ຂປລ. ເມືອງຈຳພອນ ແຂວງ ສະຫວັນນະເຂດ ໄດ້ຈັດພິທີປະກາດ ຮັບຮອງເອົາ ຫໍໄຕປີດົກ ບ້ານໜອງ ລຳຈັນ ແລະ ວັດເກົ່າຕາແຫລວ ເປັນມໍລະດົກແຫ່ງຊາດລະດັບຊາດ ຂຶ້ນຢ່າງເປັນທາງການໃນວັນທີ 02-04 ມີນາ 2026 ໂດຍຕິດພັນ ກັບບຸນປະເພນີແຫ່ໜັງສືຜູກໃບລານ ອັນເປັນເອກະລັກທີ່ຫາເບິ່ງໄດ້ຍາກ ໃນປັດຈຸບັນ. ເພື່ອສືບສານຕຳນານ ມໍລະດົກອັນລ້ຳຄ່າ ອາຄານໄມ້ກາງ ນ້ຳ ແລະ ສິລະປະຝາພະໜັງອັນສັກ ສິດ ແລະ ຄວາມສວຍງາມຂອງ ຫໍໄຕ ປີດົກ ບ້ານໜອງລຳຈັນ (ອາຄານ ໄມ້ບູຮານທີ່ຕັ້ງເດັ່ນສະຫງ່າງາມ ຢູ່ກາງນ້ຳ) ຊຶ່ງສະຖານທີ່ແຫ່ງນີ້ ໄດ້ ເປັນບ່ອນເກັບຮັກສາຄຳພີ ແລະ ໜັງ ສືຜູກໃບລານ ເຖິງ 219 ເລື່ອງ. ສ່ວນ ວັດເກົ່າຕາແຫລວ ກໍໂດດເດັ່ນດ້ວຍ ສິລະປະການແຕ້ມຝາພະໜັງ ແລະ ຮູບຊົງອາຄານທີ່ມີເອກະລັກສະ ເພາະຕົວມາຫລາຍສັດຕະວັດ, ເຮັດ ໃຫ້ທັງສອງແຫ່ງກາຍເປັນຈຸດໝາຍ -u;yf{;afmtotme ໂດຍ: ພອນສະຫວັນ ມະນີສີ ປາຍທາງທີ່ນັກທ່ອງທ່ຽວສາຍ ວັດທະນະທຳບໍ່ຄວນພາດ. ຫໍໄຕປີດົກ ບ້ານໜອງລຳຈັນ ເປັນອາຄານໄມ້ບູຮານກາງນ້ຳ, ເປັນບ່ອນເກັບຮັກສາຄຳພີ ແລະ ໜັງສືຜູກໃບລານເກົ່າແກ່ເຖິງ 219 ເລື່ອງ. ຫໍໄຕປີດົກຫລັງນີ້ໄດ້ກໍ່ສ້າງ ມາແຕ່ສັດຕະວັດທີ 17 ເປັນຕົ້ນມາ ຊຶ່ງແມ່ນຍາທ່ານ ຫລັກຄຳພາ ເປັນ ຜູ້ນຳພາສ້າງ ຕໍ່ມາກໍໄດ້ປະຕິສັງ ຂອນຄືນໃໝ່ ໃນສັດຕະວັດທີ 19 ນັບແຕ່ເວລານັ້ນເປັນຕົ້ນມາ ກໍໄດ້ມີ ຍາທ່ານຂຽວ, ຍາທ່າພຸ່ນ, ຍາທ່ານ ຈວງ, ຍາທ່ານນວນ, ຍາທ່ານພົມ ມາ ໄດ້ເປັນຜູ້ອຸປະຖຳປົກປັກຮັກ ສາສືບຕໍ່ກັນມາຕາມລຳດັບ.



