ຂປລ
ຢູ່ລັດ ເບັນການຕາເວັນຕົກຂອງ ອິນເດຍ ໄດ້ເກີດການແພ່ລະບາດ ຂອງເຊື້ອພະຍາດ ນີປາ (NipahVirus), ຜູ້ຕິດເຊື້ອແລ້ວ 5 ຄົນ, ສ່ວນໃຫຍ່ ຢູ່ເຂດໂກນກາຕາ, ໃນນີ້ຄົນເຈັບຜູ້ໜຶ່ງ ມີອາການໜັກ ແລະ ເກືອບ 100 ກວ່າຄົນ ຖືກກັກບໍລິເວນ.
ຂປລ.ໂທລະພາບສູນກາງ ຈີນ (CMG) ເມື່ອມໍ່ໆມານີ້: ຢູ່ລັດ ເບັນການຕາເວັນຕົກຂອງ ອິນເດຍ ໄດ້ເກີດການແພ່ລະບາດ ຂອງເຊື້ອພະຍາດ ນີປາ (NipahVirus), ຜູ້ຕິດເຊື້ອແລ້ວ 5 ຄົນ, ສ່ວນໃຫຍ່ ຢູ່ເຂດໂກນກາຕາ, ໃນນີ້ຄົນເຈັບຜູ້ໜຶ່ງ ມີອາການໜັກ ແລະ ເກືອບ 100 ກວ່າຄົນ ຖືກກັກບໍລິເວນ.
ອົງການ ອະນາໄມໂລກ ເຄີຍກຳນົດເອົາ ນີປາ ເປັນເຊື້ອພະຍາດຕິດຕໍ່ ຈາກ ສັດສູ່ຄົນ ແລະ ຈາກຄົນສູ່ຄົນ, ຊຶ່ງມີຄວາມອັນຕະລາຍ ເຖິງຂັ້ນເສຍຊີວິດໄດ້, ໂດຍມີຕົ້ນຕໍ ມາຈາກໂຕເຈຍ ກິນໝາກໄມ້ ເປັນພາຫະນຳເຊື້ອ. ເຊື້ອພະຍາດດັ່ງກ່າວ ສາມາດ ແພ່ລະບາດ ໄປສູ່ມະນຸດ ໂດຍຜ່ານ ອາຫານທີ່ຕິດເຊື້ອ ຫລື ແພ່ລະບາດ ລະຫວ່າງຄົນໄປສູ່ຄົນໂດຍກົງ, ໂດຍມີອັດຕາ ການເສຍຊີວິດ ຢູ່ລະຫວ່າງ 40%-75%.
ປັດຈຸບັນ ຍັງບໍ່ທັນມີວັກຊີນ ສະເພາະ ສຳລັບ ກັນພະຍາດ ດັ່ງກ່າວ ຫລື ວິທີປິ່ນປົວ ທີ່ມີປະສິດທິພາບເທື່ອ.
ລະຫວ່າງ ປີ 1998-1999, ເຊື້ອພະຍາດນີປາ ເຄີຍແພ່ລະບາດ ຢູ່ ມາເລເຊຍ ແລະ ສິງກະໂປ ເຮັດໃຫ້ມີຜູ້ເສຍຊີວິດ 100 ກວ່າຄົນ, ໝູລ້ຽງຫລາຍກວ່າ ລ້ານໂຕ ໄດ້ຖືກຂ້າຖິ້ມ. ຕໍ່ມາ ພະຍາດດັ່ງກ່າວ ເຄີຍແພ່ລະບາດ ຢູ່ ອິນເດຍ, ບັງກລາເທດ ແລະ ຟິລິບປິນ./
KPL
