ຂປລ
ຢູ່ນະຄອນຫລວງ ຮ່າໂນ້ຍ ປະເທດຫວຽດນາມ, ທ່ານ ເລມິນຮຶງ, ນາຍົກ ລັດຖະມົນຕີ ຫວຽດນາມ ໄດ້ໂອ້ລົມ ທາງໂທລະສັບ ກັບ ທ່ານ Christopher Luxon, ນາຍົກ ລັດຖະມົນຕີ ນູແວນເຊລັງ.
ຂປລ. ວິທະຍຸກະຈາຍສຽງ ຫວຽດນາມ: ວັນທີ 20 ພຶດສະພາ, ຢູ່ນະຄອນຫລວງ ຮ່າໂນ້ຍ ປະເທດຫວຽດນາມ, ທ່ານ ເລມິນຮຶງ, ນາຍົກ ລັດຖະມົນຕີ ຫວຽດນາມ ໄດ້ໂອ້ລົມ ທາງໂທລະສັບ ກັບ ທ່ານ Christopher Luxon, ນາຍົກ ລັດຖະມົນຕີ ນູແວນເຊລັງ.
ໂດຍຜູ້ນຳທັງສອງ ໄດ້ເຫັນດີ ເປັນເອກະພາບ ສືບຕໍ່ຊຸກຍູ້ການຮ່ວມມື ດ້ານເສດຖະກິດ, ການຄ້າ, ການລົງທຶນ, ສູ້ຊົນນຳວົງເງິນ ການຄ້າ 2 ສົ້ນໃຫ້ບັນລຸ ເປົ້າໝາຍ 3 ຕື້ໂດລາ ສະຫະລັດ ເພື່ອສ້າງຄວາມ ສະດວກ ໃຫ້ແກ່ ບັນດາ ຜະລິດຕະພັນ ທີ່ມີ ທ່າແຮງ ຂອງ ແຕ່ລະປະເທດ ໃຫ້ສາມາດ ເຂົ້າເຖິງ ຕະຫລາດ ເຊິ່ງກັນ ແລະ ກັນ ໃຫ້ຫລາຍຂຶ້ນ.
ນອກຈາກນີ້, ທັງສອງຝ່າຍ ຍັງເປັນ ເອກະພາບ ເພີ່ມທະວີ ການຮ່ວມມື ໃນການ ຮັບມືກັບ ການປ່ຽນແປງຂອງ ດິນຟ້າ ອາກາດ, ການຫັນປ່ຽນ ພະລັງງານ, ຊຸກຍູ້ ຮູບແບບ ກະສິກຳ ປ່ອຍອາຍພິດຕ່ຳ ແລະ ພັດທະນາ ພະລັງງານ ຜະລິດ ຄືນໃໝ່, ໂດຍສະເພາະ ແມ່ນພະລັງງານ ແຮງລົມ ແລະ ໄຟຟ້າ ແສງຕາເວັນ. ພ້ອມກັນນີ້ ຍັງໄດ້ແບ່ງປັນ ການຕີລາຄາ ກ່ຽວກັບ ຄວາມສຳຄັນ ຂອງ ການໂອ້ລົມ ສົນທະນາ, ການຮ່ວມມື ສາກົນ ແລະ ເຄົາລົບ ກົດໝາຍ ສາກົນ ໃນການແກ້ໄຂ ບັນດາ ສິ່ງທ້າທາຍ ດ້ານຄວາມໝັ້ນຄົງ ຢູ່ພາກພື້ນ./
KPL
