ອັດຕະປືກຽມ 8 ກິດຈະກໍາສະຫລອງປີທ່ອງທ່ຽວລາວປີ 2024

13/12/2024 09:55
Email Print 2507
ຂປລ ໃນວັນທີ 6 ທັນວາ 2024 ແຂວງອັດຕະປື ໄດ້ຈັດງານຖະແຫລງຂ່າວການຈັດງານລະນຶກບຸນຄຸນພຣະເຈົ້າ ໄຊຍະເຊດຖາທິຣາດ ແລະ ສະ ຫລອງປີທ່ອງທ່ຽວລາວ 2024 ທີ່ແຂວງອັດຕະປື.

     *ໃນວັນທີ 6 ທັນວາ 2024 ແຂວງອັດຕະປື ໄດ້ຈັດງານຖະແຫລງຂ່າວການຈັດງານລະນຶກບຸນຄຸນພຣະເຈົ້າ ໄຊຍະເຊດຖາທິຣາດ ແລະ ສະຫລອງປີທ່ອງທ່ຽວລາວ 2024 ທີ່ແຂວງອັດຕະປື ໂດຍໃຫ້ກຽດເຂົ້າຮ່ວມຂອງ ທ່ານ ບຸນເສີດ ເສດ​ທິລາດ , ຮອງເຈົ້າແຂວງ ອັດຕະປື ພ້ອມດ້ວຍພະແນກ ແລະ ຫນ່ວຍງານກ່ຽວຂ້ອງເຂົ້າຮ່ວມ.

     ທ່ານ ບຸນເສີດ ເສດ​ທິລາດ , ຮອງເຈົ້າແຂວງ ອັດຕະປື ໃຫ້ຄໍາເຫັນວ່າການຈັດງານຄັ້ງນີ້ແມ່ນຄວາມໝາຍ ແລະ ສຳຄັນຢ່າງຍິ່ງໃນການສົ່ງເສີມກິດຈະກຳການທ່ອງທ່ຽວຂອງ ສປປ ລາວ ໂດຍສະເພາະກໍຄືແຂວງອັດຕະປື ຂອງພວກເຮົາ. ດັ່ງທີ່ຮູ້ນຳກັນແລ້ວວ່າ ການທ່ອງທ່ຽວແມ່ນອຸດສາຫະທີ່ສ້າງລາຍໄດ້, ສ້າງອາຊີບ ແລະ ປົກປັກຮັກສາທໍາທະຊາດຢ່າງຍືນຍົງ ເຊິ່ງມີການເຕີບໃຫຍ່ຂະຫຍາຍຕົວຢ່າງວ່ອງໄວ, ຕໍ່ເນື່ອງ ແລະ ໄດ້ກາຍເປັນຂະແໜງການຕົ້ນຕໍ ທີ່ປະກອບສ່ວນສຳຄັນເຂົ້າໃນການພັດທະນາເສດຖະ ກິດໃຫ້ມີຄວາມເຂັ້ມແຂງຂອງຫຼາຍໆທັງພາຍໃນປະເທດ ແລະ ໃນໂລກ. ລັດຖະບານແຫ່ງ ສປປ ລາວ ໄດ້ຖືເອົາວຽກງານທ່ອງທ່ຽວເປັນເສດຖະກິດປາຍແຫຼມຂະແໜງການໜຶ່ງ ທີ່ກະຕຸ້ນບັນດາຂະແໜງການທີ່ເປັນຕ່ອງໂສ້ໃຫ້ມີການພັດທະນາໄປພ້ອມໆກັນ ດ້ວຍການສ້າງອາຊີບ ແລະ ລາຍຮັບທີ່ກວ້າງຂວາງ ຊຶ່ງນຳເອົາເງິນຕາຕ່າງປະເທດມາສູ່ປະເທດຊາດລາວເຮົາເປັນຈຳນວນຫຼາຍພໍສົມຄວນ, ຊ່ວຍປະກອບສ່ວນເຂົ້າໃນການພັດທະນາເສດຖະກິດ-ສັງຄົມຂອງຊາດໃຫ້ມີຄວາມເຂັ້ມແຂງ, ຊ່ວຍຫລຸດຜ່ອນຄວາມທຸກຍາກຂອງປະຊາຊົນບັນດາເຜົ່າຕາມນະໂຍບາຍຂອງພັກ ແລະ  ລັດຖະບານທີ່ໄດ້ວາງອອກເທື່ອລະກ້າວ.

