ຂປລ
ທ່ານ ຄາເຊມ ກາຣີບາບາດີ ຮອງລັດຖະມົນຕີ ກະຊວງການຕ່າງປະເທດອີຣານ ໄດ້ນຳພາຄະນະຜູ້ແທນ ທີ່ປະກອບດ້ວຍ ພາກສ່ວນຕ່າງໆ ເຊັ່ນ: ກະຊວງການຕ່າງປະເທດອີຣານ, ທະນາຄານກາງອີຣານ ແລະ ອື່ນໆ ເດີນທາງໄປຢ້ຽມຢາມ ກາຕາ ແລະ ພົບປະກັບ ທ່ານ ໂມຮຳເມັດ ບິນ ອັບດູນຣາມານ ນາຍົກລັດຖະມົນຕີ ທັງເປັນ ລັດຖະມົນຕີ ກະຊວງການຕ່າງປະເທດກາຕາ ຢູ່ນະຄອນຫລວງໂດຮາຂອງກາຕາ ໃນວັນທີ 1 ກໍລະກົດນີ້ ເພື່ອປຶກສາຫາລື ກ່ຽວກັບ ການຈັດຕັ້ງປະຕິບັດບົດບັນທຶກຄວາມເຂົ້າໃຈ ລະຫວ່າງ ສ.ອາເມລິກາ-ອີຣານ
ຂປລ.ວິທະຍຸ ໂທລະພາບ ສູນກາງຈີນ, ອີຣານ ເຜີຍໃຫ້ຮູ້ວ່າ: ທ່ານ ຄາເຊມ ກາຣີບາບາດີ ຮອງລັດຖະມົນຕີ ກະຊວງການຕ່າງປະເທດອີຣານ ໄດ້ນຳພາຄະນະຜູ້ແທນ ທີ່ປະກອບດ້ວຍ ພາກສ່ວນຕ່າງໆ ເຊັ່ນ: ກະຊວງການຕ່າງປະເທດອີຣານ, ທະນາຄານກາງອີຣານ ແລະ ອື່ນໆ ເດີນທາງໄປຢ້ຽມຢາມ ກາຕາ ແລະ ພົບປະກັບ ທ່ານ ໂມຮຳເມັດ ບິນ ອັບດູນຣາມານ ນາຍົກລັດຖະມົນຕີ ທັງເປັນ ລັດຖະມົນຕີ ກະຊວງການຕ່າງປະເທດກາຕາ ຢູ່ນະຄອນຫລວງໂດຮາຂອງກາຕາ ໃນວັນທີ 1 ກໍລະກົດນີ້ ເພື່ອປຶກສາຫາລື ກ່ຽວກັບ ການຈັດຕັ້ງປະຕິບັດບົດບັນທຶກຄວາມເຂົ້າໃຈ ລະຫວ່າງ ສ.ອາເມລິກາ-ອີຣານ ແລະ ຫົວຂໍ້ອື່ນໆ, ລວມທັງ “ການກຳຈັດອຸປະສັກທີ່ມີຢູ່” ໃນບັນຫາການປະຕິບັດ ການຢຸດຍິງ ຢູ່ລີບັງ. ທ່ານ ຄາເຊມ ກາຣີບາບາດີ ໄດ້ຢືນຢັນຫລັງການພົບປະວ່າ: ອີຣານ ໄດ້ສ້າງຕັ້ງໜ່ວຍງານ ທີ່ຮັບຜິດຊອບການຕິດຕາມສະພາບການ ຈັດຕັ້ງປະຕິບັດ ບົດບັນທຶກຄວາມເຂົ້າໃຈ ລະຫວ່າງ ສ.ອາເມລິກາ-ອີຣານ ແລະ ດໍາເນີນການເຈລະຈາກ່ຽວກັບສັນຍາຂັ້ນສຸດທ້າຍ, ແຕ່ຍັງບໍ່ທັນໄດ້ດຳເນີນການເຈລະຈາ ທີ່ກ່ຽວຂ້ອງ ຢ່າງເປັນທາງການເທື່ອ. ອີຣານ ກຳລັງສືບຕໍ່ການປຶກສາຫາລື ຜ່ານຜູ້ໄກ່ເກ່ຍ ເພື່ອຢືນຢັນວັນເວລາ ແລະ ສະຖານທີ່ຂອງການເຈລະຈາ, “ຖ້າຫາກເງື່ອນໄຂຈຳເປັນໄດ້ຮັບການຕອບສະໜອງ, ໜ່ວຍງານດັ່ງກ່າວ ຈະດຳເນີນການເຈລະຈາ ຢ່າງເປັນທາງການ”./.
(ບັນນາທິການຂ່າວ: ຕ່າງປະເທດ) ຮຽບຮຽງ ຂ່າວໂດຍ: ສະໄຫວ ລາດປາກດີ
KPL