ມາໃນ ປີ ຄສ 1990-2001 ໂຄງການປົກ ປັກຮັກສາໜັງສືຜູກໃບລານລາວ ກະຊວງຖະແຫລງຂ່າວ ແລະ ວັດ ທະນະທຳ ໂດຍໄດ້ຮັບການສະໜັບ ສະໜູນ ຈາກມູນນິທິໂຕໂຍຕ້າ ຂອງ ປະເທດຍີ່ປຸ່ນ ແລະ ລັດຖະບານແຫ່ງ ສະຫະພັນເຢຍລະມັນ ຮ່ວມກັບພະ ແນກຖະແຫລງຂ່າວ- ວັດທະນະທຳ ແຂວງສະຫວັນນະເຂດ ແລະ ຫ້ອງ ການຖະແຫລງຂ່າວ-ວັດທະນະທໍາ ເມືອງຈຳພອນ ໄດ້ລົງສໍາຫລວດ ຂຶ້ນບັນຊີຕົວຈິງ ຊຶ່ງສາມາດແຍກ ແລະ ຈັດລຳດັບໄດ້ດັ່ງນີ້: ໜັງສືຜູກ ໃບລານທັງໝັດມີ 219 ເລື່ອງ, ມີ 326 ມັດ, ມີ 2.391 ຜູກ, ແຕ່ຍ້ອນ ອາຍຸການໃຊ້ງານ ເປັນເວລາຫລາຍ ສິບປີ ຈຶ່ງເຮັດໃຫ້ສະພາບ ຫໍໄຕປີ ດົກ ຊຸດໂຊມລົງ, ຍ້ອນມີຄວາມ ສຳຄັນທາງດ້ານວັນນະຄະດີບູຮານ ແລະ ທາງດ້ານວັດທະນະທຳຂອງ ຄູບາ, ນັກປາດ, ອາຈານ ທີ່ໄດ້ສຶກສາ ຮ່ຳຮຽນຢູ່ທີ່ນີ້ບວກໃສ່ຄວາມເປັນ ຫ່ວງເປັນໃຍຂອງຂັ້ນເທິງນັບແຕ່ ສູນກາງລົງຮອດທ້ອງຖິ່ນ ເພື່ອອະ ນຸລັກປົກປັກຮັກສາວັດຖຸບູຮານ ທາງວັດທະນະທຳນີ້ໃຫ້ຢູ່ກັບຄົນ ລາວຕະຫລອດໄປ, ຕົກມາປີ 2006 ຫໍໄຕປີດົກ ຈຶ່ງໄດ້ຮັບການປະຕິສັງ ຂອນຄືນໃໝ່ ໂດຍໄດ້ຮັບທຶນຊ່ວຍ ເຫລືອຈາກລັດຖະບານ ລາຊະອາ ນາຈັກໄທ, ມາຮອດປັດຈຸບັນນີ້ຫໍໄຕ ປີດົກ ຈຶ່ງໄດ້ກາຍເປັນຈຸດເຕົ້າໂຮມ ໜັງສືຜູກໃບລານທີ່ຫລາຍກວ່າໝູ່ ແຫ່ງດຽວພາຍໃນເມືອງຈຳພອນ ແລະ ເປັນແຫລ່ງທ່ອງທ່ຽວທາງ ວັດທະນະທຳອີກດ້ວຍ. ເຖິງແນວໃດກໍຕາມ, ໃນພິທີຄັ້ງ ນີ້ໄດ້ຈັດໃຫ້ມີຂະບວນແຫ່ຄຳພີໜັງ ສືຜູກໃບລານທີ່ນຳໜ້າໂດຍຄະນະ ສົງ, ການນຳຂັ້ນສູງຂອງແຂວງ, ຂອງເມືອງ ພ້ອມດ້ວຍພໍ່ແມ່ປະຊາ ຊົນທີ່ແຕ່ງກາຍດ້ວຍຊຸດພື້ນເມືອງ ລາວຢ່າງຈົບງາມ. ພາຍໃນງານຍັງ ມີການສະແດງສິລະປະພື້ນເມືອງ ເຊັ່ນ: ການຟ້ອນ, ເປົ່າແຄນປະກອບ ສຽງລຳສາວຜູ້ໄທເຂັນຝ່າຍ ທີ່ສ່ອງ ແສງເຖິງປະເພນີວິຖີການດຳລົງ ຊີວິດຂອງຊາວເມືອງຈຳພອນ ຊຶ່ງ ງານຄັ້ງນີ້ໄດ້ສ້າງຄວາມປະທັບໃຈ ໃຫ້ແກ່ຜູ້ເຂົ້າຮ່ວມ ແລະ ນັກທ່ອງ ທ່ຽວຢ່າງຫລວງຫລາຍ. ທ່ານນາງ ດາວວອນ ໄຊສຸລຽນ ຮອງເລຂາພັກແຂວງ ປະທານຄະ ນະກຳມະການປົກຄອງແຂວງສະ ຫວັນນະເຂດ ໄດ້ໃຫ້ກຽດມອບໃບ ຢັ້ງຢືນມໍລະດົກແຫ່ງຊາດ ໃຫ້ແກ່ ຄະນະນຳເມືອງຈຳພອນ ຊຶ່ງໃນ ພິທີດັ່ງກ່າວໄດ້ລັ່ນຄ້ອງ 9 ບາດ ເພື່ອເປັນສິລິມົງຄຸນ ແລະ ປະກາດ ໃຫ້ໂລກຮັບຮູ້ເຖິງຄຸນຄ່າຂອງຊັບ ສົມບັດທາງປັນຍາຂອງຊາວເມືອງ ຈຳເມືອງ. ການຮັບຮອງມໍລະດົກ ໃນຄັ້ງນີ້ ບໍ່ພຽງແຕ່ເປັນການອະນຸ ລັກຮັກສາຮີດຄອງປະເພນີເທົ່ານັ້ນ, ແຕ່ຍັງເປັນການເປີດປະຕູຕ້ອນຮັບ ນັກທ່ອງທ່ຽວໃຫ້ເຂົ້າມາສຳຜັດ ຄວາມງາມຂອງສະຖາປັດຕະຍະ ກຳບູຮານ, ຮຽນຮູ້ປະຫວັດສາດ ຜ່ານໃບລານ ແລະ ຊົມວິຖີຊີວິດ ອັນສະຫງົບສຸກຂອງຊາວບ້ານ ໜອງລຳຈັນ ແລະ ບ້ານຕາແຫລວ ນຳອີກ.