ຂປລ
ລາຄານ້ຳມັນຂອງໂລກ ເພີ່ມຂຶ້ນ ຢ່າງຫລວງຫລາຍ ແລະ ເກີນ 100 ໂດລາ ສະຫະລັດຕໍ່ຖັງ ເມື່ອຕະຫລາດ ເປີດປະຕູ ການແລກປ່ຽນ ການຄ້າ ໃນວັນທີ 08 ມີນາ, ໃນສະພາບ ບັນດານັກລົງທຶນ ມີຄວາມວິຕົກ ກັງວົນວ່າ ແຫລ່ງສະໜອງ ພະລັງງານທົ່ວໂລກ ຕ້ອງຜະເຊີນກັບຄວາມຫຍຸ້ງຍາກ
ຂປລ.ວິທະຍຸກະຈາຍສຽງ ຫວຽດນາມ: ລາຄານ້ຳມັນຂອງໂລກ ເພີ່ມຂຶ້ນ ຢ່າງຫລວງຫລາຍ ແລະ ເກີນ 100 ໂດລາ ສະຫະລັດຕໍ່ຖັງ ເມື່ອຕະຫລາດ ເປີດປະຕູ ການແລກປ່ຽນ ການຄ້າ ໃນວັນທີ 08 ມີນາ, ໃນສະພາບ ບັນດານັກລົງທຶນ ມີຄວາມວິຕົກ ກັງວົນວ່າ ແຫລ່ງສະໜອງ ພະລັງງານທົ່ວໂລກ ຕ້ອງຜະເຊີນກັບຄວາມຫຍຸ້ງຍາກ, ຍ້ອນສະພາບຄວາມເຄັ່ງຕຶງ ຢູ່ ຕາເວັນອອກກາງ ເພີ່ມຂຶ້ນ. ນີ້ເປັນ ຄັ້ງທຳອິດ ທີ່ ລາຄານ້ຳມັນລື່ນກາຍລະດັບ ນັບແຕ່ ເກີດການປະທະກັນ ລະຫວ່າງ ຣັດເຊຍ-ອູແກຣນ ໃນເດືອນ ກຸມພາ 2022.
ລາຄາ ນ້ຳມັນເຊື້ອໄຟ ແລະ ນ້ຳມັນດິບ (WTI) ເພີ່ມຂຶ້ນ ເຖິງ 20%, ຂຶ້ນເປັນ 109,17 ໂດລາ ສະຫະລັດຕໍ່ຖັງ ເຊິ່ງເປັນຕົວເລກ ສູງສຸດ ນັບແຕ່ ເດືອນກຸມພາ 2022. ໃນຂະນະນັ້ນ, ລາຄານໍ້າມັນແອັດຊັງ ເພີ່ມຂຶ້ນປະມານ 19%, ຂຶ້ນເປັນ 110,35 ໂດລາ ສະຫະລັດຕໍ່ຖັງ.
ລາຄານ້ຳມັນ ເພີ່ມຂຶ້ນຢ່າງແຮງ ໃນສະພາບ ທີ່ການປະທະກັນ ຢູ່ພາກພື້ນ ຕາເວັນອອກກາງ ໄດ້ກ້າວເຂົ້າສູ່ອາທິດທີ 2. ບັນດາ ນັກຊ່ຽວຊານ ສາກົນ ກ່າວເຕືອນວ່າ ຖ້າລາຄານ້ຳມັນ ຮັກສາກວ່າ 100 ໂດລາ ສະຫະລັດຕໍ່ຖັງ ໃນໄລຍະຍາວນັ້ນ, ເສດຖະກິດ ທົ່ວໂລກ ອາດຈະຖືກ ຄວາມກົດດັນ ຫລາຍພໍສົມຄວນ ຍ້ອນລາຄາພະລັງງານ ເພີ່ມຂຶ້ນຢ່າງຫລວງຫລາຍ./
KPL
