ຂປລ
ຂປລ. ກະຈຽບຂຽວ ເປັນຜັກພື້ນບ້ານທີ່ນິຍົມບໍລິໂພກກັນຢ່າງແຜ່ຫລາຍ ເນື່ອງຈາກມີຄຸນຄ່າທາງໂພຊະນາການສູງ ອຸດົມໄປດ້ວຍວິຕາມິນ, ແຮ່ທາດ, ເສັ້ນໃຍອາຫານ ແລະ ສານຕ້ານອະນຸມູນອິດສະລະ ທີ່ຊ່ວຍບຳລຸງສຸຂະພາບ. ກະຈຽບຂຽວ ມີເສັ້ນໃຍອາຫານສູງ ແລະ ນ້ຳເມືອກຕາມທຳມະຊາດ ຊຶ່ງຊ່ວຍໃຫ້ລະບົບຂັບຖ່າຍເຮັດວຽກໄດ້ດີ.
ຂປລ. ກະຈຽບຂຽວ ເປັນຜັກພື້ນບ້ານທີ່ນິຍົມບໍລິໂພກກັນຢ່າງແຜ່ຫລາຍ ເນື່ອງຈາກມີຄຸນຄ່າທາງໂພຊະນາການສູງ ອຸດົມໄປດ້ວຍວິຕາມິນ, ແຮ່ທາດ, ເສັ້ນໃຍອາຫານ ແລະ ສານຕ້ານອະນຸມູນອິດສະລະ ທີ່ຊ່ວຍບຳລຸງສຸຂະພາບ. ກະຈຽບຂຽວ ມີເສັ້ນໃຍອາຫານສູງ ແລະ ນ້ຳເມືອກຕາມທຳມະຊາດ ຊຶ່ງຊ່ວຍໃຫ້ລະບົບຂັບຖ່າຍເຮັດວຽກໄດ້ດີ. ນອກຈາກນັ້ນ, ຍັງຊ່ວຍສົ່ງເສີມການເຕີບໂຕຂອງຈຸລິນຊີທີ່ມີປະໂຫຍດໃນລຳໄສ້ ຫລື ພຣີໄບໂອຕິກ (prebiotics) ເຮັດໃຫ້ລະບົບຍ່ອຍອາຫານແຂງແຮງຂຶ້ນ.
ເຖິງແນວໃດກໍດີ, ມືນີ້ ຄໍລຳ ສຶກສາຫາຄວາມຮູ້ ຈະມານຳສະເໜີກ່ຽວກັບຄຸນປະໂຫຍດຂອງກະຈຽບຂຽວມີດັ່ງນີ້: ຊ່ວຍຫລຸດນໍ້າຕານໃນເລືອດ ເໝາະສໍາລັບຜູ້ປ່ວຍພະຍາດເບົາຫວານ, ຜູ້ທີ່ຄວບຄຸມນ້ຳຕານ ເເລະ ນ້ຳໜັກ; ຫລຸດຜ່ອນອາການຖ່າຍຍາກ ເພາະມີນໍ້າເມືອກທີ່ຊ່ວຍເຮັດໃຫ້ອາຈົມອ່ອນຕົວລົງ ແລະ ຍັງມີເສັ້ນໃຍທີ່ດີສໍາລັບການຂັບຖ່າຍ, ຫລຸດຜ່ອນ cholesterol ໃນຮ່າງກາຍ; ຫລຸດຜ່ອນຄວາມສ່ຽງໃນການເປັນພະຍາດກະເພາະ, ກະເພາະອັກເສບ ແລະ ລຳໄສ້ອັກເສບ. ສຳລັບໃຜທີ່ເປັນພະຍາດກະເພາະຢູ່ເເລ້ວ ການກິນດອກກະຈຽບຂຽວພ້ອມມີນ້ຳເມືອກໜຽວໆຂອງມັນ ຈະຊ່ວຍເຂົ້າໄປເຄືອບເເຜໃນກະເພາະອາຫານໄດ້ອີກດ້ວຍ, ນຳຝັກກະຈຽບຂຽວມາຕົ້ມເເລ້ວໃສ່ເກືອໜ້ອຍໜຶ່ງ ສາມາດຫລຸດຜ່ອນອາການກົດໄຫລຢ້ອນໄດ້; ບຳລຸງສາຍຕາ ໝາກກະຈຽບຂຽວມີວິຕາມິນເອ ແລະ ສານຕ້ານອະນຸມູນອິດສະລະ ຊຶ່ງຊ່ວຍບຳລຸງສາຍຕາ, ປ້ອງກັນພະຍາດຕໍ້ກະຈົກ ແລະ ຫລຸດຄວາມເສື່ອມຂອງຈໍປະສາດຕາ; ບຳລຸງກະດູກ ແລະ ແຂ້ວ ເພາະມີແຄວຊ້ຽມ ແລະ ວິຕາມິນເຄ ທີ່ມີຄວາມສຳຄັນຕໍ່ການເສີມສ້າງຄວາມແຂງແຮງຂອງກະດູກ ແລະ ແຂ້ວ, ຊ່ວຍປ້ອງກັນພະຍາດກະດູກຜ່ອຍໃນອະນາຄົດ. ພ້ອມນັ້ນ, ກະຈຽບຂຽວ ຍັງມີໂຟເລດສູງ, ຊ່ວຍເສີມສ້າງເມັດເລືອດແດງ ແລະ ເປັນສິ່ງຈໍາເປັນຕໍ່ການພັດທະນາຂອງລູກໃນທ້ອງ. ເພາະສະນັ້ນ, ມັນຈຶ່ງເໝາະກັບແມ່ຍິງຖືພາ, ເປັນຜັກທີ່ມີສານຕ້ານອະນຸມູນ
ອິດສະລະສູງ (Glutathione) ມີສ່ວນຊ່ວຍໃນການຕ້ານມະເຮັງ ແລະ ອື່ນໆ.
ຂໍ້ຄວນລະວັງ : ເນື່ອງຈາກໝາກກະຈຽບຂຽວມີສານອັອກຊາເລດສູງ, ຜູ້ທີ່ມີບັນຫາເລື່ອງນິ້ວໃນໝາກໄຂ່ຫລັງຄວນກິນໃນປະລິມານທີ່ເໝາະສົມ ແລະ ບໍ່ຄວນກິນຫລາຍເກີນໄປ.
KPL