    ໃນໄລຍະຜ່ານມາ ສປປ ລາວ ກໍ່ຄືແຂວງອັດຕະປື ໄດ້ເຄີຍຈັດງານເປີດປີທ່ອງທ່ຽວລາວມາແລ້ວ 3 ຄັ້ງ ຄື: ຄັ້ງທີ 1 ປີ 1999-2000, ຄັ້ງທີ 2 ປີ 2012, ຄັ້ງທີ 3 ປີ 2018 ແລະ ປີ 2024 ເປັນຄັ້ງທີ 4 ພາຍໃຕ້ຄໍາຂວັນ: “ທ່ອງທ່ຽວລາວປອດໄພ, ຊື່ນໃຈໃນວັດທະນະທຳ, ທຳມະຊາດ ເເລະ ປະຫວັດສາດ” ເເລະ ໄດ້ກໍານົດເອົາຮູບຊ້າງຖືແຄນ ເປັນສັນຍາລັກນຳໂຊກ ໃຫ້ເເກ່ການທ່ອງທ່ຽວລາວ 2024 ຊຶ່ງປະກອບມີ 79 ກິດຈະກໍາ, ໃນນີ້ແມ່ນ 14 ກິດຈະກໍາ ລະດັບຊາດ ແລະ 65 ກິດຈະກໍາ ລະດັບທ້ອງຖິ່ນ.

    ການຈັດງານບຸນລະນຶກບຸນຄຸນພຣະເຈົ້າໄຊຍະເຊດຖາທິຣາດ ສະເຫຼີມສະຫຼອງປີທ່ອງທ່ຽວລາວ 2024 ຂອງແຂວງອັດຕະປື ໃນຄັ້ງນີ້, ພະແນກຖະເເຫຼງຂ່າວ, ວັດທະນະທຳ ເເລະ ທ່ອງທ່ຽວແຂວງ ຮ່ວມກັບຂະແໜງການທີ່ກ່ຽວຂ້ອງ ແລະ ຫ້ອງການ ຖວທ 5 ຕົວເມືອງໃນທົ່ວແຂວງ ໄດ້ເປັນເອກະພາບກັນກຳນົດເອົາບັນດາກິດຈະກຳທ່ອງທ່ຽວ ປະກອບມີ 7 ກິດຈະກຳ, ໃນນີ້ມີ 2 ກິດຈະກໍາເປັນກິດຈະກຳລະດັບແຂວງ ເເລະ 5 ກິດຈະກຳເປັນກິດຈະກຳລະດັບເມືອງ ໂດຍໄດ້ສົມທົບກັບບັນດາຜູ້ປະກອບການທຸລະກິດທ່ອງທ່ຽວ, ໂຮງເເຮມ, ເເຫຼ່ງທ່ອງທ່ຽວ, ຮ້ານອາຫານ, ບໍລິສັດຂົນສົ່ງໂດຍສານ ເເລະ ຫົວໜ່ວຍທຸລະກິດທີ່ກ່ຽວຂ້ອງປັບປຸງຍົກລະດັບຄຸນນະພາບການບໍລິການ ເພື່ອກຽມຄວາມພ້ອມໃນດ້ານຕ່າງໆ ໂດຍສະເພາະການບໍລິການຕ້ອນຮັບນັກທ່ອງທ່ຽວທີ່ເຂົ້າຢ້ຽມຢາມ ແລະ ທ່ອງທ່ຽວແຂວງອັດຕະປື ຂອງພວກເຮົາ.

