ຂປລ
ອົງການ ອະນາໄມໂລກ (WHO) ກຳນົດ ພະຍາດລະບາດ ໄຂ້ເລືອດອອກ ໂດຍໄວຣັດ Ebola (ເອີ້ນຫຍໍ້ວ່າ ພະຍາດ ອີໂບລາ) ໂດຍເຊື້ອໄວຣັດ Ebola ສາຍ Bundibugyo ຢູ່ ສ.ກົງໂກ ແລະ ອູການນາ ແມ່ນເຫດການ ການແພດ ສາທາລະນະ ແບບສຸກເສີນ ທີ່ກໍ່ຄວາມວິຕົກ ກັງວົນຕໍ່ສາກົນ.
ຂປລ.ວິທະຍຸ ກະຈາຍສຽງ ຫວຽດນາມ, ອົງການ ອະນາໄມໂລກ (WHO) ກຳນົດ ພະຍາດລະບາດ ໄຂ້ເລືອດອອກ ໂດຍໄວຣັດ Ebola (ເອີ້ນຫຍໍ້ວ່າ ພະຍາດ ອີໂບລາ) ໂດຍເຊື້ອໄວຣັດ Ebola ສາຍ Bundibugyo ຢູ່ ສ.ກົງໂກ ແລະ ອູການນາ ແມ່ນເຫດການ ການແພດ ສາທາລະນະ ແບບສຸກເສີນ ທີ່ກໍ່ຄວາມວິຕົກ ກັງວົນຕໍ່ສາກົນ. ນີ້ແມ່ນຄຳກ່າວເຕືອນ ທາງການແພດ ທີ່ສຳຄັນ ເພື່ອໃຫ້ບັນດາປະເທດ ເພີ່ມທະວີ ການຕິດຕາມກວດກາ, ກວດພົບໂດຍໄວ ແລະ ກະກຽມ ການຮັບມື, ເຖິງຢ່າງໃດກໍຕາມ ບໍ່ໝາຍຄວາມວ່າ ພະຍາດ ໄດ້ແຜ່ລາມອອກສູ່ ວົງກວ້າງ ໃນທົ່ວໂລກແລ້ວ. ຕາມຂໍ້ມູນຈາກ WHO ແລ້ວ, ໄລ່ຮອດກາງເດືອນພຶດສະພາ 2026, ຢູ່ສ.ກົງໂກ ໄດ້ຢັ້ງຢືນມີ 8 ກໍລະນີ ຕິດພະຍາດ ທີ່ໄດ້ຢັ້ງຢືນດ້ວຍການວິໄຈ, 246 ກໍລະນີສົງໄສຕິດເຊື້ອ ແລະ 80 ກໍລະນີເສຍຊີວິດ ສົງໄສກ່ຽວຂ້ອງພະຍາດ ຢູ່ແຂວງ Ituri. ຢູ່ອຸຕານດາ, ໄດ້ຢັ້ງຢືນ 2 ກໍລະນີຕິດເຊືອພະຍາດ ທີ່ໄດ້ຢັ້ງຢືນ ດ້ວຍການວິໄຈ, ໃນນັ້ນມີ ກໍລະນີໜຶ່ງ ເສຍຊີວິດຢູ່ Kampala, ທັງສອງກໍລະນີ ລ້ວນແຕ່ແມ່ນ ຄົນເດີນທາງມາຈາກ ກົງໂກ./.
(ບັນນາທິການຂ່າວ: ຕ່າງປະເທດ) ຮຽບຮຽງ ຂ່າວໂດຍ: ສະໄຫວ ລາດປາກດີ
KPL
