ຂປລ
ທ່ານ ສີ ຈິ້ນຜິງ ປະທານປະເທດຈີນ ຈະເດີນທາງ ໄປນະຄອນຈອງຈູ ປະເທດ ສ ເກົາຫລີ ເພື່ອເຂົ້າຮ່ວມ ກອງປະຊຸມ ຜູ້ນຳ ເສດຖະ ກິດ ອົງການຮ່ວມມື ເສດຖະກິດ ອາຊີ ປາຊີຟິກ ຫລື ເອເປັກ ຄັ້ງທີ 32 ແລະ ຢ້ຽມຢາມ ສ ເກົາຫລີ ທາງລັດຖະກິດ, ກອງປະຊຸມ ສົນທະນາ “ການບໍລິຫານທົ່ວໂລກ ແລະ ຄວາມຈະເລີນ ຮຸ່ງເຮືອງຮ່ວມກັນ ຂອງ ອາຊີ ປາຊິຟິກ”
ຂປລ.ວິທະຍຸ-ໂທລະພາບ ສູນກາງຈີນ, ເນື່ອງໃນໂອກາດທີ່ ທ່ານ ສີ ຈິ້ນຜິງ ປະທານປະເທດຈີນ ຈະເດີນທາງ ໄປນະຄອນຈອງຈູ ປະເທດ ສ ເກົາຫລີ ເພື່ອເຂົ້າຮ່ວມ ກອງປະຊຸມ ຜູ້ນຳ ເສດຖະ ກິດ ອົງການຮ່ວມມື ເສດຖະກິດ ອາຊີ ປາຊີຟິກ ຫລື ເອເປັກ ຄັ້ງທີ 32 ແລະ ຢ້ຽມຢາມ ສ ເກົາຫລີ ທາງລັດຖະກິດ, ກອງປະຊຸມ ສົນທະນາ “ການບໍລິຫານທົ່ວໂລກ ແລະ ຄວາມຈະເລີນ ຮຸ່ງເຮືອງຮ່ວມ ກັນ ຂອງອາຊີປາຊິຟິກ” ທີ່ວິທະຍຸ-ໂທລະພາບ ສູນກາງຈີນ ຫລື CMG, ມະຫາວິທະຍາໄລຢອນເຊ ແລະ ໂທລະພາບ YTN ຂອງ ສ ເກົາຫລີ ຮ່ວມກັນ ເປັນເຈົ້າພາບ ໄດ້ຈັດຂຶ້ນຢູ່ ນະຄອນຫລວງ ປັກກິ່ງ ຂອງ ສປ ຈີນ ເມື່ອບໍ່ດົນມານີ້, ທ່ານ ເຊີ້ນໄຫສົງ ຮອງຫົວໜ້າຄະນະ ໂຄສະນາອົບຮົມ ສູນກາງພັກກອມມູນິດຈີນ, ຜູ້ອໍານວຍການໃຫຍ່ CMG ໄດ້ກ່າວຄໍາປາໄສ ຜ່ານວິດີໂອ ທາງໄກ. ໃນກອງ ປະຊຸມ ສົນທະນາ ດັ່ງກ່າວ, ໂທລະພາບສາກົນຈີນ ຫລື CGTN ທີ່ສັງກັດ CMG ໄດ້ເຜີຍແຜ່ຜົນສໍາຫລວດຄໍາຄິດເຫັນ ຂອງປະຊາຊົນທົ່ວໂລກ ພາຍໃຕ້ຫົວຂໍ້ “ຄວາມຈະເລີນຮຸ່ງເຮືອງ ຂອງອາຊີ ປາຊິ ຟິກ ກັບ ພະລັງແຮງຂອງ ສປ ຈີນ” ເຊິ່ງສະແດງໃຫ້ເຫັນວ່າ: ຜູ້ຕອບແບບສອບຖາມ 83,3% ໄດ້ຕີລາຄາຢ່າງຕັ້ງໜ້າ ຕໍ່ບົດບາດຂອງ ເອເປັກ ໃນຖານະທີ່ເປັນເວທີ ການຮ່ວມມືດ້ານເສດຖະກິດ ອັນສໍາ ຄັນ ໃນພາກພື້ນອາຊີ-ປາຊິຟິກ, ພ້ອມດຽວກັນນີ້, ຜູ້ຕອບແບບສອບຖາມ 83,4% ໄດ້ຕີລາຄາໃນລະດັບສູງ ຕໍ່ບົດບາດ ແລະ ການປະກອບສ່ວນຂອງ ສປ ຈີນ ໃນການຊຸກຍູ້ ຂະບວນການ ພັດທະນາ ແບບຍືນຍົງຂອງ ເອເປັກ. ໃນວັນດຽວກັນ, ຍັງມີການເປີດ ກິດຈະກໍາ ລະດົມຄວາມຄິດ ໃນທົ່ວໂລກ ພາຍໃຕ້ຫົວຂໍ້ “ການເຄື່ອນໄຫວ ຊາວໜຸ່ມເອເປັກ”./.
(ບັນນາທິການຂ່າວ: ຕ່າງປະເທດ) ຮຽບຮຽງ ຂ່າວໂດຍ: ສະໄຫວ ລາດປາກດີ
KPL
