ຂປລ
ທະນາຄານກາງ ສະຫະລັດ ອາເມລິກາ ໄດ້ປະກາດ ບົດລາຍງານ ສຳຫລວດ ສະພາບ ເສດຖະກິດ ທົ່ວປະເທດ ກ່ຽວກັບ ດ້ານລາຄາສິນຄ້າ ໂດຍລວມ ຂອງ ສະຫະລັດ ອາເມລິກາ ໄດ້ເພີ່ມສູງຂຶ້ນ ຊຶ່ງອັດຕາເພີ່ມຂຶ້ນ ຢູ່ໃນລະດັບ ທີ່ໝັ້ນທ່ຽງ ຫລື ມີຄວາມເໝາະສົມ.
ຂປລ.ວິທະຍຸ ສາກົນແຫ່ງ ສປ ຈີນ,ວັນທີ 15 ມັງກອນນີ້, ທະນາຄານກາງ ສະຫະລັດ ອາເມລິກາ ໄດ້ປະກາດ ບົດລາຍງານ ສຳຫລວດ ສະພາບ ເສດຖະກິດ ທົ່ວປະເທດ ກ່ຽວກັບ ດ້ານລາຄາສິນຄ້າ ໂດຍລວມ ຂອງ ສະຫະລັດ ອາເມລິກາ ໄດ້ເພີ່ມສູງຂຶ້ນ ຊຶ່ງອັດຕາເພີ່ມຂຶ້ນ ຢູ່ໃນລະດັບ ທີ່ໝັ້ນທ່ຽງ ຫລື ມີຄວາມເໝາະສົມ. ລາຄາຈຳໜ່າຍສິນຄ້າ ຢູ່ເຂດສ່ວນຫລາຍ ໄດ້ເພີ່ມຂຶ້ນ ໃນລະດັບທີ່ເໝາະສົມ ແລະ ປີ 2025 ລາຄາສິນຄ້າ ຍັງຈະເພີ່ມຂຶ້ນຕໍ່ໄປອີກ.ຂະນະທີ່ ບົດລາຍງານ ສຳຫລວດສະພາບ ເສດຖະກິດ ທົ່ວປະເທດ ແມ່ນບົດລາຍງານສຳຫລວດ ແລະ ຄາດຄະເນ ເສດຖະກິດ ອາເມລິກາ ທີ່ທະນາຄານກາງ ອາເມລິກາ ເຜີຍແຜ່ ຢ່າງເປັນປະຈຳ. ເນື້ອໃນ ບົດລາຍງານ ດັ່ງກ່າວ ລວມທັງ ໃຈຄວາມສຳຄັນ ຂອງສະພາບ ເສດຖະກິດ ທ້ອງຖິ່ນ ແລະ ໃຈຄວາມສຳຄັນ ຂອງສະພາບ ເສດຖະກິດ ທົ່ວປະເທດ, ຊຶ່ງເປັນຂໍ້ມູນອ້າງອີງ ທີ່ສຳຄັນ ສຳລັບກອງປະຊຸມ ຕັດສິນນະໂຍບາຍ ເງິນຕາ ຂອງທະນາຄານກາງ ອາເມລິກາ./.
(ບັນນາທິການຂ່າວ: ຕ່າງປະເທດ), ຮຽບຮຽງ ຂ່າວໂດຍ: ສະໄຫວ ລາດປາກດີ
KPL
