ຂປລ
ຄະນະ ກໍາມະການ ເລືອກຕັ້ງປະທານາທິບໍດີ ມຽນມາ ຂອງ ສະພາສະຫະພາບ ມຽນມາ ໄດ້ຈັດການ ລົງຄະແນນສຽງ ເພື່ອເລືອກຕັ້ງ ປະທານາທິບໍດີ, ທ່ານ ມິນອອງລາຍ ໄດ້ຮັບເລືອກຕັ້ງ ດ້ວຍຄະແນນສຽງສູງ.
ຂປລ. ວິທະຍຸໂທລະພາບ ສູນກາງຈີນ (CMG): ວັນທີ 3 ເມສານີ້, ຄະນະ ກໍາມະການ ເລືອກຕັ້ງປະທານາທິບໍດີ ມຽນມາ ຂອງ ສະພາສະຫະພາບ ມຽນມາ ໄດ້ຈັດການ ລົງຄະແນນສຽງ ເພື່ອເລືອກຕັ້ງ ປະທານາທິບໍດີ, ທ່ານ ມິນອອງລາຍ ໄດ້ຮັບເລືອກຕັ້ງ ດ້ວຍຄະແນນສຽງສູງ.
ໃນການລົງຄະແນນສຽງ ທັງໝົດ 584 ສຽງ, ທ່ານ ມິນອອງລາຍ ໄດ້ຮັບສຽງເຫັນດີ 429 ສຽງ, ຂະນະທີ່ທ່ານ ອູຢໍຊໍ ໄດ້ຮັບສຽງເຫັນດີ 126 ສຽງ ແລະ ທ່ານນາງ ນານນິນິໄອ ໄດ້ຮັບສຽງເຫັນດີ 29 ສຽງ. ອີງຕາມ ຜົນການລົງຄະແນນສຽງ, ທ່ານ ອູຢໍຊໍ ແລະ ທ່ານນາງ ນານນິນິໄອ ຈະດໍາລົງຕໍາແໜ່ງ ຮອງປະທານາທິບໍດີ ມຽນມາ. ປີນີ້ ທ່ານ ມິນອອງລາຍມີອາຍຸ 69 ປີ, ເຄີຍດໍາລົງຕໍາແໜ່ງ ຜູ້ບັນຊາການໃຫຍ່ ກອງທັບ ມຽນມາ ແລະ ຮັກສາ ການປະທານາ ທິບໍດີມຽນມາ ມາແລ້ວ.
KPL
