ທ່ານ ນາງ ສ້ອຍສຸດາ ອິນເມືອງໄຊ ເຈົ້າຂອງຕະຫລາດຊາຍຟອງ 999 ໄດ້ໃຫ້ ສໍາພາດໃນວັນທີ 26 ສິງຫາ 2026 ນີ້ວ່າ: ຕະຫລາດຊາຍຟອງ 999 ເປັນຕະຫລາດ ສົດສ້າງຂຶ້ນເພື່ອສົ່ງເສີມຊາວຄ້າຂາຍ, ສ້າງໂອກາດໃນການປະກອບອາ ຊີບ ແລະ ປະກອບສ່ວນພັດທະນາເມືອງຫາດຊາຍ ຟອງ ໃຫ້ມີຄວາມຈະເລີນເຕີບໂຕ ແລະ ມີການພັດທະນາຢ່າງຍືນຍົງຕິດພັນກັບ ແຜນພັດທະນາເສດຖະກິດ-ສັງຄົມຂອງ ເມືອງຫາດຊາຍຟອງ ໃນການສົ່ງເສີມການ ຜະລິດ ແລະ ຈໍາໜ່າຍຜະລິດຕະພັນ ໂດຍ ໄດ້ເລີ່ມເປີດໃຫ້ແມ່ຄ້າ-ຊາວຂາຍນຳເອົາ ສິນຄ້າມາວາງຈຳໜ່າຍຟຣີໃນເບື້ອງຕົ້ນແຕ່ ວັນທີ 19 ກໍລະກົດ ເປັນຕົ້ນມາ ຊຶ່ງເຫັນ ວ່າມີຄວາມຄຶກຄື້ນ ແລະ ມີຜົນຕອບຮັບໄດ້ ດີຫລາຍ ແລະ ໃນວັນທີ 9 ກັນຍາ 2026 ນີ້ ຈະເປີດໃຫ້ບໍລິການຢ່າງເປັນທາງການ. ຕະຫລາດຊາຍຟອງ 999 ເປັນຕະ ຫລາດສົດ, ມີເນື້ອທີ່ກວ້າງຂວາງ, ມີສິ່ງ ອຳນວຍຄວາມສະດວກຕ່າງໆ, ມີສະຖານ ທີ່ຈອດລົດທີ່ກວ້າງຂວາງ, ສາມາດຮອງ ຮັບຊາວຄ້າ-ຂາຍ ໄດ້ຈຳນວນຫລາຍ, ປັດຈຸບັນມີແມ່ຄ້າ-ຊາວຂາຍ ນຳເອົາສິນ ຄ້າຫລາກຫລາຍປະເພດເຂົ້າມາວາງຂາຍ ຢ່າງຄຶກຄື້ນ ໂດຍໄດ້ຈັດແບ່ງຈຸດຂາຍສິນ ຄ້າແຕ່ລະປະເພດຢ່າງເປັນລະບົບ ເພື່ອ ຄວາມເປັນລະບຽບຮຽບຮ້ອຍເປັນຕົ້ນຈຸດ ເຄື່ອງແຫ້ງ, ອາຫານທະເລ, ຊິ້ນ, ປາ ແລະ ອື່ນໆ. ນອກນັ້ນ ຍັງມີຈຸດຂາຍອາຫານ ແລະ ເຄື່ອງດື່ມໄວ້ບໍລິການແກ່ລູກຄ້າ ໂດຍ ເປີດໃຫ້ບໍລິການແຕ່ວັນຈັນ-ວັນອາທິດ ເລີ່ມ ເວລາ 04:00-21:00 ໂມງ. ພ້ອມນີ້, ພາຍ ໃນຕະຫລາດຍັງມີຈຸດໃຫ້ບໍລິການສາກລົດ ໄຟຟ້າ ຕື່ມອີກ. ຢ່າງໃດກໍຕາມ ຕະຫລາດແຫ່ງນີ້, ນອກ ຈາກສົ່ງເສີມຊາວຄ້າ-ຂາຍ ແລະ ສ້າງອາ ຊີບໃຫ້ແກ່ປະຊາຊົນພາຍໃນເມືອງຫາດ ຊາຍຟອງແລ້ວ, ຍັງເປັນການປະກອບ ສ່ວນແກ້ໄຂຈັດສັນການຂາຍເຄື່ອງຂອງ ພໍ່ຄ້າ, ແມ່ຄ້າແບບຊະຊາຍໃຫ້ເປັນລະບຽບ ຮຽບຮ້ອຍ, ຫລຸດຜ່ອນການຈອດລົດແບບ ຊະຊາຍຕາມແຄມທາງ, ທັງເປັນການຍົກ ລະດັບການພັດທະນາເມືອງຫາດຊາຍ ຟອງ ກໍຄື ນະຄອນຫລວງວຽງຈັນ ໃຫ້ສວຍ ສົດງົດງາມ, ສ້າງແຮງດຶງດູດໃຫ້ແຂກ ທັງພາຍໃນ ແລະ ຕ່າງປະເທດ ມາທ່ຽວຊົມ ເບິ່ງວິຖີຊີວິດການເປັນຢູ່ຂອງຄົນລາວໃຫ້ ນັບມື້ນັບຫລາຍຂຶ້ນ. ນອກນັ້ນ, ພາຍໃນ ຕະຫລາດຍັງສ້າງຕັ້ງຫ້ອງການສະພາ ການຄ້າ ແລະ ອຸດສາຫະກຳເມືອງຫາດ ຊາຍຟອງຂຶ້ນຕື່ມ ເພື່ອເຕົ້າໂຮມຜູ້ປະກອບ ການທຸລະກິດໃຫ້ພາຍໃນເມືອງໃຫ້ມີຄວາມ ເຂັ້ມແຂງ ແລະ ຍືນຍົງຕື່ມອີກ. ທ່ານ ນາງ ສ້ອຍສຸດາ ອິນເມືອງໄຊ ຍັງໄດ້ຍົກໃຫ້ເຫັນທີ່ມາຂອງການຕັ້ງຊື່ຕະ ຫລາດດັ່ງກ່າວ ຊຶ່ງການຕັ້ງຊື່ ຕະຫລາດ ຊາຍຟອງ 999 ເພື່ອເຊື່ອມໂຍງສາມຝ່າຍ ຄື: 9 ທີໜຶ່ງ ເຊື່ອມໂຍງການທ່ອງທ່ຽວ, 9 ທີ ສອງ ເຊື່ອມໂຍງຍຸກດີຈິຕອນ ແລະ 9 ທີສາມ ເຊື່ອມໂຍງຄວາມເຊື່ອເປັນສິລິມຸງຄຸນຄໍ້າຄູນ. ຂ່າວ-ພາບ: ທະນູທອງ

KPL