ຂປລ
ກອງປະຊຸມ ວົງແຄບ ລັດຖະມົນຕີ ເສດຖະກິດ ອາຊຽນ ຄັ້ງທີ 31 (AEMR-31) ໄດ້ຈັດຂຶ້ນຢູ່ ມາເລເຊຍ ໂດຍມີ ຜູ້ຕາງໜ້າ ບັນດາປະເທດ ສະມາຊິກ ອາຊຽນ ແລະ ຕີມໍແລັດສະເຕີ (ໃນຖານະ ເປັນຜູ້ສັງເກດການ), ທ່ານ ກາວຄິມຮອນ( Kao Kim Hourn) ເລຂາທິການໃຫຍ່ ອາຊຽນ.
ຂປລ.ວິທະຍຸ ກະຈາຍສຽງ ຫວຽດນາມ, ເມື່ອບໍ່ດົນມານີ້, ກອງປະຊຸມ ວົງແຄບ ລັດຖະມົນຕີ ເສດຖະກິດ ອາຊຽນ ຄັ້ງທີ 31 (AEMR-31) ໄດ້ຈັດຂຶ້ນຢູ່ ມາເລເຊຍ ໂດຍມີ ຜູ້ຕາງໜ້າ ບັນດາປະເທດ ສະມາຊິກ ອາຊຽນ ແລະ ຕີມໍແລັດສະເຕີ (ໃນຖານະ ເປັນຜູ້ສັງເກດການ), ທ່ານ ກາວ ຄິມ ຮອນ( Kao Kim Hourn) ເລຂາທິການໃຫຍ່ ອາຊຽນ. ຄະນະຜູ້ຕາງໜ້າ ຫວຽດນາມ ລວມມີ ບັນດາ ຫົວໜ່ວຍ ທີ່ກ່ຽວຂ້ອງ ຂອງກະຊວງ ອຸດສາຫະກຳ ແລະ ການຄ້າ ແລະ ກະຊວງການຕ່າງປະເທດ ແລະ ທ່ານ ຫງວຽນຊິງເຍິດເຕິນ, ຮອງລັດຖະມົນຕີ ກະຊວງ ການຕ່າງປະເທດ ນຳໜ້າ ເຂົ້າຮ່ວມ ກອງປະຊຸມຄັ້ງນີ້.ຈາກນັ້ນ ບັນດາ ລັດຖະມົນຕີ ໄດ້ເຫັນດີ ເປັນເອກະພາບ ຮັບຮອງເອົາ 18 ຂໍ້ລິເລີ່ມ ແລະ ບຸລິມະສິດ ໃນການຮ່ວມມື ດຳເນີນ ທຸລະກິດ ໃນປີ ປະທານ ອາຊຽນ 2025 ໂດຍ ມາເລເຊຍ ສະເໜີ, ສຸມໃສ່ ເຂົ້າໃນ ການຊຸກຍູ້ ການຄ້າ ແລະ ການລົງທຶນ, ກໍ່ສ້າງວິວັດ ການພັດທະນາ ແບບກວມລວມ ແລະ ຍືນຍົງ, ເພີ່ມທະວີ ການເຊື່ອມໂຍງ ແລະ ເຊື່ອມຈອດ ເສດຖະກິດ, ສ້າງພື້ນຖານ ເສດຖະກິດ ດີຈີຕອນ ອາຊຽນ ສ້າງຄວາມເຂັ້ມແຂງ ດ້ວຍຕົນເອງ.ໂດຍປະກອບສ່ວນ ເຂົ້າໃນຜົນສຳເລັດ ຂອງກອງປະຊຸມ, ຄະນະຜູ້ແທນ ຫວຽດນາມ ໄດ້ຕັ້ງໜ້າ ປຶກສາຫາລື ບັນດາເນື້ອໃນ ໃນໂຄງການ ດຳເນີນງານ, ສະເໜີ ການສະໜັບ ສະໜູນ ຕໍ່ບັນດາຂໍ້ລິເລີ່ມ, ບຸລິມະສິດໃນປີ ປະທານອາຊຽນ 2025 ຂອງ ມາເລເຊຍ, ພ້ອມທັງສະແດງ ຄວາມໄວ້ ເນື້ອເຊື່ອໃຈວ່າ ດ້ວຍບັນດາ ຄວາມມານະພະຍາມຂອງ ມາເລເຊຍ, ອາຊຽນ ຈະບັນລຸໄດ້ ບັນດາ ໝາກຜົນ ອັນຍິ່ງໃຫຍ່, ມຸ່ງໄປເຖິງ ອາຊຽນ “ກວມລວມ ແລະ ຍືນຍົງ”./.
(ບັນນາທິການຂ່າວ: ຕ່າງປະເທດ), ຮຽບຮຽງ ຂ່າວໂດຍ: ສະໄຫວ ລາດປາກດີ
KPL
