ຂປລ
ຂປລ. ຫົວສິໄຄ ເປັນພືດສະໝຸນໄພທີ່ຄົນລາວນິຍົມນຳມາໃຊ້ໃນການປຸງອາຫານ ແລະ ເຮັດເປັນນ້ຳສະໝຸນໄພ. ນອກຈາກມີກິ່ນຫອມ ແລະ ຊ່ວຍເພີ່ມລົດຊາດໃຫ້ອາຫານແລ້ວ, ຫົວສິໄຄ ຍັງມີສານປະກອບຈາກທຳມະຊາດຫລາຍຊະນິດ ທີ່ອາດເປັນປະໂຫຍດຕໍ່ຮ່າງກາຍ.
ຂປລ. ຫົວສິໄຄ ເປັນພືດສະໝຸນໄພທີ່ຄົນລາວນິຍົມນຳມາໃຊ້ໃນການປຸງອາຫານ ແລະ ເຮັດເປັນນ້ຳສະໝຸນໄພ. ນອກຈາກມີກິ່ນຫອມ ແລະ ຊ່ວຍເພີ່ມລົດຊາດໃຫ້ອາຫານແລ້ວ, ຫົວສິໄຄ ຍັງມີສານປະກອບຈາກທຳມະຊາດຫລາຍຊະນິດ ທີ່ອາດເປັນປະໂຫຍດຕໍ່ຮ່າງກາຍ. ນອກຈາກນັ້ນ, ການນຳຫົວສິໄຄມາໃຊ້ໃນອາຫານ ຫລື ຕົ້ມເປັນນ້ຳດື່ມ ອາດຊ່ວຍໃນດ້ານການຍ່ອຍອາຫານ ແລະ ບັນເທົາອາການທ້ອງອືດ ຫລື ຈຸກແໜ້ນ, ມີສານຕ້ານອະນຸມູນອິດສະລະ, ຕ້ານການອັກເສບ ຈາກສານອອກລິດບາງຊະນິດ ແລະ ອາດຊ່ວຍຜ່ອນຄາຍອາການຕັນດັງ ຫລື ເປັນຫວັດເລັກນ້ອຍ, ເມື່ອນຳມາຕົ້ມເປັນນ້ຳດື່ມ, ຊ່ວຍເພີ່ມກິ່ນ ແລະ ລົດຊາດອາຫານ ໂດຍສາມາດນຳໄປໃສ່ແກງ, ຕົ້ມ ຫລື ຊາສະໝຸນໄພ.
ເຖິງແມ່ນຫົວສິໄຄຈະມີສານທີ່ອາດເປັນປະໂຫຍດ ແຕ່ບໍ່ຄວນເຂົ້າໃຈວ່າ ສາມາດໃຊ້ຮັກສາພະຍາດໄດ້ໂດຍກົງ. ຜູ້ທີ່ມີພະຍາດປະຈຳຕົວ, ກຳລັງຮັບປະທານຢາ ຫລື ຕ້ອງການໃຊ້ຫົວສິໄຄໃນຮູບແບບສານສະກັດ ຫລື ອາຫານເສີມ ຄວນປຶກສາແພດ ກ່ອນ.
ດັ່ງນັ້ນ, ຫົວສິໄຄຈຶ່ງສາມາດເປັນອີກໜຶ່ງພືດສະໝຸນໄພທີ່ນຳມາໃຊ້ໃນອາຫານປະຈຳວັນໄດ້ຢ່າງເໝາະສົມ ພ້ອມທັງໄດ້ຮັບສານອາຫານ ແລະ ສານຈາກພືດທີ່ອາດເປັນປະໂຫຍດຕໍ່ສຸຂະພາບ. ແນວໃດກໍຕາມ, ການກິນອາຫານໃຫ້ຄົບ 5 ໝູ່, ຫລາກຫລາຍ, ພັກຜ່ອນພຽງພໍ ແລະ ອອກກຳລັງກາຍສະເໝີ ຍັງເປັນພື້ນຖານສຳຄັນຂອງການມີສຸຂະພາບດີ.
KPL
