ຂປລ
ຂປລ. ເມືອງໄຊເສດຖາ ເປັນໜຶ່ງໃນເທສະບານຂອງນະຄອນຫລວງວຽງຈັນ, ມີພື້ນຖານໂຄ່ງລ່າງເສດຖະກິດດີ, ເປັນເມືອງເສດຖະກິດ ທີ່ກໍາລັງຂະຫຍາຍຕົວ ເຊິ່ງເຮັດໃຫ້ການຈັດຕັ້ງປະຕິ ບັດວຽກງານສ່ວຍສາອາກອນປະຈຳເມືອງ ມີລັກສະນະຕັ້ງໜ້າ, ໃນປີ 2024 ສາມາດປະຕິບັດໄດ້ທັງໝົດ 132,19 ຕື້ກວ່າກີບ ເທົ່າກັບ 170,31% ຂອງແຜນການປີ.
ຂປລ. ເມືອງໄຊເສດຖາ ເປັນໜຶ່ງໃນເທສະບານຂອງນະຄອນຫລວງວຽງຈັນ, ມີພື້ນຖານໂຄ່ງລ່າງເສດຖະກິດດີ, ເປັນເມືອງເສດຖະກິດ ທີ່ກໍາລັງຂະຫຍາຍຕົວ ເຊິ່ງເຮັດໃຫ້ການຈັດຕັ້ງປະຕິ ບັດວຽກງານສ່ວຍສາອາກອນປະຈຳເມືອງ ມີລັກສະນະຕັ້ງໜ້າ, ໃນປີ 2024 ສາມາດປະຕິບັດໄດ້ທັງໝົດ 132,19 ຕື້ກວ່າກີບ ເທົ່າກັບ 170,31% ຂອງແຜນການປີ.
ທ່ານ ພູຄໍາ ແກ້ວອອນສີ ຫົວໜ້າສ່ວຍສາອາກອນ ປະຈຳເມືອງໄຊເສດຖາ ໄດ້ໃຫ້ຮູ້ວ່າ:ສ່ວຍສາອາກອນ ປະຈຳເມືອງ ເປັນເສນາທິການໃຫ້ສ່ວຍສາອາກອນ ປະຈໍານະຄອນຫລວງວຽງຈັນຕາມສາຍຕັ້ງ ແລະ ປະສານສົມທົບກັບອົງການປົກຄອງເມືອງ ກ່ຽວກັບວຽກງານຄຸ້ມຄອງສ່ວຍສາອາກອນ, ເຮັດໜ້າທີ່ຄຸ້ມຄອງຈັດເກັບລາຍຮັບສ່ວຍສາອາກອນເຊັ່ນ: ລາຍຮັບຈາກຫົວໜ່ວຍວິສາ ຫະກິດ, ອາກອນທີ່ດິນ ຫລື ພາສີທີ່ດິນ, ຄ່າທຳນຽມ, ຄ່າບໍລິການຕ່າງໆຈາກບັນດາຂະແໜງການລັດ ແລະ ອາກອນລາຍໄດ້ຕ່າງໆຈາກບຸກຄົນ, ຫ້ອງການຜູ້ຕ້າງໜ້າ ເຂົ້າງົບປະມານແຫ່ງລັດໃຫ້ຖືກ ຕ້ອງ, ໂປ່ງໃສ, ວ່ອງໄວ ແລະ ກວດສອບໄດ້ຕາມລະບຽບກົດໝາຍກໍານົດ ແລະ ມີ 2 ໜ້າວຽກເປັນຫລັກຄື: ວຽກຄຸ້ມຄອງວຽກງານສ່ວຍສາອາກອນ ແລະ ວຽກຄຸ້ມຄອງລາຍຮັບສ່ວຍສາອາກອນ, ປັດຈຸບັນທົ່ວເມືອງ ມີພື້ນຖານຫົວໜ່ວຍທຸລະກິດທັງໝົດ 10.479 ຫົວໜ່ວຍ. ໃນນັ້ນ,ຫົວໜ່ວຍຖືບັນຊີ 1.608 ຫົວໜ່ວຍ, ຈຸນລະວິສາຫະກິດ 2.259 ຫົວໜ່ວຍ, ຄ່າເຊົ່າ 2.113 ຫົວໜ່ວຍ, 50 ລ້ານກີບລົງມາ 1.861 ຫົວໜ່ວຍ, ອົງການຈັດຕັ້ງ 21 ຫົວໜ່ວຍ, ບຸກຄົນ 2.617 ຫົວໜ່ວຍ. ການຈັດເກັບລາຍຮັບເຂົ້າງົບປະມານໃນປີ 2024 ໄດ້ຮັບຕົວເລກແຜນການ 77,62 ຕື້ກວ່າກີບ, ແຕ່ຜ່ານການຈັດຕັ້ງປະຕິບັດຕົວຈິງນັບແຕ່ຕົ້ນປີຮອດວັນທີ 31 ທັນວາ 2024 ສາມາດປະຕິບັດໄດ້ທັງໝົດ 132,19 ຕື້ກວ່າກີບ ເທົ່າກັບ 170,31% ຂອງແຜນການປີ, ທຽບໃສ່ໄລຍະດຽວຂອງປີ 2023 ເທົ່າກັບ 147,09%, ເປັນເງິນປະມານ 42,32 ຕື້ກວ່າກີບ; ຄິດເປັນເງິນລື່ນແຜນ ການປີ 2024 ຈໍານວນ 54,57 ຕື້ກວ່າກີບ.
ທ່ານ ພູຄໍາ ແກ້ວອອນສີ ຍັງໃຫ້ຮູ້ອີກວ່າ: ໃນປີ 2025 ຄາດຄະເນຕົວແຜນການເກັບລາຍຮັບເຂົ້າງົບປະມານແຫ່ງລັດ ທັງໝົດ 85 ຕື້ກວ່າກີບ, ເພີ່ມຂຶ້ນ 9,51% ຂອງແຜນການປີ 2024 ແລະ ຄາດຄະເນແຜນການຈັດເກັບໃນແຕ່ລະເດືອນໃຫ້ປະຕິບັດໄດ້ 10% ຂອງແຜນການ ຫລື ເທົ່າກັບ 8,5 ຕື້ກວ່າກີບ, ແຜນການ 12 ເດືອນຕ້ອງປະຕິບັດໃຫ້ໄດ້ 102 ຕື້ກວ່າກີບ ເທົ່າກັບ 120% ຂອງແຜນປີ ແລະ ບັນດາມາດຕະການຈໍານວນໜຶ່ງ ເພື່ອຊຸກໃນການຈັດຕັ້ງປະຕິບັດວຽກງານຈັດເກັບລາຍຮັບອາກອນເຂົ້າງົບປະມານ, ຊຸກຍູ້ເກັບລາຍຮັບຈາກຄ່າທໍານຽມ ແລະ ຄ່າບໍລິການນໍາຂະ ແໜງການລັດອ້ອມຂ້າງເມືອງ ໃຫ້ມອບລາຍຮັບທີ່ເກັບໄດ້ ແລະ ປະຕິບັດຂັ້ນຕອນຈົດຮັບ-ຈົດຈ່າຍຜ່ານງົບປະມານ, ຄັງເງິນຕາມລະບຽບກົດໝາຍ ແລະ ອື່ນໆ.
KPL
