ຂປລ
ຄະນະກຳມະການ ກົດລະບຽບພາສີ ຂອງລັດຖະບານຈີນ ໄດ້ປະກາດແຈ້ງການວ່າ: ນັບແຕ່ ວັນທີ 1 ພຶດສະພາ 2026 ຫາ ວັນທີ 30 ເມສາ 2028, ຈີນ ຈະປະຕິບັດນະໂຍບາຍ ຍົກເວັ້ນພາສີ ດ້ວຍຮູບແບບ ສິດທິພິເສດ ດ້ານພາສີຕໍ່ 20 ປະເທດໃນ ອາຟຣິກາ ທີ່ບໍ່ແມ່ນ ປະເທດ ດ້ອຍພັດທະນາ
ຂປລ. ວິທະຍຸ ໂທລະພາບສູນກາງຈີນ (CMG): ຄະນະກຳມະການ ກົດລະບຽບພາສີ ຂອງລັດຖະບານຈີນ ໄດ້ປະກາດແຈ້ງການວ່າ: ນັບແຕ່ ວັນທີ 1 ພຶດສະພາ 2026 ຫາ ວັນທີ 30 ເມສາ 2028, ຈີນ ຈະປະຕິບັດນະໂຍບາຍ ຍົກເວັ້ນພາສີ ດ້ວຍຮູບແບບ ສິດທິພິເສດ ດ້ານພາສີຕໍ່ 20 ປະເທດໃນ ອາຟຣິກາ ທີ່ບໍ່ແມ່ນ ປະເທດ ດ້ອຍພັດທະນາ ທີ່ສ້າງຕັ້ງ ສາຍພົວພັນ ທາງການທູດກັບຈີນ.
ໃນນັ້ນ, ອັດຕາພາສີ ຂອງ ຜະລິດຕະພັນ ພາຍໃນ ໂກຕາ ຈະຖືກຫລຸດລົງ ເປັນສູນ, ສ່ວນອັດຕາພາສີ ຂອງ ຜະລິດຕະພັນ ທີ່ບໍ່ຢູ່ໃນໂກຕານັ້ນ ຈະບໍ່ປ່ຽນແປງ. ພາຍໃນເວລາ 2 ປີ ທີ່ ຈັດຕັ້ງ ປະຕິບັດນະໂຍບາຍ ດັ່ງກ່າວ, ຈີນ ຈະສືບຕໍ່ຊຸກຍູ້ ການປຶກສາຫາລື ແລະ ເຊັນສັນຍາ ການພົວພັນ ຄູ່ຮ່ວມມື ພັດທະນາ ເສດຖະກິດ ກັບ ປະເທດໃນ ອາຟຣິກາ ທີ່ກ່ຽວຂ້ອງ.
ສຳລັບ 33 ປະເທດ ດ້ອຍພັດທະນາ ໃນ ອາຟຣິກາ ທີ່ໄດ້ສ້າງຕັ້ງສາຍພົວພັນ ທາງການທູດກັບຈີນ, ຈີນ ໄດ້ປະຕິບັດ ນະໂຍບາຍ ຍົກເວັ້ນພາສີ ຕໍ່ຜະລິດຕະພັນ 100% ເລີ່ມແຕ່ ວັນທີ 1 ທັນວາ 2024 ເປັນຕົ້ນມາ./
KPL