     ສໍາລັບການຈັດຈັດງານລະນຶກບຸນຄຸນພຣະເຈົ້າໄຊຍະເຊດຖາທິຣາດ ແລະ ສະຫລອງປີທ່ອງທ່ຽວລາວ 2024 ຈະດໍາເນີນໄປລະຫວາງວັນທີ 14 – 18 ທັນວາ 2024, ຄາດຄະເນວ່າຫມົດປີ 2024 ນີ້ຈະມີ ນັກທ່ອງທ່ຽວຈະເດີນທາງເຂົ້າມາຢ້ຽມຢາມ ແລະ ທ່ອງທ່ຽວຢູ່ແຂວງອັດຕະປືປະມານ 160.000 ຄົນ ແລະ ຄາດຄະເນຮັບຈາກການທ່ອງທ່ຽວຫຼາຍກ່ວາ 70 ກວ່າຕື້ກີບ.

    ສໍາລັບງານດັ່ງກ່າວນັ້ນ ຈະປະກອບມີ 8 ກິດຈະກໍາຫຼັກຄື: ກິດຈະກຳຂະບວນຂີ່ລົດຖີບ ເພື່ອສຸຂະພາບຂອງສະຫະພັນລົດຖີບ, ກິດຈະກຳປະກວດນາງສາວທ່ອງທ່ຽວ, ເທດສະການຮ່ອນຄຳ, ກິດຈະກຳແຫ່ຜ້າສາດເຜີ້ງ,  ກິດຈະກຳສະແດງສີລະປະຄົບງັນພາຍໃນ ແລະ ຕ່າງປະເທດ, ກິດຈະກຳຕັກບາດ, ກິດຈະກຳຊ່ວງເຮືອຕາມຕຳນານ ແລະ ອື່ນໆ.

KPL

ຂ່າວອື່ນໆ

    • ແຂວງຈຳປາສັກເຄື່ອນໄຫວຊຸກຍູ້ສະຖານທີ່ທ່ອງທ່ຽວ ທາດສາມປາງ ແລະ ວັດພູຈຳປາສັກທ່ອງທ່ຽວ

      ແຂວງຈຳປາສັກເຄື່ອນໄຫວຊຸກຍູ້ສະຖານທີ່ທ່ອງທ່ຽວ ທາດສາມປາງ ແລະ ວັດພູຈຳປາສັກ

      8/20/2025 11:58:15 AM

      *ເພື່ອເຮັດໃຫ້ບັນຍາກາດການທ່ອງທ່ຽວ ໃນໄລຍະລະດູຝົນໃຫ້ຟົດຟື້ນຕິດພັນກັບ ຟັງຄຳຄິດຄຳເຫັນ ແລະ ຂໍ້ສະເໜີຈາກປະຊາຊົນ, ຜູ້ປະກອບການນໍາໄປຄົ້ນຄວ້າ ຫາຊ່ອງທາງແກ້ໄຂໃນຕໍ່ໜ້ານັ້ນ, ເມື່ອມໍ່ໆມານີ້, ທ່ານ ສຸລິນ ເພັດທານີ ຮອງຫົວໜ້າພະແນກ ວັດທະນະທໍາ ແລະ ທ່ອງທ່ຽວ (ວທ) ແຂວງຈໍາປາສັກພ້ອມຄະນະ ໄດ້ເຄື່ອນໄຫວຊຸກຍູ້ສະຖານທີ່ທ່ອງທ່ຽວ, ການທ່ອງທ່ຽວສີຂຽວຢູ່ ເມືອງ ສຸຂຸມາ ແລະ ເມືອງຈຳປາສັກ

    • ທ່ຽວທຳມະຊາດຕາດຫີນຄັນນາທ່ອງທ່ຽວ

      ທ່ຽວທຳມະຊາດຕາດຫີນຄັນນາ

      7/14/2025 11:32:39 AM

      ຕາດຫີນຄັນນາ ເປັນຕາດທ່ີມີຂະໜາດບ່ໍໃຫຍ່ຫລາຍ ແຕ່ກໍເປັນແຫລ່ງທ່ອງທ່ຽວທີ່ນິຍົມມາແຕ່ດົນນານ, ເນື່ອງຈາກວ່າເປັນຕາດທ່ີມີຄວາມສວຍງາມ, ມີນ້ຳໃສໄຫລເຢັນ ແລະ ປົກຄຸມດ້ວຍທຳມະຊາດທີ່ຂຽວສົດງົດງາມໄປດ້ວຍຕົ້ນໄມ້ນາໆຊະນິດ, ສາມາດດຶງດູດນັກທ່ອງທ່ຽວໃຫ້ມາທ່ຽວຊົມຢ່າງຫລວງຫລາຍ.

