ຂປລ
ໂຮງງານຢາງພາລາ ຂອງກຸ່ມບໍລິສັດກິມສ ຣັບເບີ ປະຈຳກຳປູເຈຍ ທີ່ວິສາຫະກິດຈີນ ລົງທຶນສ້າງຂຶ້ນຢູ່ ແຂວງຂະມຸນຂອງກຳປູເຈຍ ໄດ້ເລີ່ມຜະລິດ ຢ່າງເປັນທາງການ.
.jpg)
ຂປລ.ວິທະຍຸ-ໂທລະພາບ ສູນກາງຈີນ, ວັນທີ 27 ພຶດສະພານີ້, ໂຮງງານຢາງພາລາ ຂອງກຸ່ມບໍລິສັດກິມສ ຣັບເບີ ປະຈຳກຳປູເຈຍ ທີ່ວິສາຫະກິດຈີນ ລົງທຶນສ້າງຂຶ້ນຢູ່ ແຂວງຂະມຸນຂອງກຳປູເຈຍ ໄດ້ເລີ່ມຜະລິດ ຢ່າງເປັນທາງການ. ໂຮງງານດັ່ງກ່າວ ລົງທຶນປະມານ 30 ລ້ານໂດລາສະຫະລັດ, ກວມເນື້ອທີ່ປະມານ 15 ເຮັກຕາ, ສາມາດປຸງແຕ່ງຢາງພາລາໄດ້ 1 ແສນໂຕນຕໍ່ປີ. ຫຼັງຈາກເລີ່ມຜະລິດແລ້ວ, ໂຮງງານດັ່ງກ່າວສາມາດສ້າງວຽກເຮັດງານທຳໂດຍກົງໄດ້ 300 ຕຳແໜ່ງ, ແລະ ສະໜັບສະໜູນ ການຈ້າງງານທາງອ້ອມ ຫລາຍກວ່າ 5 ໝື່ນຄົນ.ອີງຕາມສະຖິຕິ ຢ່າງເປັນທາງການ, ປີ 2025 ເນື້ອທີ່ປູກຢາງພາລາໃນທົ່ວປະເທດກຳປູເຈຍມີເຖິງ 448.000 ເຮັກຕາ, ໃນນີ້ມີເນື້ອທີ່ ທີ່ສາມາດເກັບກ່ຽວ ຫລາຍກວ່າ 346.000 ເຮັກຕາ. ບົດລາຍງານຂອງອົງການພາສີກຳປູເຈຍ ສະແດງໃຫ້ເຫັນວ່າ, ໃນໄຕມາດທີ 1 ປີນີ້, ຍອດມູນຄ່າການສົ່ງອອກຢາງພາລາ ແລະ ຜະລິດຕະພັນ ຢາງພາລາ ຂອງກຳປູເຈຍ ບັນລຸເຖິງ 650 ລ້ານໂດລາສະຫະລັດ, ເພີ່ມຂຶ້ນ 42,5% ເມື່ອທຽບໃສ່ໄລຍະດຽວກັນຂອງປີ 2025./.
(ບັນນາທິການຂ່າວ: ຕ່າງປະເທດ) ຮຽບຮຽງ ຂ່າວໂດຍ: ສະໄຫວ ລາດປາກດີ
KPL
