ຂປລ
ສາຍການບິນຫວຽດເຈັດ (Vietjet) ໄດ້ເປີດ 2 ເສັ້ນທາງບິນກົງໃໝ່ເຊື່ອມຕໍ່ຮ່າໂນ້ຍ ແລະ ນະຄອນໂຮ່ຈີ່ມິງ ກັບເກາະໂກນດ່າວ ເກາະທີ່ມີທຳມະຊາດສວຍງາມຂອງປະເທດຫວຽດນາມ, ການເປີດເສັ້ນທາງໃໝ່ນີ້ຈະຊ່ວຍປັບປຸງການເຊື່ອມຕໍ່ພາຍໃນຂອງສາຍການບິນ ແລະ ສະໜອງຄວາມສະດວກໃຫ້ນັກທ່ອງທ່ຽວເຂົ້າເຖິງສະຖານທີ່ສຳຄັນດ້ານປະຫວັດສາດ ແລະ ຈຸດໝາຍປາຍທາງອັນສັກສິດຂອງຫວຽດນາມ.
ຂປລ. ສາຍການບິນຫວຽດເຈັດ (Vietjet) ໄດ້ເປີດ 2 ເສັ້ນທາງບິນກົງໃໝ່ເຊື່ອມຕໍ່ຮ່າໂນ້ຍ ແລະ ນະຄອນໂຮ່ຈີ່ມິງ ກັບເກາະໂກນດ່າວ ເກາະທີ່ມີທຳມະຊາດສວຍງາມຂອງປະເທດຫວຽດນາມ, ການເປີດເສັ້ນທາງໃໝ່ນີ້ຈະຊ່ວຍປັບປຸງການເຊື່ອມຕໍ່ພາຍໃນຂອງສາຍການບິນ ແລະ ສະໜອງຄວາມສະດວກໃຫ້ນັກທ່ອງທ່ຽວເຂົ້າເຖິງສະຖານທີ່ສຳຄັນດ້ານປະຫວັດສາດ ແລະ ຈຸດໝາຍປາຍທາງອັນສັກສິດຂອງຫວຽດນາມ.
ເສັ້ນທາງບິນນີ້ຈະດໍາເນີນຖ້ຽວບິນໄປ-ກັບທັງໝົດ 28 ຖ້ຽວຕໍ່ອາທິດ. Vietjet ດຳເນີນຖ້ຽວບິນປະຈຳວັນ 2 ຖ້ຽວຈາກຮ່າໂນຍ ໄປຮອດ ໂກນດ່າວ ໃນຕອນເຊົ້າໃຊ້ເວລາບິນແມ່ນ 2 ຊົ່ວໂມງ 10 ນາທີ. ຖ້ຽວບິນຈາກນະຄອນໂຮ່ຈິີ່ມິງໄປໂກນດ່າວ ແມ່ນຈະອອກສອງເທື່ອທຸກເຊົ້າ ໂດຍໃຊ້ເວລາບິນ 40 ນາທີ ເຊິ່ງຈະເຮັດໃຫ້ນັກທ່ອງທ່ຽວໄດ້ຮັບຄວາມສະດວກສະບາຍທີ່ສຸດ. ເກາະໂກນດ່າວ ຕັ້ງຢູ່ນອກຝັ່ງທະເລພາກໃຕ້ຂອງຫວຽດນາມ ເປັນເກາະທີ່ມີຊື່ສຽງໂດ່ງດັງຍ້ອນຄວາມສວຍສົດງົດງາມທາງທຳມະຊາດ ແລະ ຄວາມໝາຍປະຫວັດສາດອັນເລິກເຊິ່ງຂອງຊາວຫວຽດນາມ. ນອກຈາກນັ້ນຍັງເປັນສະຖານທີ່ພັກຜ່ອນ ແລະ ທ່ອງທ່ຽວ. ເກາະທີ່ສວຍງາມແຫ່ງນີ້ ໃນປັດຈຸບັນສາມາດເຂົ້າເຖິງໄດ້ງ່າຍກວ່າເກົ່າໂດຍຜ່ານເຄືອຂ່າຍການບິນທີ່ປັບປຸງໃໝ່ຂອງ Vietjet.
ປັດຈຸບັນ Vietjet ໄດ້ດຳເນີນການບິນໂດຍກົງຈາກນະຄອນຫລວງວຽງຈັນໄປທັງນະຄອນໂຮ່ຈີ່ມິງ ແລະ ຮ່າໂນ້ຍ ເຊິ່ງເຮັດໃຫ້ນັກທ່ອງທ່ຽວສາມາດເດີນທາງເຊື່ອມຕໍ່ໄປທ່ອງທ່ຽວທີ່ເກາະໂກນດ່າວ ຢ່າງສະດວກສະບາຍ ແລະ ຍັງມີຈຸດໝາຍປາຍທາງອື່ນໆທົ່ວປະເທດຫວຽດນາມຂອງສາຍການບິນ VietJet. ສາຍການບິນພ້ອມທີ່ຈະຕ້ອນຮັບຜູ້ໂດຍສານມາສຳພັດກັບມົນສະເໜ່ ແລະ ຄວາມສວຍງາມຂອງເກາະໂກນດ່າວໃນລະດູຮ້ອນນີ້. ໃນຕອນນີ້ນັກທ່ອງທ່ຽວທຸກທ່ານສາມາດຈອງປີ້ໄດ້ທີ່ www.vietjetair.com ແລະ ແອັບພລິເຄຊັນມືຖື Vietjet Air.
KPL
