ຂປລ
ຂປລ. ກອງທັບປະຊາຊົນລາວ ແມ່ນພັກປະຊາຊົນປະຕິວັດລາວ ເປັນຜູ້ກໍ່ຕັ້ງ, ສຶກສາອົບຮົມ ແລະ ກໍ່ສ້າງ-ປັບປຸງໃຫ້ເຕີບໃຫຍ່ເຂັ້ມແຂງທັງດ້ານຈໍານວນ ແລະ ຄຸນນະພາບ, ເວລາໃດພັກກໍ ໃຫ້ຄວາມສໍາຄັນ, ເອົາໃຈໃສ່ໃນການນໍາພາເດັດຂາດ ໂດຍກົງຮອບດ້ານຕໍ່ກອງທັບ, ສ້າງກອງທັບເປັນກອງທັບປະຕິວັດ ທີ່ໄວ້ໃຈໄດ້ຂອງພັກ
ຂປລ. ກອງທັບປະຊາຊົນລາວ ແມ່ນພັກປະຊາຊົນປະຕິວັດລາວ ເປັນຜູ້ກໍ່ຕັ້ງ, ສຶກສາອົບຮົມ ແລະ ກໍ່ສ້າງ-ປັບປຸງໃຫ້ເຕີບໃຫຍ່ເຂັ້ມແຂງທັງດ້ານຈໍານວນ ແລະ ຄຸນນະພາບ, ເວລາໃດພັກກໍ ໃຫ້ຄວາມສໍາຄັນ, ເອົາໃຈໃສ່ໃນການນໍາພາເດັດຂາດ ໂດຍກົງຮອບດ້ານຕໍ່ກອງທັບ, ສ້າງກອງທັບເປັນກອງທັບປະຕິວັດ ທີ່ໄວ້ໃຈໄດ້ຂອງພັກ, ເປັນທີ່ເພິ່ງອັນໜັກແໜ້ນຂອງປະຊາຊົນ, ເປັນກໍາແພງເພັດທີ່ແຂງແກ່ນ ປົກປັກຮັກສາປະເທດຊາດ ໄວ້ໃຫ້ໝັ້ນຄົງ.
ສະຫາຍ ພົນຕີ ວົງສອນ ອິນປານພິມ ຮອງລັດຖະມົນຕີ ກະຊວງປ້ອງກັນປະເທດ, ຫົວໜ້າກົມໃຫຍ່ການເມືອງກອງທັບ ໃຫ້ສຳພາດໃນວັນທີ 12 ມີນາ 2025 ໃນໂອກາດກຽມ ສະເຫລີມສະຫລອງວັນສ້າງຕັ້ງ ພັກປະຊາຊົນປະຕິວັດລາວ ຄົບຮອບ 70 ໂດຍສະຫາຍ ໄດ້ຍົກໃຫ້ເຫັນມູນເຊື້ອແຫ່ງການນຳພາ-ຊີ້ນຳ ແລະ ເຕີບໃຫຍ່ຂະຫຍາຍຕົວຂອງ ພັກປະຊາຊົນ ປະຕິວັດລາວ ຕະຫລອດໄລຍະ 70 ປີ ຜ່ານມາ ເຊິ່ງເວລາໃດພັກກໍເຊີດຊູບົດບາດ, ຄວາມສາມາດນໍາພາຂອງຕົນ ແລະ ມີໄຫວພິບ, ສະຫລາດສ່ອງໃສ, ສາມາດນໍາພາປະເທດຊາດ ຜ່ານວິກິດ ແລະ ຄວາມຫຍຸ້ງຍາກນາໆປະການ ບໍ່ວ່າໃນໄລຍະຕໍ່ສູ້ປົດປ່ອຍຊາດ ກໍຄື ໄລຍະປົກປັກຮັກສາ ແລະ ສ້າງສາພັດທະນາປະເທດຊາດໃນປັດຈຸບັນ. ເຖິງວ່າສະພາບ ການຈະດຸເດືອດຂ້ຽວຂາດ, ຫຍຸ້ງຍາກສັບສົນ, ລະອິດລະອ້ຽວປານໃດກໍຕາມ ແຕ່ພັກເຮົາກໍສາ ມາດນໍາພາປະເທດຊາດ ຜ່ານໄປໄດ້ຢ່າງມີໄຊ.
