ຂປລ
ຄະນະປ້ອງກັນພາຍໃນ ຫ້ອງການວ່າການສຳນັກງານນາ ຍົກລັດຖະມົນຕີ (ຫສນຍ) ຮ່ວມກັບກົມຕໍາຫລວດສະກັດກັ້ນ ແລະ ຕ້ານອັກຄີໄພກະຊວງປ້ອງກັນ ຄວາມສະຫງົບ ຈັດຝຶກອົບຮົມວຽກງານການສະກັດກັ້ນ ແລະ ຕ້ານ ອັກຄີໄພໃຫ້ແກ່ພະນັກງານ ຫສນຍ ໃນວັນທີ 27 ສິງຫາ 2026
ໂດຍການເປັນປະທານຂອງທ່ານ ຄຳຜາ
ພິມມະສອນ ຮອງລັດຖະມົນຕີ, ຮອງຫົວ
ໜ້າ ຫສນຍ, ມີວິທະຍາກອນຈາກກົມຕໍາ
ຫລວດສະກັດກັ້ນ ແລະ ຕ້ານອັກຄີໄພ
ກະຊວງປ້ອງກັນຄວາມສະຫງົບ ພ້ອມ
ດ້ວຍບັນດາຫົວໜ້າກົມ-ຮອງຫົວໜ້າກົມ
ແລະ ພະນັກງານ-ລັດຖະກອນພາຍໃນ
ຫສນຍ ເຂົ້າຮ່ວມ.
ຈຸດປະສົງການຝຶກອົບຮົມ ເພື່ອໃຫ້ພະ
ນັກງານ-ລັດຖະກອນພາຍໃນ ຫສນຍ
ໄດ້ຮັບຮູ້ ແລະ ເຂົ້າໃຈກ່ຽວກັບຄວາມຮູ້
ພື້ນຖານທາງດ້ານທິດສະດີ ແລະ ພຶດຕິ
ກໍາຕົວຈິງໃນການສະກັດກັ້ນ ແລະ ຕ້ານ
ອັກຄີໄພເປັນຕົ້ນວິທີປ້ອງກັນຄວາມສ່ຽງ
ຕ່າງໆ, ການແຈ້ງເຕືອນ, ເຕັກນິກການ
ມອດໄຟທີ່ຖືກວິທີ, ການນຳໃຊ້ເຄື່ອງມື-
ອຸປະກອນແຕ່ລະຊະນິດເຂົ້າໃນການ
ມອດໄຟ, ການບຳລຸງຮັກສາອຸປະກອນ
ມອດໄຟ, ການປະສານງານມອດໄຟ,
ການປະເມີນສະຖານະການກ່ອນເຂົ້າຄວບ
ຄຸມເຫດ, ການຊ່ວຍຕົນເອງ ແລະ ຄົນ
ອື່ນອົບພະຍົບອອກຈາກພື້ນທີ່ທີ່ເຫັນວ່າ
ເຫດການຢູ່ເໜືອຄວາມສາມາດຄວບ
ຄຸມ ແລະ ອື່ນໆ. ທັງນີ້, ກໍເພື່ອແນໃສ່ເຮັດ
ໃຫ້ພະນັກງານ-ລັດຖະກອນກວມອັດຕາ
ສ່ວນຫລາຍສາມາດແກ້ໄຂກໍລະນີສຸກ
ເສີນກ່ຽວກັບບັນຫາອັກຄີໄພໄດ້ຢ່າງທັນການ, ມີປະສິດທິພາບ ແລະ ປະສິດທິຜົນ
ສູງ. ນອກນັ້ນ, ກໍເພື່ອໄດ້ຮັບຮູ້ພັນທະໜ້າທີ່
ຂອງພົນລະເມືອງລາວທຸກຄົນຕໍ່ການສະ
ກັດກັ້ນ ແລະ ຕ້ານອັກຄີໄພ ກໍຄື ກົດໝາຍ
ແລະ ລະບຽບການທີ່ກ່ຽວຂ້ອງ.
ໃນໂອກາດດັ່ງກ່າວ, ທ່ານປະທານ
ກອງປະຊຸມໄດ້ຍົກໃຫ້ເຫັນບົດບາດ
ແລະ ຄວາມສໍາຄັນຂອງວຽກງານສະ
ກັດກັ້ນ ແລະ ຕ້ານອັກຄີໄພ, ພ້ອມທັງ
ເນັ້ນໃຫ້ຜູ້ເຂົ້າຮ່ວມຈົ່ງເພີ່ມທະວີຄວາມ
ຮັບຜິດຊອບ ແລະ ເປັນເຈົ້າການຮຽນຮູ້
ເອົາເຕັກນິກດ້ານຕ່າງໆໃຫ້ສາມາດນໍາ
ໄປປະຕິບັດຕົວຈິງໄດ້ຢ່າງມີປະສິດທິຜົນ
ສູງ. ຄຽງຄູ່ກັນນັ້ນ, ຫສນຍ ຕ້ອງໄດ້
ກວດກາຄືນບັນດາອຸປະກອນດັບເພີງທີ່ມີ
ຢູ່ໃນປັດຈຸບັນໃຫ້ສາມາດນໍາໃຊ້ໄດ້ເປັນ
ປົກກະຕິ, ຫາກອັນໃດບໍ່ມີ ຫລື ບໍ່ຮັບປະກັນ
ຕ້ອງຂຶ້ນແຜນຈັດຊື້ປ່ຽນຖ່າຍໄວ ເພື່ອ
ຮັບປະກັນໃນການປ້ອງກັນເຫດຮ້າຍແຮງ,
ປົກປັກຮັກສາຊີວິດ ແລະ ຊັບສິນໃຫ້ມີ
ຄວາມປອດໄພ.
ພາຍຫລັງສຳເລັດການຝຶກອົບຮົມທາງ
ດ້ານທິດສະດີແລ້ວ, ຄະນະຮັບຜິດຊອບ
ແລະ ວິທະຍາກອນໄດ້ສາທິດ ແລະ ໃຫ້ຜູ້
ເຂົ້າຮ່ວມປະຕິບັດການມອດໄຟຕົວຈິງຢູ່
ສະຖານທີ່ກຳນົດໄວ້ຕື່ມອີກ.
ຂ່າວ-ພາບ: ກົມປະຊາສຳພັນ, ຫສນຍ.
KPL
