ຂປລ
ກະຊວງ ພະລັງງານ ຟີລິບປິນ ພວມສະເໜີແຜນ ຂໍ້ລິເລີ່ມ ດ້ານລະບຽບການ ແລະ ຮັບຟັງ ຄວາມຄິດເຫັນ ຂອງປະຊາຊົນ ເພື່ອສ້າງເຄືອຂ່າຍ ສາກໄຟຟ້າ ທີ່ປອດໄພ ມີປະສິດທິຜົນ ແລະ ຍືນຍົງ
ຂປລ.ຕາມຂ່າວຈາກ ຊິນຮວາ,ວັນທີ 1 ເມສານີ້, ກະຊວງ ພະລັງງານ ຟີລິບປິນ ພວມສະເໜີແຜນ ຂໍ້ລິເລີ່ມ ດ້ານລະບຽບການ ແລະ ຮັບຟັງ ຄວາມຄິດເຫັນ ຂອງປະຊາຊົນ ເພື່ອສ້າງເຄືອຂ່າຍ ສາກໄຟຟ້າ ທີ່ປອດໄພ ມີປະສິດທິຜົນ ແລະ ຍືນຍົງ. ໃນນັ້ນ ມີການຈັດພິມ ບົດແນະນຳ ຂອງຜູ້ໃຫ້ບໍລິການ ສະຖານີ ສາກລົດໄຟຟ້າ ໃນເດືອນເມສາ ແລະ ຈັດການຮັບຟັງ ຄວາມຄິດເຫັນ ໃນໄຕມາດທີ 2ຂອງປີນີ້ ລະຫວ່າງ ເດືອນເມສາ ຫາເດືອນ ມິຖຸນາ.ທ່ານ ແພທຣິກ ອາກີໂນ(Patrick Aquino), ຜູ້ອໍານວຍການ ສຳນັກງານ ການຈັດການ ການໃຊ້ປະໂຫຍດ ຈາກພະລັງງານ ກ່າວວ່າ:ຟີລິບປິນ ຕັ້ງເປົ້າໝາຍ ທີ່ຈະມີສະຖານີສາກໄຟຟ້າ ຫລາຍກວ່າ 7,000ແຫ່ງ ພາຍໃນປີ 2028, ແລະ ຈະເຊື່ອມໂຍງ ການພັດທະນາ ພື້ນຖານໂຄງລ່າງ ດ້ວຍການມີ ສ່ວນຮ່ວມ ຂອງປະຊາຊົນ ເພື່ອເພີ່ມ ການນຳໃຊ້ພາຫະນະໄຟຟ້າ ແລະ ສ້າງຂະແໜງ ຄົມມະນາຄົມ ທີ່ສະອາດ ແລະ ຍືນຍົງ ຫລາຍຂຶ້ນ./.
(ບັນນາທິການຂ່າວ: ຕ່າງປະເທດ), ຮຽບຮຽງ ຂ່າວໂດຍ: ສະໄຫວ ລາດປາກດີ
KPL
