ຂປລ
ໃນຖານະເປັນປະເທດການຄ້າສິນຄ້າ ທີ່ໃຫຍ່ທີ່ສຸດໃນໂລກ, ສປ ຈີນ ຍັງສືບຕໍ່ເປັນແຮງຂັບເຄື່ອນ ທີ່ສຳຄັນໃນການເຕີບໂຕ ຂອງການຄ້າໂລກ. ຜູ້ຮັບຜິດຊອບດັ່ງກ່າວ ກ່າວວ່າ: ນັບແຕ່ເດືອນມັງກອນ ຫາເດືອນສິງຫາປີນີ້, ການນຳ ເຂົ້າສິນຄ້າຂອງ ສປ ຈີນ ໄດ້ເພີ່ມຂຶ້ນ 22%, ເຊິ່ງເປັນຈັງຫວະ ທີ່ໄວທີ່ສຸດ ນັບຕັ້ງແຕ່ປີ 2021 ເປັນຕົ້ນມາ
ຂປລ.ວິທະຍຸ ໂທລະພາບສູນກາງຈີນ, ເມື່ອບໍ່ດົນມານີ້, ຫ້ອງການຖະແຫລງຂ່າວ ຂອງລັດຖະບານຈີນ ໄດ້ຈັດກອງປະຊຸມຖະແຫລງຂ່າວ, ຜູ້ຮັບຜິດຊອບທີ່ກ່ຽວຂ້ອງ ຈາກກະຊວງການຄ້າຈີນ ໃຫ້ຮູ້ວ່າ: ໃນຖານະເປັນປະເທດການຄ້າສິນຄ້າ ທີ່ໃຫຍ່ທີ່ສຸດໃນໂລກ, ສປ ຈີນ ຍັງສືບຕໍ່ເປັນແຮງຂັບເຄື່ອນ ທີ່ສຳຄັນໃນການເຕີບໂຕ ຂອງການຄ້າໂລກ. ຜູ້ຮັບຜິດຊອບດັ່ງກ່າວ ກ່າວວ່າ: ນັບແຕ່ເດືອນມັງກອນ ຫາເດືອນສິງຫາປີນີ້, ການນຳເຂົ້າສິນຄ້າຂອງ ສປ ຈີນ ໄດ້ເພີ່ມຂຶ້ນ 22%, ເຊິ່ງເປັນຈັງຫວະ ທີ່ໄວທີ່ສຸດ ນັບຕັ້ງແຕ່ປີ 2021 ເປັນຕົ້ນມາ, ຄາດວ່າ: ຍອດມູນຄ່າ ການນຳເຂົ້າທັງໝົດ ຂອງປີນີ້ ອາດຈະບັນ ລຸລະ ດັບສູງສຸດ ເປັນປະຫວັດສາດອີກຄັ້ງ. ສິນຄ້າ ທີ່ມີຄຸນນະພາບສູງ ຈາກທົ່ວໂລກນັບມື້ນັບຫລາຍຂຶ້ນກຳລັງຫລັງໄຫລເຂົ້າສູ່ຕະຫລາດບໍລິໂພກຈີນ ແລະ ເຊື່ອມໂຍງ ເຂົ້າກັບລະບົບ ຕ່ອງໂສ້ ການຜະລິດ ແລະ ການສະໜອງຂອງຈີນ, ນຳເອົາໃບສັ່ງຊື້ຫລາຍກວ່າເກົ່າມາໃຫ້ ບໍລິສັດຈາກປະເທດຕ່າງໆ, ຊຸກຍູ້ການພັດທະນາ ອຸດສາຫະກຳ ທີ່ກ່ຽວຂ້ອງຂອງປະເທດເທົ່ານັ້ນ, ແລະ ເພີ່ມການສ້າງວຽກເຮັດງານທຳໃນ ທ້ອງຖິ່ນ. ອີງຕາມການຄິດໄລ່ ຂໍ້ມູນການຄ້າໂລກ ໃນໄຕມາດທຳອິດ ທີ່ປະກາດໂດຍ ອົງການການຄ້າໂລກ ຫລື WTO ໃນເດືອນກໍລະກົດປີນີ້, ສປ ຈີນ ໄດ້ປະກອບສ່ວນຕໍ່ການເຕີບໂຕ ຂອງການຄ້າໂລກ 2.1%, ອັດຕາປະກອບສ່ວນ ໄດ້ບັນລຸ 20.3%, ເຊິ່ງໄດ້ຄ້ຳຊູການດຳເນີນງານທີ່ໝັ້ນທ່ຽງ ຂອງລະບົບຕ່ອງໂສ້ການຜະລິດ ແລະ ການສະໜອງທົ່ວໂລກ ມີປະສິດທິພາບ./.
(ບັນນາທິການຂ່າວ: ຕ່າງປະເທດ) ຮຽບຮຽງ ຂ່າວໂດຍ: ສະໄຫວ ລາດປາກດີ
KPL
