໂລຊີ ແລະ ວິທະຍາສາດ ກຳປູເຈຍ ກ່າວວ່າ: ປະລິມານ ການສະກັດຄຳ ທີ່ເພີ່ມຂຶ້ນນີ້ ໄດ້ສະແດງໃຫ້ເຫັນວ່າ ກຳປູເຈຍ ໄດ້ຫັນປ່ຽນຈາກ ການຮ່ອນຄຳແບບ ດັ້ງເດີມ ໄປສູ່ ລະບົບອຸດສາຫະກຳ ບໍ່ແຮ່ ທີ່ຢູ່ພາຍໃຕ້ ການຄຸ້ມຄອງ ຢ່າງເປັນທາງການ./
KPL