ສະຫາຍ ພົນຕີ ວົງສອນ ອິນປານພິມ ຍັງໃຫ້ຮູ້ອີກວ່າ: ຕະຫລອດໄລຍະ 76 ປີ ແຫ່ງການສ້າງຕັ້ງ ແລະ ເຕີບໃຫຍ່ຂະຫຍາຍຕົວຂອງກອງທັບປະຊາຊົນລາວ ພາຍໃຕ້ຮົ່ມທຸງສີແດງຂອງພັກ ແລະ ການນໍາພາປີຊາສາມາດ, ສະຫລາດສ່ອງໃສຂອງພັກ, ກອງທັບ ກໍເຮັດລ້ອນໜ້າທີ່ອັນໜັກໜ່ວງ ແລະ ມີກຽດສະຫງ່າຂອງຕົນ ທີ່ພັກ ແລະ ປະຊາຊົນມອບໝາຍໃຫ້ນັ້ນກໍຄື: ເປັນກໍາລັງຫລັກແຫລ່ງແກ່ນ ສານ ໃນວຽກງານປ້ອງກັນຊາດ-ປ້ອງກັນຄວາມສະຫງົບ ທົ່ວປວງຊົນລາວຮອບດ້ານ, ສາມາດຕີເອົາຊະນະສັດຕູທຸກໂຕ ໃນທຸກໄລຍະຂອງການປະຕິວັດ; ສ້າງເງື່ອນໄຂເອື້ອອໍານວຍໃຫ້ແກ່ການສ້າງສາພັດທະ ນາປະເທດຊາດ ໃຫ້ຈະເລີນກ້າວໜ້າ, ພ້ອມທັງໄດ້ປະກອບສ່ວນຕົວຈິງ ເຂົ້າໃນການພັດທະນາຊົນນະ ບົດ ແກ້ໄຂຄວາມທຸກຍາກ ຂອງປະຊາຊົນ.
ກະຊວງປ້ອງກັນປະເທດ ເປັນສູນກາງນໍາພາ-ບັນຊາກໍາລັງປະກອບອາວຸດ ກໍຄື ກໍາລັງໃນກອງທັບ, ໃນຊຸມປີຜ່ານມາ ຄະນະພັກກະຊວງປ້ອງກັນປະເທດ ກໍໄດ້ສຸມໃສ່ນໍາພາ-ບັນຊາ ບັນດາກົມກອງ ກໍາລັງຫລວງ-ກໍາລັງທ້ອງຖິ່ນໃນທົ່ວປະເທດ ຈັດຕັ້ງຜັນຂະຫຍາຍມະຕິ ກອງປະຊຸມໃຫຍ່ຕ່າງໆຂອງສູນກາງພັກ, ເວົ້າສະເພາະ ແມ່ນມະຕິກອງປະຊຸມໃຫຍ່ ຄັ້ງທີ XI ຂອງພັກ, ມະຕິກອງປະຊຸມໃຫຍ່ ຄັ້ງທີ V ຂອງອົງຄະນະພັັກກະຊວງປ້ອງກັນປະເທດ ມີຜົນສໍາເລັດພົ້ນເດັ່ນຫລາຍດ້ານ ເປັນຕົ້ນ ຮັບປະກັນເຮັດໃຫ້ປະເທດຊາດ ມີສະຖຽນລະພາບ ທາງດ້ານການເມືອງ, ສັງຄົມມີຄວາມເປັນລະບຽບຮຽບຮ້ອຍໂດຍພື້ນຖານ, ໄດ້ນໍາພາບັນດາກົມກອງ ເຄື່ອນໄຫວເຮັດໃຫ້ສະພາບ ຂອບເຂດທົ່ວປະເທດມີຄວາມສະຫງົບ, ບໍລິເວນ ຊາຍແດນແຕ່ເໜືອຮອດໃຕ້ ກໍຄື ເຂດໃຈກາງຂອງປະເທດ ມີຄວາມສະຫງົບຢ່າງໜັກແໜ້ນ. ພ້ອມນີ້, ຍັງໄດ້ຫັນເອົາກໍາລັງ ລົງກໍ່ສ້າງຮາກຖານການເມືອງ ຕິດພັນກັບ ການພັດທະນາ ຊົນນະບົດ ຮອບດ້ານຕາມທາງກວ້າງ ແລະ ທາງເລິກ ລວມມີ 19 ກອງປະຕິບັດງານກໍ່ສ້າງຮາກຖານ ຢູ່ 15 ແຂວງ, ມີ 26 ເມືອງ, 28 ຈຸດສຸມ, 142 ບ້ານ. ຜົນສໍາເລັດອັນພົ້ນເດັ່ນ ແມ່ນການພັດທະນາ 3 ຈຸມສຸມຂອງແຂວງໄຊສົມບູນ, ຈຸດສຸມຄັ້ງວຽງ ເມືອງໝອກ ແຂວງຊຽງຂວາງ ແລະ ຈຸດສຸມອື່ນໆ ທີ່ຕັ້ງຢູ່ເຂດຊົນນະບົດ ຫ່າງໄກສອກ ຫລີກ. ພ້ອມນີ້, ຍັງໄດ້ຮ່ວມມືກັບ ກອງທັບປະຊາຊົນຫວຽດນາມ ພັດທະນາບັນດາກຸ່ມບ້ານຊາຍແດນ ລາວ-ຫວຽດນາມ ຕາມການມອບໝາຍຂອງສູນກາງພັກ, ສອງລັດຖະບານ ລາວ-ຫວຽດນາມ ເຊິ່ງປັດຈຸບັນ ກໍາລັງສຸມໃສ່ 2 ກຸ່ມບ້ານໃໝ່ຄື: ກຸ່ມບ້ານຜາແດງ ເມືອງກວັນ ແຂວງຫົວພັນ ແລະ ກຸ່ມບ້ານນໍ້າຮາງ ເມືອງສໍາພັນ ແຂວງຜົ້ງສາລີ ແລະ ກຸ່ມບ້ານອື່ນໆ.
ພ້ອມນີ້, ສະຫາຍ ພົນຕີ ວົງສອນ ອິນປານພິມ ຍັງໄດ້ຕາງໜ້າໃຫ້ຄະນະນໍາ ກະຊວງປ້ອງກັນປະເທດ, ນາຍ ແລະ ພົນທະຫານໃນທົ່ວກອງທັບ ສະແດງຄວາມຮູ້ບຸນຄຸນມາຍັງ ພັກປະຊາຊົນປະຕິວັດລາວ ທີ່ໄດ້ກໍ່ຕັ້ງ, ສຶກສາອົບຮົມ ແລະ ນໍາພາ-ຊີ້ນໍາ ກອງທັບໃຫ້ເຕີບໃຫຍ່ເຂັ້ມແຂງ ແລະ ເຮັດສໍາເລັດໜ້າທີ່ອັນມີກຽດຂອງຕົນ ທີ່ພັກ ແລະ ປະຊາຊົນມອບໝາຍ ໃຫ້ໃນແຕ່ລະໄລຍະ, ພ້ອມທັງອວຍພອນໄຊອັນປະເສີດ ໃຫ້ບັນດາການນໍາພັກ-ລັດ, ການນໍາກະຊວງປ້ອງກັນປະເທດ, ພະນັກງານປະຕິວັດອາວຸໂສບໍານານ, ຕະຫລອດເຖິງ ປະຊາຊົນລາວ ບັນດາເຜົ່າໃນທົ່ວປະເທດ, ນາຍ ແລະ ພົນທະຫານ ໃນທົ່ວກອງທັບປະຊາຊົນລາວ ຈົ່ງມີສຸຂະພາບແຂງແຮງ, ມີພະລາໄມສົມບູນ, ມີຄວາມພາສຸກ ພ້ອມກັນອອກ ແຮງແຂງຂັນສ້າງຜົນງານ ເພື່ອຂໍ່ານັບຮັບຕ້ອນ 3 ວັນປະຫວັດສາດຂອງພັກ, ຂອງຊາດ ໃນປີ 2025 ໃຫ້ເປັນຂະບວນຟົດຟື້ນກວ້າງຂວາງ ແລະ ພ້ອມກັນເຮັດສໍາເລັດທຸກໜ້າທີ່ວຽກງານ.
ຂ່າວ-ພາບ: ທະນູທອງ
KPL
