ຂປລ
ກອງປະຊຸມ ຖະແຫລງຂ່າວ, ທ່ານ ອຳຣານ ໂມຮາເມັດ ຊິມ(Amran Mohamed Zin) ເລຂາທິການໃຫຍ່ ກະຊວງ ການຕ່າງປະເທດ ມາເລເຊຍ ໃຫ້ຮູ້ວ່າ: ມີທັງໝົດ 29 ລາຍການ ໄດ້ຮັບການສ້າງຂຶ້ນ ສະເພາະ ໃຫ້ບັນດາພາກສ່ວນທີ່ ແຕກຕ່າງກັນ ຂອງສັງຄົມ, ລວມທັງ ປະຊາຄົມ ຊົນນະບົດ, ຈຸລະວິສາຫະກິດ, ວິສາຫະກິດ ຂະໜາດນ້ອຍ ແລະ ກາງ (MSME), ຊາວໜຸ່ມ, ແມ່ຍິງ, ຄົນພິການ, ຜູ້ສູງອາຍຸ ແລະ ເດັກນ້ອຍ.
ຂປລ.ວິທະຍຸ ກະຈາຍສຽງ ຫວຽດນາມ, ກອງປະຊຸມ ຖະແຫລງຂ່າວ, ທ່ານ ອຳຣານ ໂມຮາເມັດ ຊິມ(Amran Mohamed Zin) ເລຂາທິການໃຫຍ່ ກະຊວງ ການຕ່າງປະເທດ ມາເລເຊຍ ໃຫ້ຮູ້ວ່າ: ມີທັງໝົດ 29 ລາຍການ ໄດ້ຮັບການສ້າງຂຶ້ນ ສະເພາະ ໃຫ້ບັນດາພາກສ່ວນທີ່ ແຕກຕ່າງກັນ ຂອງສັງຄົມ, ລວມທັງ ປະຊາຄົມ ຊົນນະບົດ, ຈຸລະວິສາຫະກິດ, ວິສາຫະກິດ ຂະໜາດນ້ອຍ ແລະ ກາງ (MSME), ຊາວໜຸ່ມ, ແມ່ຍິງ, ຄົນພິການ, ຜູ້ສູງອາຍຸ ແລະ ເດັກນ້ອຍ. ນີ້ແມ່ນໂຄງການ ດຳເນີນງານແຫ່ງຊາດ, ຮຽກຮ້ອງ ໃຫ້ປະຊາຊົນ ມາເລເຊຍ ທຸກຄົນ ເຂົ້າຮ່ວມ, ລວມທັງ ບັ້ນໂຄສະນາສິນຄ້າ ໂດຍ ມາເລເຊຍ ຜະລິດ, ເວທີປາໄສ ອາຊຽນ + 3 ເພື່ອແນໃສ່ ມອບສິດ ໃຫ້ແກ່ ແມ່ຍິງຊົນນະບົດ, ກອງປະຊຸມ ສຸດຍອດ ຊາວໜຸ່ມ ອາຊຽນ ແລະ ງານວາງສະແດງ Halal ສາກົນ ມາເລເຊຍ ຄັ້ງພິເສດ (MIHAS), ກໍຄື ບັນດາຂໍ້ລິເລີ່ມ ສະເພາະແກ່ ນັກຮຽນມັດທະຍົມ ແລະ ນັກສຶກສາ ມະຫາວິທະຍາໄລ. ບັນດາການເຄື່ອນໄຫວ ແລະ ໂຄງການນີ້ ລ້ວນແຕ່ເໝາະສົມກັບວິໄສທັດ ກ່ຽວກັບ ປະຊາຄົມ ອາຊຽນ ຖືປະຊາຊົນ ເປັນໃຈກາງ, ກໍຄື ຫົວຂໍ້ ຂອງປະທານ ອາຊຽນ 2025 ແມ່ນ “ກວມລວມ ແລະ ຍືນຍົງ”. ມີທັງໝົດ 357 ກອງປະຊຸມ ທີ່ກ່ຽວຂ້ອງເຖິງ ອາຊຽນ ຈະດຳເນີນ ໃນທົ່ວໂລກໃນປີນີ້, ລວມມີ 14 ກອງປະຊຸມ ສຸດຍອດ ທີ່ມີການເຂົ້າຮ່ວມ ຂອງການນຳ ບັນດາປະເທດ ແລະ ລັດຖະບານ. ກອງປະຊຸມ ສຸດຍອດ ອາຊຽນ ຄັ້ງທີ 46 ຄາດວ່າ ຈະດຳເນີນ ໃນກາງປີ, ພ້ອມດຽວກັນນັ້ນ ກໍມີກອງປະຊຸມສຸດຍອດ ອາຊຽນ - ສະພາຮ່ວມມືເຂດອ່າວ (GCC) - ຈີນ, ໃນຂະນະທີ່ ກອງປະຊຸມສຸດຍອດ ອາຊຽນ ຄັ້ງທີ 47 ຈະໄດ້ຈັດຂຶ້ນໃນທ້າຍປີນີ້./.
(ບັນນາທິການຂ່າວ: ຕ່າງປະເທດ), ຮຽບຮຽງ ຂ່າວໂດຍ: ສະໄຫວ ລາດປາກດີ
KPL
