ຂປລ
ນັບມາຮອດ ທ້າຍປີ 2025, ເຂດບໍລິຫານພິເສດ ຮົງກົງ ຂອງ ສປ ຈີນ ໄດ້ຄຸ້ມຄອງ ບໍລິຫານ ຊັບສິນ ຂ້າມປະເທດ ຈໍານວນ 2.950 ຕື້ໂດລາສະຫະລັດ ເຊິ່ງລື່ນກາຍ ປະເທດສະວິດສ ເປັນຄັ້ງທໍາອິດ ແລະ ກາຍເປັນສູນຄຸ້ມຄອງ ບໍລິຫານຊັບສິນຂ້າມຊາດ ໃຫຍ່ທີ່ສຸດຂອງໂລກ.
.jpg)
ຂປລ.ວິທະຍຸ ໂທລະພາບ ສູນກາງຈີນ, ບໍລິສັດ ທີ່ປຶກສາ ໂບສຕັນ ໄດ້ເຜີຍແຜ່ ບົດລາຍງານ ຊັບສິນທົ່ວໂລກປີ 2026 ໂດຍລະບຸວ່າ: ນັບມາຮອດ ທ້າຍປີ 2025, ເຂດບໍລິຫານພິເສດ ຮົງກົງ ຂອງ ສປ ຈີນ ໄດ້ຄຸ້ມຄອງ ບໍລິຫານ ຊັບສິນ ຂ້າມປະເທດ ຈໍານວນ 2.950 ຕື້ໂດລາສະຫະລັດ ເຊິ່ງລື່ນກາຍ ປະເທດສະວິດສ ເປັນຄັ້ງທໍາອິດ ແລະ ກາຍເປັນສູນຄຸ້ມຄອງ ບໍລິຫານຊັບສິນຂ້າມຊາດ ໃຫຍ່ທີ່ສຸດຂອງໂລກ. ໃນຖານະເປັນສູນການເງິນສາກົນ ທີ່ປະຕິບັດ“ປະເທດ ດຽວສອງລະບອບ”, ເຂດບໍລິຫານ ພິເສດ ຮົງກົງ ຂອງ ສປ ຈີນ ໄດ້ອະນຸມັດໃຫ້ເງິນທຶນເຂົ້າ-ອອກຢ່າງເສລີ ແລະ ມີລະບຽບການໂປ່ງໃສ, ໂດຍໄດ້ສະໜອງສະພາບແວດລອມ ດ້ານການດໍາເນີນ ທຸລະກິດ ທີ່ໂປ່ງໃສ, ໝັ້ນທ່ຽງ ແລະ ສາມາດຄາດຄະເນໄດ້ໃຫ້ ແກ່ເງິນ ທຶນທົ່ວໂລກ. ນອກຈາກນີ້ແລ້ວ, ຮົງກົງ ຍັງໄດ້ຈັດຕັ້ງທີມງານບໍລິການແບບມືອາຊີບ ໃນດ້ານຕ່າງໆ ຄື: ການເງິນ, ກົດໝາຍ, ການຈໍລະຈອນສິນຄ້າ ແລະ ການປະດິດສ້າງໃໝ່ດ້ານວິທະຍາສາດເຕັກໂນໂລຊີເປັນຕົ້ນ ເພື່ອລົງເລິກການຮ່ວມມືເສດຖະກິດການຄ້າໃນພາກພື້ນ ແລະ ເປີດປະຕູສູ່ພາຍນອກ ຢ່າງມີຄຸນນະພາບສູງ./.
(ບັນນາທິການຂ່າວ: ຕ່າງປະເທດ) ຮຽບຮຽງ ຂ່າວໂດຍ: ສະໄຫວ ລາດປາກດີ
KPL
