ຂປລ
ກອງປະຊຸມ ສຸດຍອດ ອາຊຽນ ຄັ້ງທີ 48 ໄດ້ຈັດຂຶ້ນ ຢູ່ແຂວງເຊບູ ຂອງຟີລິບປີນ ເມື່ອບໍ່ດົນມານີ້ ໂດຍໄດ້ສຸມໃສ່ ປຶກ ສາຫາລື ບັນຫາສຳຄັນຕ່າງໆເຊັ່ນ: ຄວາມໝັ້ນຄົງ ດ້ານພະລັງງານ, ຄວາມໝັ້ນຄົງ ດ້ານສະບຽງອາຫານ, ຄວາມ ປອດໄພ ຂອງປະຊາຊົນ ອາຊຽນ ຢູ່ແຫ່ງຕ່າງໆ ໃນໂລກ, ການຮ່ວມມື ດ້ານເສດຖະກິດ ແລະ ຫົວຂໍ້ສຳຄັນ ອື່ນໆ.
ຂປລ.ວິທະຍຸ-ໂທລະພາບ ສູນກາງຈີນ, ກອງປະຊຸມ ສຸດຍອດ ອາຊຽນ ຄັ້ງທີ 48 ໄດ້ຈັດຂຶ້ນ ຢູ່ແຂວງເຊບູ ຂອງຟີລິບປີນ ເມື່ອບໍ່ດົນມານີ້ ໂດຍໄດ້ສຸມໃສ່ ປຶກສາຫາລື ບັນຫາສຳຄັນຕ່າງໆເຊັ່ນ: ຄວາມໝັ້ນຄົງ ດ້ານພະລັງງານ, ຄວາມໝັ້ນຄົງ ດ້ານສະບຽງອາຫານ, ຄວາມປອດໄພ ຂອງປະຊາຊົນ ອາຊຽນ ຢູ່ແຫ່ງຕ່າງໆ ໃນໂລກ, ການຮ່ວມມື ດ້ານເສດຖະກິດ ແລະ ຫົວຂໍ້ສຳຄັນ ອື່ນໆ. ທ່ານ ເຟີດີນານ ມາຄອດຈູເນຍ ປະທານາທິບໍດີ ຟີລິບປີນ ເຊິ່ງເປັນ ປະເທດ ປະທານ ໝູນວຽນ ອາຊຽນ ກ່າວວ່າ: ສະຖານະການ ໃນຕາເວັນອອກກາງ ນັບມື້ ນັບປັ່ນປ່ວນ ວຸ້ນວາຍກວ່າເກົ່າ ເຊິ່ງສົ່ງຜົນກະທົບ ຕໍ່ປະເທດ ສະມາຊິກ ອາຊຽນ ແລະ ເປັນໄພຂົ່ມຂູ່ ຕໍ່ການດຳລົງຊີວິດ, ການທຳມາຫາກິນ ແລະ ຊີວິດຂອງຄົນ, ກອງປະຊຸມ ສຸດຍອດຄັ້ງນີ້ ໄດ້ຈັດຂຶ້ນ ໃນໄລຍະເວລາ ທີ່ເຕັມໄປດ້ວຍ ສິ່ງທ້າທາຍ. ໃນໄລຍະຈັດກອງປະຊຸມ ສຸດຍອດ ຄັ້ງນີ້, ຜູ້ນຳປະເທດ ສະມາຊິກ ອາຊຽນ ທີ່ເຂົ້າຮ່ວມກອງປະຊຸມ ໄດ້ປຶກສາຫາລື ໃນຫົວຂໍ້ຕ່າງໆ ເຊັ່ນ: ການຮ່ວມມື ທາງທະເລ, ການຮັບມືກັບ ໄພທຳມະຊາດ, ສະໜັບສະໜູນ ຕີມໍເລັສເຕ ເຊື່ອມໂຍງ ເຂົ້າໃນອາຊຽນ ຢ່າງຮອບດ້ານ ແລະ ຫົວຂໍ້ອື່ນໆ ພ້ອມນີ້ ຍັງໄດ້ຮັບຮອງ ເອົາເອກະສານ ທີ່ກ່ຽວຂ້ອງ ຕື່ມອີກ./.
(ບັນນາທິການຂ່າວ: ຕ່າງປະເທດ) ຮຽບຮຽງ ຂ່າວໂດຍ: ສະໄຫວ ລາດປາກດີ
KPL
