ຂປລ.  ນໍາພາໂດຍທ່ານ ຄິຄຸຈິ ຢາຊຸຊິ (Mr. Kikuchi Yasushi) ຫົວໜ້າອົງການສົ່ງເສີມການຄ້າ ຍ່ີປຸ່ນ ປະຈຳ ສປປ ລາວ ຄົນເກ່ົາ ແລະ ທ່ານ ຄະວະໂນະ ມິຊຶຮິໂຣະ (Mr. KAWANO Mitsuhiro) ຫົວໜ້າອົງການສົ່ງເສີມການຄ້າຍີ່ປຸ່ນ ປະຈຳ ສປປ ລາວ ຄົນໃໝພ້ອມຄະນະ. 

      ໃນໂອກາດນ້ີ, ທ່ານຮອງນາຍົກ ລັດຖະມົນຕີໄດ້ສະແດງຄວາມຊົມເຊີຍ ແລະ ຕີລາຄາສູງຕໍ່ການປະຕິບັດໜ້າທີ່ຢ່າງຕັ້ງໜ້າຕະຫລອດ ໄລຍະ 5 ປີ (2021-2026) ດ້ວຍຜົນສໍາເລັດອັນຈົບງາມຂອງ ທ່ານ ຄິຄຸຈິ ຢາຊຸຊິ ກໍຄື ບົດບາດຂອງອົງການ JETRO ປະຈໍາ ສປປ ລາວ ຊຶ່ງໄດ້ປະກອບສ່ວນສໍາຄັນເຂົ້າໃນການເສີມຂະຫຍາຍສາຍພົວພັນມິດຕະພາບ ແລະ ການຮ່ວມມືທີ່ດີລະຫວ່າງ ສປປ ລາວ ແລະ ຍີ່ປຸ່ນ ພາຍໃຕ້ການເປັນຄູ່ຮ່ວມຍຸດທະສາດຮອບດ້ານ ໂດຍສະເພາະແມ່ນການປະກອບສ່ວນເຂົ້າໃນການສົ່ງເສີມການຄ້າ ແລະ ການລົງທຶນສອງຝ່າຍ. ພ້ອມກັນນີ້, ທ່ານຮອງນາຍົກລັດຖະມົນຕີ ກໍໄດ້ສະແດງຄວາມຍິນດີຕ້ອນຮັບ ແລະ ຊົມເຊີຍທ່ານ ຄະວະໂນະ ມິຊຶຮິໂຣະ ທີ່ໄດ້ຮັບການແຕ່ງຕັ້ງໃຫ້ມາດໍາລົງຕໍາແໜ່ງເປັນຫົວໜ້າອົງການ JETRO ປະຈຳ ສປປ ລາວ ຄົນໃໝ່ ພ້ອມທັງຢືນຢັນວ່າກະຊວງການຕ່າງປະເທດ ແຫ່ງ ສປປ ລາວ ແລະ ພາກສ່ວນກ່ຽວຂ້ອງມີຄວາມຍິນດີ ແລະ ກຽມພ້ອມທີ່ຈະໃຫ້ການຮ່ວມມືຢ່າງໃກ້ຊິດກັບອົງການ JETRO ເພື່ອສົ່ງເສີມການຮ່ວມມືດ້ານການຄ້າ ແລະ ການລົງທຶນ ກໍຄືການຮ່ວມມືເພື່ອການພັດທະນາລະຫວ່າງສອງປະເທດ ໃຫ້ໄດ້ຮັບການຂະຫຍາຍຕົວຍິ່ງໆຂຶ້ນໃນຊຸມ ປີຕໍ່ໜ້າ. 

      ໃນໂອກາດດຽວກັນ, ຄະນະຜູ້ແທນອົງການ JETRO ປະຈໍາ ສປປ ລາວ ກໍໄດ້ສະແດງຄວາມຂອບໃຈຢ່າງຈິງໃຈຕໍ່ທ່ານຮອງນາຍົກລັດຖະມົນຕີ ແລະ ຄະນະທ່ີ ໃຫ້ການຕ້ອນຮັບຢ່າງອົບອຸ່ນ ພ້ອມທັງສະແດງຄວາມໝາຍໝັ້ນວ່າຈະສືບຕໍ່ເຮັດວຽກຮ່ວມກັບຝ່າຍ ລາວຢ່າງໃກ້ຊິດເພື່ອສົ່ງເສີມສາຍ ພົວພັນມິດຕະພາບ ແລະ ການຮ່ວມມືອັນດີງາມ ກໍຄື ການເປັນຄູ່ຮ່ວມຍຸດທະສາດຮອບດ້ານໃຫ້ໄດ້ ຮັບການພັດທະນາຍິ່ງໆຂຶ້ນ ໂດຍສະເພາະແມ່ນການພົວພັນຮ່ວມມືທາງດ້ານການຄ້າ ແລະ ການລົງທຶນ.

