ຂປລ
ຂປລ. ແຫລ່ງຂ່າວຈາກແຂວງ ຈຳປາສັກ ໃຫ້ຮູ້ວ່າ: ພະແນກສາ ທາລະນະສຸກ ແຂວງຈຳປາສັກ ຈັດ ກິດຈະກຳຍ່າງເພື່ອສຸຂະພາບຢ່າງ ຟົດຟື້ນ ໃນວັນທີ 15 ມິຖຸນາ 2026 ທີ່ນະຄອນປາກເຊ
ເພື່ອຮ່ວມຂ່ຳນັບ ຊົມເຊີຍ ແລະ ສະເຫລີມສະຫລອງ ວັນສາທາລະນະສຸກລາວ ຄົບຮອບ 61 ປີ (18 ມິຖຸນາ 1965-18 ມິຖຸນາ 2026) ແລະ ວັນສຳຄັນ ຕ່າງໆຂອງຊາດ-ຂອງພັກ ທີ່ຈະ ມາເຖິງນີ້ ໂດຍມີ ທ່ານ ສຸກສະຫວັນ ວິໄລວົງ ປະທານຄະນະກຳມະການ ປົກຄອງ ແຂວງຈຳປາສັກ, ທ່ານ ນັນທະສານ ວັນນະວົງ ຫົວໜ້າ ພະແນກສາທາລະນະສຸກແຂວງ ພ້ອມດ້ວຍກອງບັນຊາການ ປກຊ- ປກສ ແຂວງ, ພະນັກງານ-ລັດຖະກອນ, ແພດໝໍ ແລະ ມວນຊົນ ເຂົ້າຮ່ວມ.
ຈຸດປະສົງຂອງການຈັດກິດຈະ ກຳຄ້ັງນ້ີ ກໍເພ່ືອເຮັດໃຫ້ພົນລະເມືອງ ລາວບັນດາເຜົ່າທຸກຊັ້ນຄົນໃນສັງ ຄົມ ໂດຍສະເພາະຖັນແຖວແພດໝໍ ແລະ ພະນັກງານສາທາລະນະສຸກ ທົ່ວແຂວງ ໄດ້ຮັບຮູ້ ແລະ ເຫັນໄດ້ ເຖິງຄວາມເຕີບໃຫຍ່ຂະຫຍາຍ ຕົວຢ່າງບໍ່ຢຸດຢັ້ງ ຂອງວຽກງານ ສາທາລະນະສຸກ ໃນແຕ່ລະໄລຍະ ແລະ ເພື່ອຈາລຶກຄຸນງາມຄວາມດີ ຂອງແພດໝໍຮຸ່ນກ່ອນ ທີ່ໄດ້ເສຍ ສະລະ ແລະ ປະກອບສ່ວນເຂົ້າໃນ ການຮັກສາສຸຂະພາບ ຂອງກອງທັບ ແລະ ປະຊາຊົນ ໃນໄລຍະຕໍ່ສູ້ກູ້ຊາດ ກໍຄືໄລຍະປົກປັກຮັກສາ ແລະ ສ້າງ ສາພັດທະນາປະເທດຊາດໃນປັດຈຸບັນ.
ການຈັດກິດຈະກຳຄັ້ງນີ້, ຍັງ ເປັນການປູກຈິດສຳນຶກ ໃຫ້ແກ່ ແພດໝໍຮຸ່ນສືບທອດໄດ້ຮ່ຳຮຽນ ເອົາແບບຢ່າງອັນດີງາມ, ຝຶກຝົນຫລໍ່ຫລອມຕົນເອງໃຫ້ກາຍເປັນ ແພດໝໍທີ່ມີຄຸນສົມບັດ, ມີຈັນຍາບັນ ໃນວິຊາຊີບ ແລະ ຄວາມຊຳນານ ງານ ສົມກຽດສັກສີເປັນ ‘ນັກຮົບ ເສື້ອຂາວ’ ປະຕິວັດຂອງພັກ ພ້ອມ ທັງເຊີດຊູຖານະບົດບາດຂອງ ແພດໝໍລາວຕໍ່ສັງຄົມ ພ້ອມທັງ ແນໃສ່ສົ່ງເສີມໃຫ້ບຸກຄະລາກອນ ສາທາລະນະສຸກ ແລະ ປະຊາຊົນ ທົ່ວໄປຫັນມາເອົາໃຈໃສ່ອອກກຳ ລັງກາຍ ເພາະການຍ່າງເປັນວິທີ ການທີ່ງ່າຍ, ປອດໄພ ແລະ ໃຫ້ຜົນ ດີຕໍ່ສຸຂະພາບ, ທັງເປັນການສ້າງ ຄວາມສາມັກຄີອັນແໜ້ນແຟ້ນ ແລະ ການພົວພັນຮ່ວມມື ລະຫວ່າງພະ ນັກງານສາທາລະນະສຸກດ້ວຍກັນ ຕື່ມອີກ.
ຂ່າວ-ພາບ: ຈັນທະວີສັກ
KPL
