ຂປລ
ທ່ານ ອາລາເອັດດິນ ໂບຣູເຈີດີ ສະມາຊິກ ຄະນະກຳມະການ ຄວາມໝັ້ນຄົງ ແຫ່ງຊາດ ອີຣານ ຢືນຢັນວ່າ: ອີງຕາມຮ່າງສັນຍາໃນເບື້ອງຕົ້ນທີ່ອີຣານກັບ ສ.ອາເມລິກາ ໄດ້ຕົກລົງກັນ, ສ.ອາເມລິກາ ຈະໃຫ້ຄຳໝັ້ນສັນຍາ ຢຸດຍິງຮອບດ້ານ ເປັນເວລາ 60 ວັນ ໃນໄລຍະທຳອິດ ຢູ່ແນວຮົບທັງໝົດ ໂດຍສະເພາະແມ່ນ ຢູ່ໃນດິນແດນຂອງລີບັງ.
ຂປລ.ວິທະຍຸ-ໂທລະພາບ ສູນກາງຈີນ, ວັນທີ 27 ພຶດສະພານີ້, ທ່ານ ອາລາເອັດດິນ ໂບຣູເຈີດີ ສະມາຊິກ ຄະນະກຳມະການ ຄວາມໝັ້ນຄົງ ແຫ່ງຊາດ ອີຣານ ຢືນຢັນວ່າ: ອີງຕາມຮ່າງສັນຍາໃນເບື້ອງຕົ້ນ ທີ່ອີຣານ ກັບ ສ.ອາເມລິກາ ໄດ້ຕົກລົງກັນ, ສ.ອາເມລິກາ ຈະໃຫ້ຄຳໝັ້ນສັນຍາ ຢຸດຍິງຮອບດ້ານ ເປັນເວລາ 60 ວັນ ໃນໄລຍະທຳອິດ ຢູ່ແນວຮົບ ທັງໝົດໂດຍສະເພາະແມ່ນຢູ່ໃນດິນແດນຂອງລີບັງ. ທ່ານ ໂບຣູເຈີດີ ໃຫ້ຮູ້ວ່າ: ການຍົກເລີກການອາຍັດຊັບສິນສ່ວນໜຶ່ງ ຂອງອີຣານ ແລະ ຍຸດຕິການປິດກັ້ນ ທາງທະເລ ກໍແມ່ນໜຶ່ງໃນບັນດາເນື້ອໃນ ຂອງສັນຍາດັ່ງກ່າວ. ທ່ານໂບຣູເຈີດີ ຍັງຢືນຢັນຕື່ມວ່າ: ອົງການການຕ່າງປະເທດ ແລະ ລະບົບແຫ່ງຊາດ ຂອງອີຣານ ຈະບໍ່ຕັດສິນໃຈ ໂດຍອີງຕາມ ຖ້ອຍຄວາມຂອງທ່ານ ໂດນັນ ທຣຳ ປະທານາທິບໍດີ ສ.ອາເມລິກາ ທີ່ລົງໃນສື່ສັງຄົມອອນລາຍວ່າ: ສຳລັບ ອີຣານແລ້ວ, ສິ່ງສຳຄັນແມ່ນຜົນສຸດທ້າຍ ຂອງການເຈລະຈາ, ເອກະສານທຸກສະບັບທີ່ເຂົ້າສູ່ ໄລຍະການລົງນາມ ໃນຂັ້ນສຸດທ້າຍນັ້ນ ລ້ວນແຕ່ຈະສອດຄ່ອງກັບ ຂອບເສັ້ນຕ້ອງຫ້າມ ດ້ານໂຄງປະກອບຂອງອີຣານ ແລະ ສ້າງຂຶ້ນໂດຍມີເປົ້າໝາຍ ເພື່ອປົກປັກຮັກສາ ຜົນປະໂຫຍດແຫ່ງຊາດ ແລະ ສິດທິຂອງປະຊາຊົນ./.
(ບັນນາທິການຂ່າວ: ຕ່າງປະເທດ) ຮຽບຮຽງ ຂ່າວໂດຍ: ສະໄຫວ ລາດປາກດີ
KPL
