ຂປລ
ຜະລິດຕະພັນຖັກຍູກວາດ ແມ່ນກຸ່ມຜະລິດຕະພັນໜຶ່ງ ທີ່ເປັນສີໄມ້-ລາຍມືຂອງເອື້ອຍນ້ອງແມ່ຍິງ ບ້ານກາງ ເມືອງຜາອຸດົມ ແຂວງບໍ່ແກ້ວ ທີ່ໄດ້ພາກັນແປງຖັກຍູກວາດແບບທຳມະຊາດ ນໍາໃຊ້ໃນຄົວເຮືອນເຫລືອໃຊ້ກໍຜະລິດຂາຍອອກຈໍານວໜ່ຶງ ເພ່ືອມາແລກຊື້ເຂົ້າ-ນໍ້າຕາມບ້ານໃກ້ຄຽງກັນສືບທອດກັນມາແຕ່ເຊັ່ນພໍ່-ເຊັ່ນແມ່ ຈົນເຖິງປັດຈຸບັນ.
*ຜະລິດຕະພັນຖັກຍູກວາດແມ່ນກຸ່ມຜະລິດຕະພັນໜຶ່ງ ທີ່ເປັນສີໄມ້-ລາຍມືຂອງເອື້ອຍນ້ອງແມ່ຍິງ ບ້ານກາງ ເມືອງຜາອຸດົມ ແຂວງບໍ່ແກ້ວ ທີ່ໄດ້ພາກັນແປງຖັກຍູກວາດແບບທຳມະຊາດ ນໍາໃຊ້ໃນຄົວເຮືອນເຫລືອໃຊ້ກໍຜະລິດຂາຍອອກຈໍານວໜ່ຶງ ເພ່ືອມາແລກຊື້ເຂົ້າ-ນໍ້າຕາມບ້ານໃກ້ຄຽງກັນສືບທອດກັນມາແຕ່ເຊັ່ນພໍ່-ເຊັ່ນແມ່ ຈົນເຖິງປັດຈຸບັນ, ຕໍ່ມາໄດ້ມີໂຄງການເຂົ້າມາ ແລະ ໄດ້ຮັບການສົ່ງເສີມຈາກໂຄງການສະມາຄົມແມ່ຍິງຮ່ວມໃຈພັດທະນາ (MHP) ໃຫ້ມີການຜະລິດເປັນສິນຄ້າຊຶ່ງຜະລິດຕະພັນຖັກຍູກວາດ ຂອງກຸ່ມແມ່ຍິງ ບ້ານກາງ ໄດ້ແກ່ຍູກວາດຍາວ 80 ຊັງຕີ ແມັດ, ຍູກວາດສັ້ນ 30 ຊັງຕີແມັດ, ມີສະມາຊິກທັງໝົດ 29 ຄົນ, ສາມາດຜະລິດສິນຄ້າໄດ້ 300 ຫາ 400 ກ້ານຕໍ່ເດືອນ ຊຶ່ງສາມາດສ້າງລາຍຮັບເຂົ້າກຸ່ມໄດ້ປະມານ 10 ລ້ານກີບຕໍ່ເດືອນ.
ສຳລັບຕະຫລາດຈຳໜ່າຍ ແມ່ນທັງພາຍໃນເມືອງ, ຕ່າງເມືອງ, ຕ່າງແຂວງ ແລະ ຕ່າງປະເທດ ໂດຍມີນັກທຸລະກິດມາຮັບຊື້ຈາກກຸ່ມ ເພື່ອນໍາໄປຂາຍຕໍ່ຕາມຄວາມຕ້ອງການຊົມໃຊ້ຂອງລູກຄ້າ, ຜະລິດຕະພັນສ່ວນຫລາຍ ແມ່ນໝົດທຸກໆເດືອນບາງເດືອນກໍບໍ່ພຽງພໍກັບຄວາມຕ້ອງການຂອງລູກຄ້າ ເນື່ອງຈາກການຜະລິດສ່ວນໃຫຍ່ນໍາໃຊ້ແຮງງານຄົນ, ເຄື່ອງມືປະຖົມປະຖານແບບທຳມະຊາດ ຍັງຂາດເຄື່ອງມືທ່ີທັນສະໄໝເຮັດໃຫ້ຜະລິດຕະພັນບໍ່ພຽງພໍຕໍ່ຄວາມຕ້ອງການຂອງລູກຄ້າ, ພ້ອມນີ້ວັດຖຸດິບແມ່ນຫາໄດ້ຈາກທຳມະຊາດເຂດໃກ້ຽງ, ມີປ່າປ້ອງກັນ, ປ່າຊົມໃຊ້ທີ່ຍັງຮັກສາທໍາມະຊາດໄວ້ນໍາໃຊ້ ແລະ ເມື່ືອມໍ່ໆມານີ້ກຸ່ມແມ່ຍິງຖັກຍູກວາດ ຢູ່ຮາກຖານບ້ານກາງເມືອງຜາອຸດົມ ແຂວງບໍ່ແກ້ວ ໄດ້ຮັບປ້າຍກາໝາຍໜຶ່ງເມືອງ ໜຶ່ງຜະລິດຕະພັນແຫ່ງຊາດ (ໂອດັອບ) ຕາງໜ້າມອບໂດຍມີທ່ານ ພົງ ສະຫວັນ ປັນຍາສັກ ຮອງເລຂາ ພັກເມືອງ ຜູ້ຊີ້ນໍາຂົງເຂດພັກ- ພະນັກງານ ແລະ ຕາງໜ້າຮັບໂດຍ ທ່ານບຸນຄຳ ມະນີໄຊ ນາຍບ້ານໆກາງ ພ້ອມດ້ວຍອຳນາດການປົກຄອງບ້ານ ແລະ ປະຊາຊົນພາຍໃນບ້ານເຂົ້າຮວມ.
ຂ່າວ-ພາບ: ພອນສະຫວັນ ມະນີສ
KPL
