ຂປລ
ໄຟໄໝ້ ຂະໜາດໃຫຍ່ ທີ່ເກີດຈາກ ທໍ່ສົ່ງອາຍແກັສຮົ່ວ ດຳເນີນການໂດຍ ປີໂຕຣນາສ ບໍລິສັດ ພະລັງງານ ຂອງມາເລເຊຍ ເລີ່ມຄວບຄຸມໄດ້ແລ້ວ ໃນວັນທີ1ເມສານີ້, ໃນຂະນະທີ່ ມີຜູ້ໄດ້ຮັບບາດເຈັບແລ້ວ ຢ່າງໜ້ອຍ 112ຄົນ ແລະ ເຮືອນປະຊາຊົນ ໄດ້ຮັບຄວາມ ເສຍຫາຍ 49ຫລັງ.
ຂປລ.ສຳນັກຂ່າວ ເບີນາມາ ລາຍງານວ່າ: ໄຟໄໝ້ ຂະໜາດໃຫຍ່ ທີ່ເກີດຈາກ ທໍ່ສົ່ງອາຍແກັສຮົ່ວ ດຳເນີນການໂດຍ ປີໂຕຣນາສ ບໍລິສັດ ພະລັງງານ ຂອງມາເລເຊຍ ເລີ່ມຄວບຄຸມໄດ້ແລ້ວ ໃນວັນທີ1ເມສານີ້, ໃນຂະນະທີ່ ມີຜູ້ໄດ້ຮັບບາດເຈັບແລ້ວ ຢ່າງໜ້ອຍ 112ຄົນ ແລະ ເຮືອນປະຊາຊົນ ໄດ້ຮັບຄວາມ ເສຍຫາຍ 49ຫລັງ.ສຳລັບ ຜູ້ໄດ້ຮັບບາດເຈັບນັ້ນ ເປັນປະຊາຊົນ ທີ່ອາໄສຢູ່ໃນເຂດ ທາມັນ ຮາໂມນີ ແລະ ກຳປົງ ກົວລາ ກົວລາ ສຸໄຫ ບາຮາຣູ ຜູ້ທີ່ໄດ້ຮັບບາດເຈັບ ຖືກນຳສົ່ງ ໄປໂຮງໝໍແລ້ວ ສ່ວນໃຫຍ່ ບາດເຈັບຈາກ ແຜໄຟໄໝ້,ບັນຫາ ກ່ຽວກັບ ລະບົບ ທາງເດີນຫາຍໃຈ ແລະ ອາການເຈັບອື່ນໆ.ປັດຈຸບັນ ພາກລັດຖະບານ ແລະ ໜ່ວຍງານທີ່ກ່ຽວຂ້ອງ ພວມໃຫ້ການຊ່ວຍເຫລືອ ທີ່ເໝາະສົມໃຫ້ກັບ ຜູ້ທີ່ໄດ້ຮັບ ຜົນກະທົບ ຈາກເຫດໄຟໄໝ້ ໃນຄັ້ງນີ້./.
(ບັນນາທິການຂ່າວ: ຕ່າງປະເທດ), ຮຽບຮຽງ ຂ່າວໂດຍ: ສະໄຫວ ລາດປາກດີ
KPL
