ຂປລ
ເຄື່ອງຊ່ວຍເຫລືອ ສຸກເສີນ ດ້ານມະນຸດສະທຳ ທີ່ ສປ ຈີນ ຊ່ວຍເຫລືອ ມຽນມາ ງວດທຳອິດ ໄດ້ຂົນສົ່ງໄປຮອດ ສະໜາມບິນສາກົນ ຢາງກຸງແລ້ວ. ໂດຍມີ ທ່ານ ມາເຈ່ຍ, ເອກອັກ ຄະລັດຖະທູດຈີນ ປະຈຳ ມຽນມາ, ທ່ານ ອູໂຊເທັນ, ເຈົ້າແຂວງ ແຂວງຢາງກຸງ ຂອງມຽນມາ ໄດ້ໄປຮັບເຄື່ອງ ຢູ່ສະໜາມບິນ.
ຂປລ.ວິທະຍຸ ສາກົນ ແຫ່ງ ສປ ຈີນ, ວັນທີ 31 ມີນາ ຜ່ານມາ ເຄື່ອງຊ່ວຍເຫລືອ ສຸກເສີນ ດ້ານມະນຸດສະທຳ ທີ່ ສປ ຈີນ ຊ່ວຍເຫລືອ ມຽນມາ ງວດທຳອິດ ໄດ້ຂົນສົ່ງໄປຮອດ ສະໜາມບິນສາກົນ ຢາງກຸງແລ້ວ. ໂດຍມີ ທ່ານ ມາເຈ່ຍ, ເອກອັກ ຄະລັດຖະທູດຈີນ ປະຈຳ ມຽນມາ, ທ່ານ ອູໂຊເທັນ, ເຈົ້າແຂວງ ແຂວງຢາງກຸງ ຂອງມຽນມາ ໄດ້ໄປຮັບເຄື່ອງ ຢູ່ສະໜາມບິນ. ເຄື່ອງຊ່ວຍເຫລືອ ງວດທຳອິດ ລວມມີ: ເຕັ້ນ 1.200 ດາງ, ຜ້າຫົ່ມ 8000 ຜືນ ແລະ ຖົງຢາສຸກເສີນ 40.000 ກວ່າຖົງ. ເຄື່ອງຊ່ວຍເຫລືອອື່ນໆ ກໍ່ກຳລັງ ຂ້ຽວກະກຽມຢູ່ ແລະ ຈະຂົນສົ່ງ ໄປຮອດ ມຽນມາ ໃນໄວໆນີ້.ໃນໂອກາດນີ້ ທ່ານ ອູໂຊເທັນ ກ່າວວ່າ: ມຽນມາ ສະແດງ ຄວາມຂອບອົກ ຂອບໃຈ ຕໍ່ການຊ່ວຍເຫລືອ ທີ່ຈິງໃຈ ຂອງຝ່າຍ ສປ ຈີນ ແລະ ຈະຈົດຈຳ ການຊ່ວຍເຫລືອ ຄັ້ງນີ້ ໄວ້ຕະຫລອດໄປ. ມຽນມາ ຈະຂົນສົ່ງ ເຄື່ອງຊ່ວຍເຫລືອ ໄປເຂດ ປະສົບ ໄພພິບັດ ໂດຍໄວ./.
(ບັນນາທິການຂ່າວ: ຕ່າງປະເທດ), ຮຽບຮຽງ ຂ່າວໂດຍ: ສະໄຫວ ລາດປາກດີ
KPL
