ຂປລ
ນັບມາຮອດວັນທີ 8 ກໍລະກົດນີ້, ຍອດປະລິມານ ການຂົນສົ່ງສິນຄ້າ ຂ້າມຊາດ ຜ່ານເສັ້ນທາງ ລົດໄຟຈີນ-ລາວ ບັນລຸຫລາຍກວ່າ 20 ລ້ານໂຕນ, ແລ່ນຂະບວນລົດໄຟ ຂົນສົ່ງສິນຄ້າ ຂ້າມຊາດ ຫລາຍກວ່າ 23.000 ຖ້ຽວ.
ຂປລ.ວິທະຍຸ ໂທລະພາບ ສູນກາງຈີນ, ກຸ່ມບໍລິສັດ ທາງລົດໄຟຈີນ ຈຳກັດ ສາຂາຄຸນມິງ ແຈ້ງໃຫ້ຮູ້ວ່າ: ນັບມາຮອດວັນທີ 8 ກໍລະກົດນີ້, ຍອດປະລິມານ ການຂົນສົ່ງສິນຄ້າ ຂ້າມຊາດ ຜ່ານເສັ້ນທາງ ລົດໄຟຈີນ-ລາວ ບັນລຸຫລາຍກວ່າ 20 ລ້ານໂຕນ, ແລ່ນຂະບວນລົດໄຟ ຂົນສົ່ງສິນຄ້າ ຂ້າມຊາດ ຫລາຍກວ່າ 23.000 ຖ້ຽວ. ນັບແຕ່ປີນີ້ ເປັນຕົ້ນມາ, ຍອດປະລິມານການຂົນສົ່ງສິນຄ້າ ຂ້າມຊາດ ຜ່ານເສັ້ນທາງລົດໄຟຈີນ-ລາວ ສືບຕໍ່ຢູ່ໃນລະດັບສູງ, ປະລິມານການຂົນສົ່ງສະເລ່ຍມື້ລະ 17.000 ໂຕນ./.
(ບັນນາທິການຂ່າວ: ຕ່າງປະເທດ) ຮຽບຮຽງ ຂ່າວໂດຍ: ສະໄຫວ ລາດປາກດີ
KPL