 ອົງການສົ່ງເສີມການຄ້າຍີ່ປຸ່ນ ເປັນອົງການຂອງລັດຖະບານຍີ່ປຸ່ນ ທີ່ຂຶ້ນກັບກະຊວງເສດຖະກິດຍີ່ປຸ່ນ ໂດຍກົງ, ມີໜ້າທ່ີສ່ົງເສີມການ ລົງທຶນລະຫວ່າງຍ່ີປຸ່ນ ແລະ ປະເທດຕ່າງໆດ້ວຍການສະໜອງຂໍ້ມູນ ແລະ ໃຫ້ຄໍາແນະນໍາກັບນັກທຸລະກິດ ຍີ່ປຸ່ນ ທີ່ມີຄວາມສົນໃຈຢາກລົງທຶນຢູ່ຕ່າງປະເທດ ຊຶ່ງອົງການສົ່ງເສີມການຄ້າຍີ່ປຸ່ນ ປະຈໍາ ສປປ ລາວ ໄດ້ຖືກສ້າງຕັ້ງຂຶ້ນໃນເດືອນເມສາ 2014. ໃນໄລຍະຜ່ານມາ, ອົງການດັ່ງກ່າວ ໄດ້ສະໜອງຂໍ້ມູນ ແລະ ການບໍລິການໃຫ້ຄຳປຶກສາໃຫ້ແກ່ນັກທຸລະກິດຍີ່ປຸ່ນ ປະມານ 10.000 ເທື່ອຄົນ, ອຳນວຍຄວາມສະດວກ ໃຫ້ແກ່ການລົງນາມຂ້ໍຕົກລົງກ່ຽວກັບວຽກງານການຄ້າ, ການລົງທຶນ ແລະ ອື່ນໆ ໃນຂະແໜງການສຳຄັນ ຕ່າງໆເຊັ່ນ: ກະສິກຳ, ການຜະລິດ, ການຂົນສົ່ງ ແລະ ອື່ນໆ. ເນື່ອງໃນໂອກາດສະເຫລີມສະຫລອງວັນ ຄົບຮອບ 70 ປີ ແຫ່ງການສ້າງຕັ້ງ ສາຍພົວພັນທາງການທູດ ລາວ- ຍີ່ປຸ່ນ, ວັນຄົບຮອບ 60 ປີ ແຫ່ງ ການສົ່ງອາສາສະໝັກອົງການຮ່ວມ ມືສາກົນຂອງລັດຖະບານຍີ່ປຸ່ນ (JICA) ມາປະຕິບັດໜ້າທີ່ຢູ່ ສປປ ລາວ, ການສະເຫລີມສະຫລອງວັນ ຄົບຮອບ 10 ປີ ແຫ່ງການສ້າງຕັ້ງ ອົງການສົ່ງເສີມການຄ້າຍີ່ປຸ່ນ ປະຈໍາ ສປປ ລາວ ແລະ ເພື່ອເປັນການຮັບຮູ້ເຖິງຜົນງານຂອງອົງການສົ່ງເສີມການຄ້າຍີ່ປຸ່ນ ປະຈໍາ ສປປ ລາວ, ໃນປີ 2025 ລັດຖະບານລາວໄດ້ມອບຫລຽນກາມິດຕະພາບໃຫ້ແກ່ອົງການດັ່ງກ່າວ ທີ່ໄດ້ມີການປະກອບສ່ວນຢ່າງຕັ້ງໜ້າເຂົ້າໃນການພັດທະນາເສດຖະກິດ-ສັງຄົມ ຂອງ ສປປ ລາວ.

ຂ່າວ-ພາບ: ກົມການຂ່າວ, ກະຊວງ ການຕ່າງປະເທດ 

KPL