    • ບໍລິສັດທ່ອງທ່ຽວ ລາວໂອເວີຊີ ຈໍາກັດ ສໍາຫລວດເສັ້ນທາງການທ່ອງທ່ຽວຢູ່ແຂວງກຸຍໂຈວ ສປ ຈີນທ່ອງທ່ຽວ

      ບໍລິສັດທ່ອງທ່ຽວ ລາວໂອເວີຊີ ຈໍາກັດ ສໍາຫລວດເສັ້ນທາງການທ່ອງທ່ຽວຢູ່ແຂວງກຸຍໂຈວ ສປ ຈີນ

      7/8/2025 2:26:32 PM

      ຂປລ. ໃນລະຫວ່າງ ວັນທີ 29 ມີຖຸນາ ຫາ 3 ກໍລະກົດ 2025 ຢູ່ແຂວງກຸຍໂຈວ ສປ ຈີນ. ບໍລິສັດທ່ອງທ່ຽວ ລາວໂອເວີຊີ ຈໍາກັດ ເປັນບໍລິສັດໜຶ່ງທີ່ໄດ້ເຂົ້າຮ່ວມກອງປະຊຸມພົບປະການທ່ອງທ່ຽວ ລະຫວ່າງ ພະແນກການທ່ອງທ່ຽວແຂວງກຸຍໂຈວ ແລະ ບໍລິສັດທ່ອງທ່ຽວຈາກ ສປປ ລາວ, ໄທ ແລະ ມາເລເຊຍ

    • ໄປສຳພັດກັບຄວາມງາມອັນມະຫັດສະຈັນ ຂອງຖໍ້ານໍ້າລອດ ເຊບັ້ງໄຟທ່ອງທ່ຽວ

      ໄປສຳພັດກັບຄວາມງາມອັນມະຫັດສະຈັນ ຂອງຖໍ້ານໍ້າລອດ ເຊບັ້ງໄຟ

      7/7/2025 12:19:25 PM

      ຖ້ຳນ້ຳລອດ ເຊບັ້ງໄຟ, ຖ້ຳນີ້ບໍ່ຕັ້ງຢູ່ເມືອງເຊບັ້ງໄຟຕາມຊ່ື່ເລີຍ ແລະ ກໍບໍ່ແມ່ນຕົ້ນກຳເນີດຂອງນ້ຳເຊບັ້ງໄຟ ເພາະຄວາມຈິງແລ້ວຖ້ຳແຫ່ງນີ້ຕັ້ງຢູ່ບ້ານໜອງປີງ ເມືອງບົວລະພາ ແຂວງຄຳມ່ວນ ຫ່າງຈາກຕົວເມືອງໄປທາງທິດຕາເວັນອອກສຽງເໜືອປະມານ 15 ກິໂລແມັດ.

    • 6 ເດືອນຕົ້ນປີ ຫລວງພະບາງ ເກັບລາຍຮັບໄດ້ 1,2 ຕື້ກວ່າກີບທ່ອງທ່ຽວ

      6 ເດືອນຕົ້ນປີ ຫລວງພະບາງ ເກັບລາຍຮັບໄດ້ 1,2 ຕື້ກວ່າກີບ

      6/30/2025 1:22:05 PM

      ຂປລ. ໄລຍະ 6 ເດືອນຕົ້ນປີ 2025, ການຈັດຕັ້ງປະຕິບັດ-ຄຸ້ມຄອງ ການຈັດເກັບລາຍຮັບ ຢູ່ແຂວງຫລວງພະບາງ ປະຕິບັດໄດ້ 1,2 ຕື້ກວ່າກີບ, ເທົ່າກັບ 61,79% ເຊິ່ງທ່າແຮງພື້ນຖານ ໃນການສ້າງລາຍຮັບຫລັກ ແມ່ນການບໍລິການດ້ານການທ່ອງທ່ຽວ, ໂຮງແຮມ, ເຮືອນພັກ, ຮ້ານອາຫານ ແລະ ອື່ນໆ.

ads
ads

Top