ຂປລ
ຂປລ. ທ້າຍອາທິດຜ່ານມາ, ຄະນະກວດກາພັກ ອົງການໄອຍະການປະຊາຊົນສູງສຸດ (ອອປສ) ໄດ້ດໍາເນີນກອງປະຊຸມວຽກງານກວດກາພັກ ປະຈໍາໄຕມາດ IV ປະຈຳປີ 2024 ເພື່ອສະຫລຸບຕີລາຄາຄືນ ການຈັດຕັ້ງປະຕິບັດ ວຽກງານກວດກາພັກ ພາຍໃຕ້ການເປັນປະທານຂອງ ສະຫາຍ ຄໍານຸທອນ ສູນວິເລີດ ຮອງປະທານກວດກາພັກ, ຫົວໜ້າກົມກວດກາ, ມີບັນດາສະຫາຍຮອງເລຂາໜ່ວຍພັກ ຜູ້ເຮັດວຽກງານກວດກາໜ່ວຍພັກຂອງຫ້ອງການ, ບັນດາກົມ, ສະຖາບັນຄົ້ນຄວ້າ ແລະ ຝຶກອົມຮົມໄອຍະການ, ພະນັກງານຫລັກແຫລ່ງຂອງກົມກວດກາ ອົງການໄອຍະການປະຊາຊົນສູງສຸດ ເຂົ້າຮ່ວມ.
ຂປລ. ທ້າຍອາທິດຜ່ານມາ, ຄະນະກວດກາພັກ ອົງການໄອຍະການປະຊາຊົນສູງສຸດ (ອອປສ) ໄດ້ດໍາເນີນກອງປະຊຸມວຽກງານກວດກາພັກ ປະຈໍາໄຕມາດ IV ປະຈຳປີ 2024 ເພື່ອສະຫລຸບຕີລາຄາຄືນ ການຈັດຕັ້ງປະຕິບັດ ວຽກງານກວດກາພັກ ພາຍໃຕ້ການເປັນປະທານຂອງ ສະຫາຍ ຄໍານຸທອນ ສູນວິເລີດ ຮອງປະທານກວດກາພັກ, ຫົວໜ້າກົມກວດກາ, ມີບັນດາສະຫາຍຮອງເລຂາໜ່ວຍພັກ ຜູ້ເຮັດວຽກງານກວດກາໜ່ວຍພັກຂອງຫ້ອງການ, ບັນດາກົມ, ສະຖາບັນຄົ້ນຄວ້າ ແລະ ຝຶກອົມຮົມໄອຍະການ, ພະນັກງານຫລັກແຫລ່ງຂອງກົມກວດກາ ອົງການໄອຍະການປະຊາຊົນສູງສຸດ ເຂົ້າຮ່ວມ.
ສະຫາຍ ສົມພອນໄຊ ເມືອງປາກ ຮອງເລຂາໜ່ວຍພັກ ກົມກວດກາ ໄດ້ຜ່ານບົດສະຫລຸບຕີລາຄາການເຄື່ອນໄຫວ ວຽກງານກວດກາພັກ ປະຈຳໄຕມາດ IV (10,11,12) ປີ 2024 ແລະ ທິດທາງແຜນການວຽກງານຈຸດສຸມ ປະຈຳໄຕມາດ I (1,2,3) ປີ 2025 ເຊິ່ງໄດ້ຍົກໃຫ້ເຫັນເຖິງດ້ານດີ, ຂໍ້ຄົງ ຄ້າງ ແລະ ບົດຮຽນທີ່ຖອດຖອນໄດ້ ໃນການຈັດຕັ້ງຕິບັດວຽກງານກວດກາໄຕມາດທີ່ຜ່ານມາ ເປັນຕົ້ນແມ່ນ ການຕິດຕາມ, ກວດກາການປະຕິບັດໜ້າທີ່ຂອງການຈັດຕັ້ງ, ສະມາຊິກພັກ, ພະນັກງານ-ລັດຖະກອນ ຂອງອົງການໄອຍະການປະຊາຊົນສູງສຸດ ຈາກບັນດາສະຫາຍຜູ້ເຂົ້າຮ່ວມກອງປະຊຸມ ກໍໄດ້ພ້ອມກັນ ປະກອບຄໍາຄິດເຫັນ ຕໍ່ບົດສະຫລຸບ ຢ່າງກົງໄປກົງມາ. ນອກຈາກນີ້, ກອງປະຊຸມຍັງໄດ້ຮັບຟັງ ການລາຍງານບັນດາປະກົດການຫຍໍ້ທໍ້ ກໍຄື ສະພາບການຕ່າງໆ ທີ່ເກີດຂຶ້ນຢູ່ບັນດາໜ່ວຍພັກ ແລະ 3 ອົງການຈັດຕັ້ງມະຫາຊົນ ທີ່ຂຶ້ນກັບອົງຄະນະພັກ ອົງການໄອຍະການປະຊາຊົນສູງສຸດ. ພ້ອມກັນນັ້ນ, ກໍໄດ້ແລກປ່ຽນບາງບັນຫາ ໃນການແກ້ໄຂ ສະພາບການຕ່າງໆ ທີ່ເກີດຂຶ້ນ ເພື່ອຮັບປະກັນເຮັດໃຫ້ການແກ້ໄຂບັນຫາຖືກຕ້ອງ, ສອດຄ່ອງຕາມພາລະບົດບາດ, ສິດ, ໜ້າທີ່ ແລະ ທັນຕາມສະພາບການ.
ໃນໂອກາດກ່າວດັ່ງກ່າວ, ສະຫາຍ ຄໍານຸທອນ ສູນວິເລີດ ຮອງປະທານກວດກາພັກ, ຫົວໜ້າກົມກວດກາ ກໍໄດ້ມີຄໍາເຫັນບາງບັນຫາຕໍ່ກອງປະຊຸມ ເປັນຕົ້ນ ບັນດາສະຫາຍຜູ້ເຮັດວຽກງານ ກວດກາຢູ່ແຕ່ລະໜ່ວຍພັກ ຕ້ອງໄດ້ເພີ່ມທະວີວຽກງານຕິດຕາມ, ກວດກາ ໃນການກໍາສະພາບຕ່າງໆທີ່ເກີດຂຶ້ນ ລວມເຖິງແນວຄິດ ຂອງສະມາຊິກພັກ, ພະນັກງານ-ລັດຖະກອນ ໃຫ້ມີຄວາມເຂັ້ມແຂງຂຶ້ນ, ພ້ອມ ກັນນັ້ນກໍເປັນເສນາທິການ ໃຫ້ແກ່ໜ່ວຍພັກ ໃນການຊຸກຍູ້ວຽກງານການເມືອງແນວຄິດ ໃຫ້ສະມາຊິກພັກ, ພະນັກງານ-ລັດຖະກອນໃຫ້ສູງຂຶ້ນ.
ຂໍ້ມູນ: ກົມກວດກາ ອອປສ
KPL
