ຂປລ
ທ່ານ ຫລີມິງ, ໂຄສົກ ອົງການ ການພັດທະນາ ແລະ ຮ່ວມມື ສາກົນ ແຫ່ງຊາດຈີນ ກ່າວວ່າ: ມຽນມາ ໄດ້ເກີດແຜ່ນດິນໄຫວ ຢ່າງໜັກໜ່ວງ ເຊິ່ງໄດ້ເຮັດໃຫ້ມີຜູ້ເສຍຊີວິດ ແລະ ບາດເຈັບ ກໍຄື ການເສຍຫາຍ ທາງຊັບສິນ ເປັນຈຳນວນ ຫລວງຫລາຍ.
ຂປລ.ວິທະຍຸ ສາກົນແຫ່ງ ສປ ຈີນ, ທ່ານ ຫລີມິງ, ໂຄສົກ ອົງການ ການພັດທະນາ ແລະ ຮ່ວມມື ສາກົນ ແຫ່ງຊາດຈີນ ກ່າວວ່າ: ມຽນມາ ໄດ້ເກີດແຜ່ນດິນໄຫວ ຢ່າງໜັກໜ່ວງ ເຊິ່ງໄດ້ເຮັດໃຫ້ມີຜູ້ເສຍຊີວິດ ແລະ ບາດເຈັບ ກໍຄື ການເສຍຫາຍ ທາງຊັບສິນ ເປັນຈຳນວນ ຫລວງຫລາຍ. ໂດຍຕອບສະໜອງ ຕາມຄຳຮ້ອງຂໍ ຂອງລັດຖະບານມຽນມາ, ລັດຖະບານຈີນ ໄດ້ຕົກລົງ ໃຫ້ການຊ່ວຍເຫລືອ ທາງມະນຸດສະທຳ ຈຳນວນ 100 ລ້ານຢວນ ເພື່ອໃຊ້ໃນການກູ້ໄພ ແຜ່ນດິນໄຫວ ດັ່ງກ່າວ, ນອກນີ້ ສປ ຈີນ ຍັງໄດ້ແຕ່ງຕັ້ງ ໜ່ວຍງານກູ້ໄພ 2 ໜ່ວຍງານ ໄປເຂດປະສົບໄພ ແລະ ສະໜອງ ຜ້າເຕັນ, ຜ້າຫົ່ມ, ຖົງຢາປະຖົມພະຍາບານ, ອາຫານ, ນ້ຳດື່ມ ແລະ ວັດຖຸອື່ນໆ ທີ່ຕ້ອງການສຸກເສີນ ໃຫ້ແກ່ເຂດປະສົບໄພ. ເຄື່ອງຊ່ວຍເຫລືອ ງວດທຳອິດ ຈາກລັດຖະບານຈີນ ເລີ່ມຂົນສົ່ງໃນວັນທີ 31 ມີນານີ້ ຕາມແຜນການ. ສປ ຈີນ ຍັງຈະສືບຕໍ່ ໃຫ້ການຊ່ວຍເຫລືອ ຕາມຄວາມຕ້ອງການ ຂອງມຽນມາ./.
(ບັນນາທິການຂ່າວ: ຕ່າງປະເທດ), ຮຽບຮຽງ ຂ່າວໂດຍ: ສະໄຫວ ລາດປາກດີ
KPL
